اشتريت 4 فرد كاوتش جداد

[mada_76]

السلام عليكم
انا اشتريت كاوتش جديد وحبيت اقولكوا على مواصفاتهم

الماركة : sumitomo
بلد المنشأ : اليابان
المقاس : 14-195\ 60
السعر : 420 بعد الفصال والمعرفة ( السعر الاصلي 460 او 470 )
التقييم :
النقشة كويسة والفردة ناعمة وصوتها هادي وطرية على العفشة مع المطبات على السرعات الهادية ولكن ناشفة شوية لو اخدت المطب بسرعة عالية ( ده الفرق اللى انا حاسه بعد ماغيرت الكاوتش ) .
التقييم ده راي الشخصي ودي صورة الكاوتش


وتقبلوا تحياتي

[MOK3336]

مبروك علي الأرض :)

[mada_76]

مبروك علي الأرض :)

هههههههههههههه
الله يبارك فيك يا باشا

[Karim_Monir]

مبروك عليك
جبتهم منين
وليه ماجبتش بريدجستون التايلاندي بنفس التمن ودي اكبر صانع كاوتش في العالم

[mada_76]

مبروك عليك
جبتهم منين
وليه ماجبتش بريدجستون التايلاندي بنفس التمن ودي اكبر صانع كاوتش في العالم

الله يبارك فيك
انا جبتهم من عند واحد معرفة اسم المحل بتاعه بركات في شارع نبيل الوقاد وليه فرع تاني في مصطفى النحاس في مدينة نصر . وهو اصلا وكيل كونتيننتال وانا بصراحة كنت رايح اجيب كونتيننتال بس لقيت المقاسات العادية صناعة روماني لكن المقاسات الكبيرة زي 205 او 225 وهكذا هي اللى المانية الصنع .
فقولت خليني في الياباني وكمان الفردة عجبتني .
اما البريدجستون انا بصراحة مخرجه من حساباتي خالص من اللى بسمعه انه اغلى كاوتش في السوق مكنتش اعرف بقى ان في منه تايلاندي وبنفس السعر .
كده كده انا بعمل حوالى 150 كيلو يوميا
يعني كلها سنة واغير الكاوتش هابقى اجيب ساعتها البريدجستون

[Karim_Monir]

مبروكين عليك وربنا يحفظ طريقك

[egyptiandiver]

مبروك