تعالوا نعرف ازاي نفسر رموز الكاوتش

[Amr Axel]

متشكر جدا لرد حضرتك
بالنسبه للكاوتش هو انتاج الاسبوع 49 سنه 2009 فعلا والصناعه فى ماليزيا لان العربيه ماليزى
اما بالنسبه لسواقتى هاديه الى حد ما . اما بالنسبه للطرق اللى بمشى عليها فهى دى ممكن تكون المشكله لانى ساكن فى المرج والشوارع هناك ما شاء الله مدغدغه

انا كنت قررت انى مش هجيب جود يير تانى عشان المده القصيره اللى قعدها معايا . بس هل افهم من كلام حضرتك كده انى حتى لو جيبت ماركه زى بريدجستون اوميشلان مش هتقعد معايا كتير عشان الطرق اللى انا بمشى عليها دى ولا ايه يعنى ؟؟؟؟
السؤال بطريقه تانيه يعنى هل العيب طلع فى الطريق وانى مهما استنضفت كاوتش هيبوظ بردو بعد مده قصيره كده؟؟؟

ده مقدرش احدده لأن الموضوع مش نوعية كاوتش بس لكن طبيعة الطرق
بس اكتر ع حسب الكاوتش و النقشة يعني الكاوتش مش مجرد اسم و اي حاجة بتركب
زي ما قولت في الرد السابق البريدجستون مثلا فيه نقشتين منه واحدة اسمها بوتنزا و واحدة اسمها تورنزا واحدة منهم ناشفة و مزعجة و تحس بكل زلطة في الارض لكن في المقاس ثبات و اداء و عمر اطول
و واحدة منهم مريحة و ملهاش صوت لكن في العمر مش زي التانية
لكن البريدجستون عامة من الحاجات النضيفة اللي بتعيش
الهانكوك برده من الكاوتش الكويس

[ahmedfathi]

ده مقدرش احدده لأن الموضوع مش نوعية كاوتش بس لكن طبيعة الطرق
بس اكتر ع حسب الكاوتش و النقشة يعني الكاوتش مش مجرد اسم و اي حاجة بتركب
زي ما قولت في الرد السابق البريدجستون مثلا فيه نقشتين منه واحدة اسمها بوتنزا و واحدة اسمها تورنزا واحدة منهم ناشفة و مزعجة و تحس بكل زلطة في الارض لكن في المقاس ثبات و اداء و عمر اطول
و واحدة منهم مريحة و ملهاش صوت لكن في العمر مش زي التانية
لكن البريدجستون عامة من الحاجات النضيفة اللي بتعيش
الهانكوك برده من الكاوتش الكويس

طب ممكن حضرتك تقولى أجيب طقم هانكوك منيين (يعنى التوكيل بتاعه فين فى القاهره؟؟؟)

2- ايه أفضل نقشه فى الهانكوك ؟؟؟
3- هل الهانكوك كله كورى ولا فيه منه بيتصنع فى بلاد تانيه ؟؟؟؟

معلش طولت فى الاسئله بس اعذرنى أصل لسه جديد فى موضوع الكاوتش ده وأول مره أغير طقم كاوتش للعربيه

[dr_hady4447]

اعتذر عن التاخير لكن لسه شايف المشاركة
بص لو الاساسي بتاع العربية 15 يفضل تخليك عليه لأن لو كبرت لازم بحسابات معينة و عامة الجنوط بتاعت اليومين دول الرخيصة مع اقرب مطب او فتحة هتنزل تلاقيه في الارض
و ممكن لو عايز تغير عشان الشكل و الثبات يعلي شوية يبقي تلعب في مقاسات الكاوتش نفسه لكن بحدود
يعني مثلا المقاس الأصلي 15\205\55
ممكن تخليه 15\215\60 اهم حاجة ان ميحكش و ده تقيسها بنفسك او الراجل يشوفلك الحوار ده
اخدت بالك من الفكرة ؟؟ و بالتالي هتزود الثبات و تاخد شكل كأنك مركب 16
عندي مثلا الجنط 13 فلعبت في النقطة دي الناس الغير خبييرة في موضوع المقاسات بتتغير في الشكل و يقولولي انت مركب 14 اقولهم لأ 15 ههههههههه

كويس جديد ع حسب بس ممكن هانكوك كوري لو عايز حاجة تعتبر سعرها متوسط
لو تقدر ع مبلغ يبقي لو تجيب بريدجستون و لقيت ياباني يبقي تمام لكن خلي بالك اهم حاجة النقشة تورنزا او بوتنزا دول اللي افضلهم التورينزا يعتبر مناسب لينا هنا عشان الهدوء و الراحة في الشوارع
اما البوتنزا فهو ناشف شوية و يحسسك بكل زلطة في الارض لكن في المقابل ثبات و اداء و بيعيش
و الافضل لو جبت تجيب من توكيل النوع

بخصوص الجي تي بصراحة مجربتوش عشان احكم لكن فيه ناس كتيير شكرت فيه

شكرا ياباشا على الرد
للاسف انا مش هغير الجنوط لان حصل لى ظروف قهرية ولكن اغيرهم فى القريب العاجل

,,
معلش اية رايك فى فولدا التركى 14/60/185 , t 95؟؟ وياترى سعرة كام

[lamborghini911]

