هيركبلي شامبر جوه التيوبلس

[moha_qadey]

يا جماعه انا كنت شاري اربع فرد ميشلان من ست شهور كده وفيه واحده منهم دخل فيها مسمار من الجنب (ازاي معرفش)
المهم رحت بيها لبتاع الكاوتش قاللي هعملهولك لحام مكواه قلتله بلاش انا عايز بادج ع البارد قاللي ده من الجمب يا بيه ومش هياثر على السلك اللي في الكاوتش قلتله ماشي ...... بعدها باسبوعين الكاوتش نام رحتله لقيت اللحام اللي هوه عامله بينفس عمله لحام تاني مكواه برضو وبعدها باسبوع نامت تاني رحتله امبارح قاللي لا كده مش هينفع نعمل لحام مكواه تاني في نفس المكان علشان غلط على الكاوتش قلتله ماشي اتنيل اعمله ع البارد وقاللي لو نامت تاني هنركب شامبر (كوتش داخلي) .... عمل اللحام على البارد (بادج) بس الكارثه اني النهارده الصبح لقيت الفرده نايمه تاني
وانا مش عارف اعمل ايه ... الكاوتش لسه جديد وانا حاسس انه كده باظ اعمل ايه ؟؟؟؟؟

[medododo]

للأسف أستعوض ربنا وركب داخلي
واعملها استبن في أقرب فرصة

[moha_qadey]

لااااااااااااااء متقوليش كده في وشي مره واحده

[medododo]

للأسف الحاجات دي متجيش غير مرة واحده هههههههههههه
عمرك سمعت عن مسمار بيخرم العجلة بالتقسيط

[amdd]

لا داهيه ليكون الكاوتش مخروم خرم تانى!!!

[eng_maged]

اشتري فردتين جداد يا باشمهندس مهند وتوكل على الله

[mailo]

باقولك إيه يا باشا

إنت تروح عند واحد بتاع كاوتش من بتوع النقل
بيكون عنده اللزق السريع بس بيبقى حجمه كبير شويتين

هيحطلك واحدة من العادية بتوعنا الصغيرين وبعد مايثبتها كويس يحط عليها واحدة تانية من الكبار وانسى

[sheko_2000eg]

باقولك إيه يا باشا

إنت تروح عند واحد بتاع كاوتش من بتوع النقل
بيكون عنده اللزق السريع بس بيبقى حجمه كبير شويتين

هيحطلك واحدة من العادية بتوعنا الصغيرين وبعد مايثبتها كويس يحط عليها واحدة تانية من الكبار وانسى

دا ممكن بس لو الخرم في المنتصف مش في الجانب

راي عن تجربة انسا الفردة دي
و اوعي تروح لبتاع الكوتش ده تاني لانه هو السبب .

[mailo]

دا ممكن بس لو الخرم في المنتصف مش في الجانب

راي عن تجربة انسا الفردة دي
و اوعي تروح لبتاع الكوتش ده تاني لانه هو السبب .

ياباشا الكلمة ده أنا عملته عندي فالعجلة بتاعتي عشان وكنت فالمنصورة وأول يوم العيد
ورجعت من المصرى ورحت شرم ورجعت وال عجلة سليمه وزي الفل لحد دلوقتي

والخرم ده كان مسمار قلاوز تخين داخل بزاوية في جنب الفردة مش في بطنها

[A.Saad]

شوف بتاع كاوتش تانى

[karimfahmy99]

الحل الامثل انك تجيب فردة بدلها و تركبها اللى راكبين اكيد لسة جداد من 6 شهور عملت كام كيلو بيهم يعنى مش هتفرق كتير و اعرض الفردة اللى معاك للبيع عند بتاع الكاوتش فى تكسيات كتير ممكن تخدها على شنبر

[moha_qadey]

يا Sheko_2000eg باشا كلامك مظبوط جدا بس ممكن توضح ليه بتاع الكاوتش هوه السبب ..... هيه كان ممكن تتصلح ؟؟؟؟
على العموم انا اصلا غيرته ومش هروح عنده تاني

[Survival]

حصلى الموضوع ده قبل كده لاقيت سلاح مفك اللى من ناحيه صليبة و من ناحية عادة دخل فى الفردة و طالع لى من الجنب قطعها و اتلحمت و بقت تمام و ولا مرة نامت منى ومن غير داخلى بس انا برضه جبت فردتين جداد و ركبتهم لان اللى عندى كانوا عاملين حوالي 10 الاف والكاوتش بالذات مفيهوش كسل او هزار.
و لحد ما تغيرها الحم الفردة تانى و ركبلها داخلى بس شوف صنايعى شاطر.
والحمد لله انها جت فى حاجة بسيطة

[blazer]

فى بريدجستون فى fit & fix
بيصلحوا اخرم ب 25 جنيه وعليه ضمان تقريبا

[biomedo]

انا النهارده ركبت شنبر في العجلتين اللي ورا

طب يا جماعه ايه مشاكل تركيب شنبر بداخل التيوبلس؟