كيف اعرف كفائه abs

**MOMOBARAK** · 11-08-2009 11:12 AM

انا عربيتى مو 2009 انا حاسيت ان ABS مش شغال كويس عند فرمله العربيه لا تقف مره واحده بل بتسحف على الارض وبتقف على مرحلتين .

**solid_khaled** · 11-08-2009 01:32 PM

انا الى اعرفوة ان ال abs بيشتغل بس هاما يكون فى مياة او زيت على الارض

**KHALED AYMAN** · 11-08-2009 01:51 PM

abs بيشتغل فى حاله انك تفرومل جامد ..
و الحساسات تستشعر ان العجل بيزحف على الارض ...
فبيقوم التيل ..
بيقفل و يفتح على الطنابير بسرعه كبيره جدا ...
فالعجله متزحفش و فى نفس الوقت مبتحسش بحركه التيل دى ...
و طبيعى جدا ان اول ما تفرمل جامد العربيه تزحف حته صغيره و بعدين تلم نفسها ....
عشان تتاكد انه شغال ..
تعالى فى حته فيها تراب ..
و فرمل جاااااااااااااااااااامد ..
هستمع صوت دربكه فى العربيه و رعشه فى دواسه الفرامل ...

**MOMOBARAK** · 12-08-2009 09:40 AM

انا كان معايا مستوبيشى مجرد انك بدوس على الفرامل الـabs بيشتغل على طول وتقف وقتى . يعنى مجرد دواسه الفرامل بتحس بنتره الرجل الـ abs بيشتغل. ده عن تجربه . ولا ده بيختلف من عربيه الى عربيه

**Imhotep** · 12-08-2009 11:55 AM

انا عربيتى فيها abs..... بس اللى اعرفه ان ان ال abs مش بيفيد ان العربية تقف فى وقت اسرع او انها تقف فى اقصر وقت ممكن بدون زحف...... انما فايدته ان الفرامل عند الضغط المستمر عليها متعملش lock بدون امكانية تحكم فى السيارة عن طريق الدركسيون...... الفكرة انه مع نظام ال abs يمكن التحكم فى السيارة و المناورة بها بدون ان الفرامل تعمل lock...... يا ريت حد من الخبراء يفتينا.....

**MOMOBARAK** · 15-08-2009 10:50 PM

انالسه راجع من التوكيل واشتكيت من abs على انه غير فعال والمهندس جرب العربيه وقال انه ده الطبيعى رغم انى شايفه انه سيئ جدا لأنى مجربه فى المتسوبيشى كان حكايه مجرد أن ادوس على الفرامل بحركه فجائيه كانت العربيه تقف وقتى لاحركه المهم المهندس قالى ممكن نجرب عربيه اخرى وفعلا جربنا عربيه اخرى وكانت النتيجه واحده قلت للمهندس شكرا على المجهود . هو فى سؤال فى تبس بيتوزع هناك ولا المكان ده محترم .

**كابوس الليل** · 17-08-2009 12:56 AM

المشاركة الأصلية كتبت بواسطة mahora

انا عربيتى فيها abs..... بس اللى اعرفه ان ان ال abs مش بيفيد ان العربية تقف فى وقت اسرع او انها تقف فى اقصر وقت ممكن بدون زحف...... انما فايدته ان الفرامل عند الضغط المستمر عليها متعملش lock بدون امكانية تحكم فى السيارة عن طريق الدركسيون...... الفكرة انه مع نظام ال abs يمكن التحكم فى السيارة و المناورة بها بدون ان الفرامل تعمل lock...... يا ريت حد من الخبراء يفتينا.....

ايه هوا ال abs ???
بص الفرق بينه وبين الفرامل العادية انه خاصية من الامان
بمعنى انك لو ماشى على اسفلت بيتشغل معاك مش قوى لانه على اسفلت
لاكن لو على مية او تراب ..
العادى انك لو ماشى على سرعة معينة على اسفلت وفرملت ""ده بلفرامل العادية"" حتاخد وقت معين
لو على رملة وبرضوا بلفرامل العادية وعلى رملة او على مية العربية وعلى نفس السرعة العربية ختاخد وقت اكبر فى الوقف على حساب انك دوست على الفرامل بنفس القوة فى الحالتين
لاكن الAbs بيفيد فى الحالات الى زى ديه انه يفرمل العربية على رملة ومية فى اسرع وقت
ولو عايز اشرح ازاى اقولك

**kemo0o** · 17-08-2009 02:35 AM

المشاركة الأصلية كتبت بواسطة كبوس الليل

ايه هوا ال abs ???
بص الفرق بينه وبين الفرامل العادية انه خاصية من الامان
بمعنى انك لو ماشى على اسفلت بيتشغل معاك مش قوى لانه على اسفلت
لاكن لو على مية او تراب ..
العادى انك لو ماشى على سرعة معينة على اسفلت وفرملت ""ده بلفرامل العادية"" حتاخد وقت معين
لو على رملة وبرضوا بلفرامل العادية وعلى رملة او على مية العربية وعلى نفس السرعة العربية ختاخد وقت اكبر فى الوقف على حساب انك دوست على الفرامل بنفس القوة فى الحالتين
لاكن الabs بيفيد فى الحالات الى زى ديه انه يفرمل العربية على رملة ومية فى اسرع وقت
ولو عايز اشرح ازاى اقولك

معلش مقاطعة لكلامك !!

ال abs ممكن يوقف العربية في مسافة اطول من الفرامل العادية ولكن ميزته انه بيخليك تتحكم في العربية أكتر

**كابوس الليل** · 17-08-2009 02:47 AM

المشاركة الأصلية كتبت بواسطة kemo0o

معلش مقاطعة لكلامك !!

ال abs ممكن يوقف العربية في مسافة اطول من الفرامل العادية ولكن ميزته انه بيخليك تتحكم في العربية أكتر

موافقك بس حالات اه وحالات لا وعلى حسب الموقف

**MOMOBARAK** · 23-08-2009 12:43 PM

انا كنت فى معرض للسيارات وعرفت اجابه السؤال
- abs هو مانع للانغلاق بمعنى ان الفرامل تشتغل وتفرمل مع التحكم فى السياره والقدره على المناوره
-لbdf انا مش متأكد من المسمى هو مانع للانزلاق بمعنى عند استعمال الفرمله تلاقى الثبات وعدم التحرك
هو ده الفرق بين الاثنين . ودى اخر معلوماتى