ازاى اقدر اعرف ان الكاوتش عمره انتهى ولا لسه سليم ؟؟

[eemmoo]

انا لسه جايب عربيه مستعمله ومش عارف الكاوتش اللى فيها عامل كام كيلو ولا اللى اشترتها منه عارف

واحد بتاع كاوتش قالى عادى يتمشى بيه وواحد تانى قالى لازم يتغير وانا محتار

ازاى بقى اعرف اذا كان سليم ولا خلاص عمره انتهى ؟؟

[BLOODY_STONE]

متابع ....

[elhelawy]

بص يا باشا الموضوع عاوز بتاع كاوتش شاطر و عندوا ضمير هو هيمشى ايدوا على الكاوتش من فوق و يشوف فيه (عالى وواطى ) ولا لق ويشوف فى فارده فيها (لوحه ) ولا لق و عمتا انت الادرى بالعربيه فى مشيها عامله ايه معاك فى رفه فى رعشه العجل بيريح منك كل شويه و ربنا معاك و الف مبروك على العربيه

[kamatsho]

بص يا باشا الموضوع عاوز بتاع كاوتش شاطر و عندوا ضمير هو هيمشى ايدوا على الكاوتش من فوق و يشوف فيه (عالى وواطى ) ولا لق ويشوف فى فارده فيها (لوحه ) ولا لق و عمتا انت الادرى بالعربيه فى مشيها عامله ايه معاك فى رفه فى رعشه العجل بيريح منك كل شويه و ربنا معاك و الف مبروك على العربيه

والله ما قصرت

+ شوف النقشة بتاعت الكاوتش اتمسحت ولا لسه

وممكن تروح لبتاع كاوتش محترم . . يشوفلك الكاوتش فيه لحمات واخرام كتيير ولا لاء

[eslamspirit]

بص علي تاريخ انتاج الكاوتش بيبقي مكتوب علية كالاتي مثلا
32/09 يبقي الاسوع 32 سنة 2009
لو التاريخ عدي علية 5 سنين اعتقد انك تفكر تغيرة افضل

[abofarah]

تمام

[eemmoo]

متشكر جدا لمساعدتكم وان شاء هعمل اللى انتوا قولتولى عليه

[Gelgel2004]

السلام عليكم
اولا مبروك العربيه و ربنا ياتيك خيرها و يجنبك شرها


بالنسبه للكاوتش - معلومات عامه :
1/ الصلاحيه من 2 الى 3 سنوات بشرط توافر مكان التخزين المناسب من تهويه و تخزين بوضع سليم و ده موش هتلاقيه الا نادرا جدا فى مصر.
2/ تاريخ الصنع - يعنى كل ما يكون قريب كل ما يكون التخزين قليل و ده لصالحك طبعا - اقصد اشترى الكاوتش طازه
3/ الانواع ليها درجه سرعه يعنى الرمز t يستحمل سرعه لعداد معين و الرمز h سرعه اعلى و هكذا .
4/ فيه نوعين من الاطارات التيل بس و ده مبيكونش فيه سلك ( الراديال ) من جوه مميزاته العجله طريه زى الخس بس المطبات اللى عندنا بتبوظه - بيضرب من الجنب لو اخدت مطب جامد مثلا - و النوع الثانى راديال اللى فيه سلك و ده مناسب للشوارع بتاعتنا.


ازاى نعرف الكاوتش يتغير و الا لا ؟؟

1/ العمر الافتراضى فى الشوارع بتاعتنا من 35000 الى 40000 كلم و لو خامه الكوتش كويسه - ماركه زى البريللى او البردجستون او الفولدا - ممكن بيقعد اكثر كام الف.
2/ المصنع ببقى عامل جزء بين النقشات اللى على الجزء الخارجى من الاطار اقصد ان التقشه بتبقى اعلى من الجزء او الدليل ده ب1/2 سم مثلا ومع المشى النقشه بتتاكل و لو وصلت فى سواء الدليل او الجزء ده - يبقى يستحسن انه يتغير.


مع التاكيد لما ذكره الزملاء سابقا من ضروره الكشف الظاهرى

دمت بود

[MMamdouh]

بص على اللينك دة

GT Radial - Manufacturer and supplier of top quality tires. Offering a complete range of tires

MMamdouh

[eemmoo]

متشكر جدا على معلوماتكم الغاليه