انواع واسعار الكاوتش في مصر

[Ahmed.Fahmy]

انا لقيت النيكسن الكورى مقاس 17*225*45 الفردة بـ750 :)

[m_fikry2000]

السلام عليكم و رحمة الله و بركاته

مع منتصف شهر مايو الجاري أخدت قرار إني أستبدل بالإطارات القديمة اللي جاية مع العربية من بلدها ماركة Matador إطارات جديدة من ماركة ممتازة بنفس المقاس الأصلي و هو 185/60 R14، و عملت جولة في مدينة نصر و الدقي و شارع شامبليون و شارع أحمد سعيد ، وده كله علشان أعرف كل الماركات اللي في السوق المصري اللي فيها مقاس إطارات عربيتي و اعرف كمان فروق الأسعار من تاجر لآخر.

بصراحة انا استفدت جدا جدا من جولتي على محلات الإطارات في القاهرة و اكتشفت إن المعلومات الكتيرة جدا اللي عرفتها عن الإطارات من الإنترنت من مصادر موثوق فيها ميعرفهاش 95% تقريبا من اللي بيشتغلو في مجال الإطارات.
مش بس كده ، أغلبهم عنده معلومات غلط و عكس الصح تماما.

و كمان عرفت من خلال جولتي إن البلف اللي بيتركب في الإطار الـ Tubeless نوعين:-

النوع الأولاني مصنوع كله من الكاوتش (المطاط) و لونه طبعا أسود وده بيبقى صيني و تمنه 5 جنيه عند غالبية المحلات و اللي بيقول من التجار عندي منه ألماني بيبقى غشاش ، و الكلام ده سمعته من معظم التجار و من الأستاذ كريم شلبي رجل المبيعات المحترم في توكيل هانكوك.
النوع التاني مصنوع من النيكل و ده اللي بيبقى من ألمانيا و تمنه من20 الى 25 جنيه و ده بقى بلف معمر جدا و ممتاز حسب الكلام اللي سمعته من التجار و من الأستاذ كريم شلبي رجل المبيعات في توكيل هانكوك ( لسه متحققتش من صحة اللي سمعته عن طريق البحث في المواقع المتخصصة في الإطارات على الإنترنت ).

و عرفت إن مقاس إطارات 185/60 R14 بيتركب في الآتي:-
· شيفروليه أفيو (مقاس أصلي)
· سكودا فابيا ميني 1.4 (مقاس أصلي)
· فولكس فاجن بولو الجيل قبل الأخير (مقاس أصلي)
· فيات بونتو كلاسيك (مقاس بديل عريض بنفس القطر الإجمالي للإطار الأصلي و مذكور في كتالوج السيارة)
· دايو لانوس I أو II (مقاس بديل عريض بنفس القطر الإجمالي للإطار الأصلي ، بشرط استبدال بالجنط القديم مقاس 13 بوصة جنط جديد مقاس 14 بوصة) ]ملحوظة لغوية هامة: حرف الباء يدخل على الشئ القديم المتروك و ليس على الجديد المأخوذ [
· جايز فيه عربيات تانية معرفش ماركاتها ممكن يركب فيها المقاس ده بدون ضرر عليها.

و ديه كانت نتائج جولات البحث وضعتها في جدول كبير
















أهم شيء إنك تحدد أساس إختيارك لإطار سيارتك.

مجهود خرافى - - -

ليا سؤال - - انا قريب ها اركب Kumho V البياع شكرلى فيه جدا جدا - رأيكم ايه ؟؟؟

[elgammal2010]

...........

اشتريت 4 فرد هانكوك كورى 175/70/13 سعر الفردة 285

بيتباع فين بالسعر د يا باشا ؟

[elgammal2010]

انا لقيت كوتش مقاس 15 60/185 مشلان المانى سعرة 530

بيتباع فين بالسعر د يا باشا ؟

[فتح الباب]

برجاء تعديل الموقع لانه يطلب باسوورد

[head]

بيتباع فين بالسعر د يا باشا ؟

من المعادى فى شارع الجزائر

[TryToB]

الحمد لله غيرت الكاوتش

الحمد لله يا جماعة انا اشتريت كاوتش الفرنا امبارح بريدجستون اندونيسى 175-70-13 على 315 بالتركيب و الترصيص

[aximxi]

ممكن يا جماعة حد يقولى الفرق بين النفخ الهوا والنيتروجين .؟

وإيه الأفضل ؟

ولو نفخت نيتروجين وعايز أزود العجل ،، أزوده نيتروجين برضو ولا ممكن هوا ؟

[TryToB]

ممكن تقرا الموضوع ده فيه معلومات عن الموضوع

http://www.nilemotors.net/Nile/222188-a.html

[kamatsho]

موضوع مفيد

ويلخبط بصراحه

:d

[khilo67]

بالفعل البلالين دي خطر جدا عشان بتكون ضعف في نسيج الفردة
لو عايز نصيحتي لا بديل عن بريدجستون خاصة مع العربيات الاسيوي
وممكن تجيبها من توكيلها موجود في بنزينة كالتكس اللي في تقاطع عباس العقاد مع مصطفي النحاس
على الاقل هاتلاقية جديد
وبيعملو تخفيض كمان لو تبع نقابة الاطباء والمهندسين خد رقم عضوية اي واحد صاحبك بس
اعتقد عمر الفردة ما هاتزيد عن 250 جنية في المقاس ده

شكلها ايه البلالين دي ؟ لو صورة يبقى كتر خيرك

[MMamdouh]

MMamdouh

[mahmoud76]

السلام عليكم ورحمة الله وبركاته . . . .
برجاء معرفة متوسط اسعار الجنوط المناسبة لسيارة 128 مقاس 13 وأنواعها
وكذلك أسعار فرد الكاوتش المناسبة لنفس مقاس الجنط وأنواعها

ولكم جزيل الشكر

[eemmoo]

محدش عنده فردتين 14/185/60 تكون حالتهم نضيفه للبيع

وياريت لو حد يعرف اسعار الجديد فى المقاس ده والانواع والاماكن يقولى

وشكرا مقدما

[HADEDA]

انا نازل اجيب فردتين كاوتش انهاردة ياريت حد يقولى بسرعة اجيبهم نوعهم اية؟؟؟؟؟ وافضل مقاس يكون كام عربيتى فيات
132 المقاس الحالى 14/185/60 اجيب الاتنين نفس المقاس ولا اجيبهم185/65 عشان تكون اعلى شويه