ازيكم يا شباب كل سنه وانتم طيبين ولونها متاخره شويه
انا عندى الانترا 2010 الكاوتش بتاعها 185/65r15 وكنت ناوى اغير الجنط والكاوتش وفكرت اركب جنط 17 عشان الشكل والثبات وعملت شوية حسابات على قدى لقيت انى لو ركبت عليه كاوتش 205/50r17 هيكون تمام وهيفرق معايا فى الارتفاع الكلى للعجله حوالى 1 سم وكده كده جيب العجل عندى واسع ويشيل وارتفاع الكاوتش كمان فى الحاله دى هيكون فى حدود 10سم يعنى مناسب للطرق بتاعتنا
ايه رأيكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ossamayk]

جزاك الله خيرا

[Amr Axel]

ازيكم يا شباب كل سنه وانتم طيبين ولونها متاخره شويه
انا عندى الانترا 2010 الكاوتش بتاعها 185/65r15 وكنت ناوى اغير الجنط والكاوتش وفكرت اركب جنط 17 عشان الشكل والثبات وعملت شوية حسابات على قدى لقيت انى لو ركبت عليه كاوتش 205/50r17 هيكون تمام وهيفرق معايا فى الارتفاع الكلى للعجله حوالى 1 سم وكده كده جيب العجل عندى واسع ويشيل وارتفاع الكاوتش كمان فى الحاله دى هيكون فى حدود 10سم يعنى مناسب للطرق بتاعتنا
ايه رأيكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هيكون كتيير ع العفشة لو الوزن اكتر من الستوك لازم تاخد بالك ان وزن الجنوط الجديدة يكون مساوي لوزن الجنط الأصلي و الأفضل تقلل العرض درجة او درجتين و مناسبة الارتفاع للعرض لأن بالشكل ده لو عملت ع الحسابات ديه هتضيع الثبات شوية مش هتظبطه لأن العربية هتعلي بالاضافة ان العداد هيقرا في الحقيقة عكس اللي عداد السرعة قاريه قدامك ده غير ان التسارع هيقل
و عايز اقولك ان أفضل مقاس للعربية هو اللي المصنع نزله ممكن تعرض الكاوتش شوية ع نفس مقاس الجنط هيزود الثبات شوية و مش هيأثر ع حاجة غير قراية العداد
يعني ممكن تبقي 195\55-60 \15 بدل 185\65\15

[victornabil]

انا ليا استفسار بالنسبه لمعامل الاحتكاك ايهما افضل aa و الا c و نفس السؤال لتحمل درجات الحراره ايهما افضل a و الا c

[Amr Axel]

انا ليا استفسار بالنسبه لمعامل الاحتكاك ايهما افضل aa و الا c و نفس السؤال لتحمل درجات الحراره ايهما افضل a و الا c

طبعا a و aa أفضل لأنه اكبر معدل للتحمل و المقاومة

[mero100]

انا ركبت انهارده بريدجستون b250 اندونيسي .. ايه رأيكم في الفرده دي؟

كمان لاحظت ان ال tempreture A و ال traction B و ال tradeware 200

كويسه ؟ ولا ؟

[egyptiandiver]

مبروك يا أستاذ عمر. منين و بكام؟

[mero100]

مبروك يا أستاذ عمر. منين و بكام؟

الله يبارك فيك أ/ احمد.... الفرده 395 جنيه بالترصيص و التركيب و البلوف .... من بريدجستون fit&fix

[ابوجنى2112]

صباح الخير يارجالة المنتدى الافاضل

استفسار بسيط عن التورانزا ال ar10
السرعة: v88
مؤشر تآكل الكاوتش.لايوجد
مؤشر تحمل الاحتكاك:لايوجد
مؤشر تحمل الحرارة:a
تاريخ الانتاج: الاسبوع52 لسنة 12
فهال عدم وجود بقية البيانات غير مدونة على الاطاريسبب مشكلة فى تحمل الاطار واعتماديتة

وكيف لشركة مثل بريجستون بالعراقة والتقدم أن تغفل وضع بيانات على الاطار
أفيدونا أفادكم الله.

[محمد رؤوف نجيب]

طب لو عايزين نعرف تاريخ الإنتاج

[dr_coming]

بخصوص تويو وبريدجستون ؟؟؟

السلام عليكم

معلش يا شباب سؤال بسيط انا جبت فردتين تويو الاسبوع اللي فات وناوي ان شاء الله اجيب فردتين تانيين واغير الاربعة مع بعض اجيبهم تويو برضه ولا بريدجستون مع العلم ان البريدجستون اللي موجود دلوقتي تايلاندي والتويو ياباني ؟؟؟ الفرق في السعر مش كبير التويو ب 360 والبريدجستون ب 380 !!
انصحوني افادكم الله

[Amr Axel]

صباح الخير يارجالة المنتدى الافاضل

استفسار بسيط عن التورانزا ال ar10
السرعة: V88
مؤشر تآكل الكاوتش.لايوجد
مؤشر تحمل الاحتكاك:لايوجد
مؤشر تحمل الحرارة:a
تاريخ الانتاج: الاسبوع52 لسنة 12
فهال عدم وجود بقية البيانات غير مدونة على الاطاريسبب مشكلة فى تحمل الاطار واعتماديتة

وكيف لشركة مثل بريجستون بالعراقة والتقدم أن تغفل وضع بيانات على الاطار
أفيدونا أفادكم الله.

الكاوتش عليه البيانات ازاي مفيش عليه غير البيانات دي كده أشك فيه
شوف توكيل بريدجستون أفضل