للحفاظ على الكاوتش حط زيت عليها

[minicooper20]

ههههههههههههههههههههههههههههههههه
ينهار زحلقه

[icehearted girl]

زيت!!!!!!!!!!!!!!! مفيش سمايل واحد بيصوت هنا؟؟؟

زيت ازاي حضرتك يعني دا 125% من حوادث الطرق بتبقي بسبب بقع الزيت نقوم نحط زيت علكاوتش؟

[yoko]

بص فى 3 حاجات بتلمع الكاوتش:

1. البريل .. بعد ما تغسل العربية تاخد شوية رغوة بالسفنجة و تلمع بيها الكاوتش و تسيبه عليها لحد ما ينشف.

2. البيبسى: برضه تحط شويه على السفنجة و تلمع بيها الكاوتش.

3. الاسبراى: و ده يا اما ترشه على الكاوتش .. يا اما ترشه على سفنجه و تلمع بيه .. عشان توفر شويه.

أفضلهم لمعه الاسبراى طبعا .. و أعتقد أفضلهم فى المحافظة على الكاوتش كمان.

1 و 2 بيبوظوا ويشققوا الكاوتش
3 بس هو الي بيحافظ على الكاوتش

[medododo]

فزلين

[MuslimMeskeen]

أجمد حاجة تلمع الكاوتش، وسعرها رخيص، ومتوفرة بكثرة، ومتأثرش على الكاوتش تأثير سلبي هي مادة

الجلسرين

ببساطة هتروح الصيدلية تجيب زجاجة جلسرين بخمسة جنيه، وعند تنظيف الكاوتش، تحط نقطة دائرية على الأسفنجة، ثم تمسح بيها الكاوتش المبتل.. واتفرج على اللمعة والسواد، وبيدوم ححوالي أسبوع أو أكتر لو طريقك مفيهوش تراب وصحراء كتير.

[mazagngi2010]

بالمره ياجدعان عايز اخزن فردتين ايه احسن طريقه للمحافظه عليهم؟

[Inteltech]

انا جربت حكاية الزيت دي قبل كده ويسلام مقولكش على اللمعة اللي انبهرت بيها الصراحة وكنت حاسس ان العربية لسه نازلة بكاوتشها من المعرض على بس ما مشيت كم كيلو مشوار قصير جدا مش عايز اقول لحضرتك المنظر برضو اللي تعبني نفسيا ولك ان تتخيل كل تراب الدنيا وقرف الشارع لازق بالكاوتش بطريقة عجيبة منظر بصراحة يصلح تدخل الكاوتش فيه موسوعة اوسخ كاوتش عربية تشوفه !!! فنصحية بلاش منه اما عن الزحلقة تبع الكاوتش فده مش صحيح لان محدش بيحط زيت على مداس الكاوتش يعني والله اعلم .

[essam_shaaban]

الزيت ده مش عملي خالص في الاستخدام المتكرر

انما المجرب بالنسبة لي هو زيت الزيتون في حالة لما اخزن كاوتش في البيت عندي لفترة عدة شهور مثلا برطب بيه الكاوتش عشان ما يشققش ويفضل طري انما مع اول استخدام بعد التخزين بغسل الكاوتش كويس جدا بالبريل عشان ميزحلقش ع الطريق ..... والله تعالي اعلا واعلم