انواع واسعار الكاوتش في مصر

[tarek2011]

العجلة الاستبن جابت سلك مقاس 15/70/205
ياريت تدلونا على افضل نوع وافضل سعر وافضل مكان
ولو حد عندة فردة حالتها كويس للبيع لحد لما ربنا يفرجها
واغير العجلتين اللى قدام احسن

[M.Nabeeh]

متابع

[saasaa301]

انا الكاوتش بتاعى لو سمحت مقاسه175/60
r 14

ممكن حد يقولى المقاس ده القى منوه انواع كاوتش ايه بظبط
ويريت اسعااار ورأكم افضلهم ايه
ولول فى موقع الواحد يقدر يجيب من عليه الحجات ديه اكون شاكر جدا لكم

[sindbad2day29]

الموقع ده بيحسبلك نسبة التغير فى القطر الخارجى للكاوتش لو حابب تغير المقاس بس بينصحو الن التغير ما يزدش عن 2.5%
Tyre Size Calculator - Changing Tyres - Etyres

ده موقع بردجسون
Passenger Tires | Bridgestone Corporation
وده موقع التويو
PROXES T1R Ultra High Performance Summer Tires | Toyo Tires
وده موقع اليكوهاما
Yokohama / OUR TYRES
وده موقع مشلان
Shop for Passenger Car/Minivan Tires | Michelin Tires

أنا بيتهيألي و على أد خبرتي المحدوده جدا إن الأنواع دي كلها ممتازه و لكن ليه محدش بيتكلم على الهانكوك أنا أعتقد انها فرده كويسه بالنسبه لسعرها و انا كنت سألت على الفرق بينها و ال جي تي بس سمعت إن الجي تي ناشفه شويه و صوتها عالي شويه و مع ان الأستاذ ممدوح نصحني بالجي تي بس برضه أنا هاغامر و اجيب الهانكوك اللي بيتهيألي إنها أنعم و أطرى من الجي تي و صوتها أقل ...... و في الأخر أهو كله كاوتش

[sindbad2day29]

لسه شايف دلوقتي في المنتدى مش فاكر فين بالظبط واحد كاتب ان الهانكوك صوووووووووووووته عالي و ناشف ...... أنا بافكر أجيب كاوتش من الفضاء الخارجي

[Hossam_Hassan]

الحمد لله غيرت كاوتش الاوبترا مقاس 14/185/65 ، نظرا للميزانية و بعد بحث كتير و استشارة اخى محمد ممدوح استقريت على الكومهو اكستا علشان بسافر كتير و باجرى و كان هو الموديل المناسب.

دورت كتير و مالقيتهوش غير فى التوكيل بتاع كومهو فى شبرا، عندهم مقاسات كتير و عندهم كمان بريدجستون و الغريب ان اسعارهم فى البريدجستون اقل 15 - 20 من توكيل بريدجستون.

المهم الحمد لله الفردة اتكلفت 390 جنيه و جربت الطقم فى القاهرة و الشوارع المكسرة و محستش باختلاف عن الكاوتش الاصلى اللى كان راكب و هو كان كومهو برضوا بس مش فاكر الموديل، و جربته على الطريق الطوالى و انا راجع شرم الشيخ و فعلا كاوتش محترم و ثباته كويس جدا مع العلم انى بامشى 130 - 150 و انا مسافر و تعمدت اجرى بيه فى كذا بقعة مياه بس ادائه كان كويس جدا.

[MMamdouh]

مبروك يا باشا

MMamdouh

[ENG\AHMED]

حد عندة فكرة عن اسعار 225\45\r17

[Mr7mix]

الحمد لله النهارده غيرت 4 فرد كاوتش جيبت ماكسس مقاس 195/70/14 h92 والفرد عامله 415 جندى من شارع احمد سعيد

[yousefsemsem]

انا جبت كاوتش اسمه بروم الفرده ب380 بعد الفصال 185/65 14 بس انا مش عارف جوده النوع ده لانهم جولي مش انا اللي اشترتهم فياريت حد يرد عليا اركب ولا ابيعهم واجيب غيرهم

[osamamady]

لو سمحتو مقاس 15-65-175 ايه الانواع الكويسه والاسعار

[الاحمدى موتورز]

175/70R13

GT:305
pirelli: 320
general :310
hankook: 310~325
michelin :380

[limo]

انا غريت كاوتش الفابريكه للعربيه انهاضه كان راكب فيها بردجستون تورانزا يابانى وكنت ماشى عليه 53500 كم بعد ما بداء يظهر فيه شقوق كتير وغيرته بردجستون تورازا نفس المقاس gr 90 يابانى برضو سعر الفرده 703 جنيه شامل البلف والنروجين والترصيص والحمد لله رب العاملين مرتاح نفسيا جدا بعد ما غيرته

[koshary]

لو سمحت يارجاله كنت عاوز اسعار الكاوتش 15/195/80 لعربية فورد مونديو ياريت الانواع والاسعار معلش هتعبكو معايا

[ahmed_zamalek7]

انا عايز اشترى ميشلان مقاس 16/205/55 ومش عارف اشتريه منين وهما ليهم توكيل فى مصر ؟