أفضل انواع الاطارات في مصر

[Moh.Abdelbaset]

ميشلان طبعا ...
وده مستخدم لاشهر فرق الفورمويلا 1

الميشلان جامد طبعاً
بس فرق الفورميلا حالياً كلها بتستخدم اطارات بيريللي

[مواطن مصرى]

لو عايز الافضل على مستوى العالم مش بس مصر : ميشلان - كونتنينتال - بريدجيستون - بيريلى

بس المهم تلاقيهم من مصنعهم : يعنى الميشلان و البيريللى صناعه اى دوله اوربيه - البريدجيستون صناعه يابانى و الكونتينينتال ماليزيا او اندونيسيا مش فاكر بالظبط

و الاهم ان اسعارهم معديه بمراحل عن اى ماركه تانى ... مثلا فارق السعر فى كاوتش 14 بين البريدجيستون و بين الكومهو و الاكليس لا يقل عن 150 جنيه فى الفرده

[Mohamed_Elwan]

موضوع جميل

[haroun707]

طيب فى حد جرب اليوكوهاما يا جماعه انا بسمع انها كاوتش جامدة وانا المفروض انى اغير الكاوتش اليومين دول والعربية فيها الكومهو عجله محترمة بس انا عاوز حاجة اعلى فى الكوالتى وتكون ثابته فى السرعات العاليه والمناورة

[sherifboo]

الكونتينتال الماني مش ماليزي اصله نازل في عربيتي فعلا ثبات ماشاء الله

[mezo73]

انا بالنسبالي مافيش وحش وحلو بشكل مطلق بمعني اذا مثلا اشتريت نوع وكان ممتاز واخد ترتيب متقدم في الاختبارات وبعدين حبيت اغير بعد كدة هاعمل سرش تاني واشوف ممكن يكون في نوع تاني موجود في مصر احسن من اللي جبتة قبل كدة هاجيب الكاوتش التاني
واهم حاجة في المفاضلة بين انواع الكاوتش لو لقيت مثلا 3 انواع ممتازين وواخدين مراكز متقدمة في الاختبارات هافاضل حسب الاتي
1- تاريخ الانتاج بمعني ان اشتري اللي انتاجة حديث
2- سرعة الكاوتش بالترتيب
w 270 - 240 v- 210 h- 190 t
وكل رمز جنبة الحد الاقصي لسرعتة
3- وبعدين معامل الحرارة بيكون
AA - A-B-C
وطبعا المعامل دبل اية هو الاكثر احتمالا للحرارة
ومعامل الاحتكاك
A-B-C
وطبعا الافضل في قوة تحمل الاحتكاك هو الرمز اية ثم الاقل

يعني في البداية ادخل مثلا موقع الاختبارات واحدد المقاس بتاعي واشوف اية الماركات الافضل وطبعا باسم النقشة وبعدين نعمل الخطوات التالية
ودة لينك لموقع اختبارات الاطارات في اوروبا

2011 European Summer Tyre Test 195 65 R15 | the online tyre guide

ودة لينك تاني عن موضوع كنت عاملة لما كنت بدور علي كاوتش واشتريتة

http://www.nilemotors.net/Nile/264082-a.html

وفي النهاية بحذر الكثير من الناس التي بتشتري الكاوتش علي حسب ان النقشة عجباة وشكلها روش لان دة للاسف ممكن يكلفك كتير
واحب اذكركم بشئ لان اغلبية التجار في مصر بيمتازو بالفهلوة واغلبيتهم غير متعلمين اساسا وللاسف الناس بتسمع كلامهم وبتصدق .
التاجر كل اللي يهمة انه يكسب اكتر وعلشان كدة السوق مليان انواع غير معروفة بس المهم ان التاجر بيشتريها رخيصة جدا ويكسب فيها اكتر من الاطارات الماركات المعروفة
واخيرا تقبلوا مروري اخواني الكرام

[احمد.محمد.عابد]

عن تجارب كتير افضل ماركة هي كونتنينتال

[salah008]

هانكوك

السلام عليكم ورحمة الله وبركاته
عن تجربة مسافة 250 الف كم خلال 10 سنوات تم تغيير الكاوتش 4 مرات
كاوتش عملي وسعره مناسب لمسافة 50-60 الف كم

[MIVEC.A92]

عربيتي نازلة بنوع اسمة Dunlop, هو تقريبا ياباني و معرفش ليه توكيل هنا ولا لأ. حد يعرف اي معلومات عنه ؟

[goofy301]

طيب فى حد جرب اليوكوهاما يا جماعه انا بسمع انها كاوتش جامدة وانا المفروض انى اغير الكاوتش اليومين دول والعربية فيها الكومهو عجله محترمة بس انا عاوز حاجة اعلى فى الكوالتى وتكون ثابته فى السرعات العاليه والمناورة

الفردة ده بجد محترمة جداً وناعمة جداً وهدوء بدون صوت خصوصا لو النقشة ال C.Drive وده عن تجربة ...

[mazagngi2010]

gt champiro
best value for money

[El Prince]

متابع باهتمام لأنى هاغير قريب

[bebo2000]

gt champiro
best value for money

[moody_687]

بريدجستون جي ار 90 توارنزا

[Feddo]

متابع