افضل عدد كليو مترات لتغير كاوتش البومه الاصلى

[limo]

انا معايا لانسر بومه 2008 ونازل معاها كاوتش بردجستون تورازا الاصلى بتاعها والكاوتش الحمد لله تمام مفهوش اى حاجه بس انا عامل بيه دلوقتى 47 الف كم وبفكر ان شاء الله اغيره على 60 الف كم ده لو فضل بنفس حالته فهل الكاوتش يعد معايا لغايه 60 الف ولا اغيره على 50 الف وخلاص ؟ وياريت اعرف برضو منكو كل واحد نزل الكاوتش الاصلى بتاعه امتى وكانت حالته ايه بالضبط لما شاله

[khaledmekawy2008]

حضرتك حسب استخدامك لللعربية انت ممكن تحتاج تغير الكوتش علي 20 الف لو بتخمس وبتهلك الكوتش وفرك وحركات
ولو استخدام حضرتك هادي عالعربية هتحتاج تغيره علي 60 الف لان نوعية الكوتش الياباني نضيف جدا وبيعيش اوي
ولو هتغير انصحك ب تيورانزا gr 90 ياباني واوعي تجيب الاندونيسي....

[as_samman]

حضرتك حسب استخدامك لللعربية انت ممكن تحتاج تغير الكوتش علي 20 الف لو بتخمس وبتهلك الكوتش وفرك وحركات
ولو استخدام حضرتك هادي عالعربية هتحتاج تغيره علي 60 الف لان نوعية الكوتش الياباني نضيف جدا وبيعيش اوي
ولو هتغير انصحك ب تيورانزا gr 90 ياباني واوعي تجيب الاندونيسي....

الراجل ده بيقول احلى كلام

[Youssef.Awad]

انا معايا نيسان صنى 2010 مانيوال كانت نازلة ببريدجستون يابانى تورانزا برضه ولسه مغيره عند 50 الف كم بعد عمل تدوير كل 10 الاف وضبط الضغط مزبوط كما الكتالوج ونيتروجين بدون ولا خرم ال4 فرد وغيرت لكونتيننتال صناعة فرنساوى تصميم المانى بعد ما القديم بدأ يصفر وما يمسكش فرامل كويس ويدب فى المطبات وكمان ظهرت فيه شقوق رفيعة فى المداس

[prisoner]

صاحبى مغيره على 80000 الف كيلو بتاع الفابريقة واصلا لو اشتريت من بريدجيستون بيديلك ضمان 4 سنوات والعمر الافتراضى له 6 سنوات وده من فيت اند فيكس نفسهم بيقولوا كده وفى اى عربية اكتر كاوتش بيقعد بتاع الفابريقة

[abofarah]

50000 معقول قوى و بالخص لو حضرتك بتجرى او هتمشى على طريق سريع

[Youssef.Awad]

50000 معقول قوى و بالخص لو حضرتك بتجرى او هتمشى على طريق سريع

فعلا انا غيرته عشان 80% من سواقتى طرق سريعة فوق ال100 كم زراعى وصحراوى واوقات كتير بيبقى فيه احمال فى العربية
غير كده لو على قد مشاوير قصيرة كنت سيبته

[Ralliart]

انا كنت ناسيه اصلاً وغيرته على 65 الف من غير مشاكل بعد ما زهقت منه
واتحط بعديها في عربية داتسون نص نقل دابل كابينه بس بيمشي على سرعات تحت الـ100 معرفش قعد فيها كام كيلو لان العربية مفيهاش عداد اصلاً

[Ramytoyota]

انا غيرته على 70000 وكنت شايف انه ممكن يمشى لحد 80000 بس غيرته علشان ابقى فى الامان
جبت كاوتش ماكسس تايلندى

[ahmed322]

الراجل ده بيقول احلى كلام

انت بتقول احلى كلام يا باشا

[szaalouk]

انا كاوتش الفابريكه كان 185/65/14 عربيتي 1600 رياضيه موديل 2005 و كان يوكوهاما ياباني غيرته علي 60000 كم و اللي اخذه ركبه في عربيه رينو بقاله سنتين شغال تمام معاهم حتي اليوم .

تحياتي

[as_samman]

انت بتقول احلى كلام يا باشا

ربنا يخليك ..... كلك زوق و الكلامالحلو الواحد مابقدرش نسكت عليه

[mazagngi2010]

زميلى مغيره على 140 الف بس طالع....................

تم وقفك اسبوع واضافه نقطتين لملفك لمخالفه قاعده رقم 12 من قواعد وقوانين المنتدي
مشرف عام1

[nice_bird]

اسمع نصيحتي انا معايا بومة 2006 قريت ان الكاوتش بيتغير ع40000 بس انا عملت ناصح لقيت الكاوتش شغال وتمام التمام وكلو تيوبلس وقولت اغيرو ع 60000 وفضلت ماشي بية لحد 52000 وانا طبيعة استخدامي بالعربية اني بسافر بيها كتير و مرة كنت مسافر بيها وكاوتش قدام ضرب مرة واحدة والعربية كانت هتروح في داهية لولا ستر ربنا الحمد لله العربية اتطوحت جامد وطلعت علي شوية زلط ووا وقفت واتغرمت مقص و تيش وفردة جنط اسبور وحلفت لغير الاربع فرد مع بعض لان بتاع الكاوتش قالي الفردة دي ضاربة سلك لان عمرها الافتراضي خلص ودا اللي خلاها تضرب مرة واحدة

[spada]

التغير يتوقف على عاملين اما على عدد الكيلوميتر او مده التى مرت على الكاوتش من سنه صنعه حتى وان لم يتم تركيبه