صوت تكتكة من الكاوتش

[icehearted girl]

مبروك يجماعة افتتاح القسم الجديد بصراحة فرحتله اوي...فين ايام ال 128 كان زماني العضو الماسي ف ساحة الاطارات

ندخل فلموضوع...

ساعه مجبت البونتو من 5 شهور تقريبا كنت بسمع صوت تكتكة كدا من الطاسات تقريبا واختفي بعد اسبوع

النهاردة لقيت الصوت زايد اوي اوي قلت يمكن الفردة مريحة شوية رحت ظبطت ضغطهم كانوا نقصين جامد ن 29 ل 25 عشان بقالي فترة مزودتهمش

لكن برده صوت التكتكة عالي اوي وبيبان علي سرعة عالية..علما بان الاربعة تيوبليس افيدوني افادكم الله

وياريت شوية نصايح للحفاظ علي الكاوتش بقي

[ahmed_mido1889]

ممكن يكون زلط في الكاوتش هو اللي بيدي الصوت ده

[icehearted girl]

لا لما بيكون في زلطة بيكون في رجرجة فلكاوتش

[A.Saad]

صعب زلطة تعمل رجرجة
هيا مش صخرة المقطم
بصى على النقشه وشوفى زلط محشور فيها ولا لا
الاحتمال التانى
ركبى الطاسات كويس
ولو مش مثبته بصواميل العجل
ركبى قفزان
وبالمرة
شيكى على ربط صواميل العجل

[MohssenRashed]

زلطه او مسمار. لو العجله بتريح حبه حبه يبقى مسمار.

[A7MED_PHARMA]

لو الصوت بيبان ع الاسفلت
ومش بيبان على الطرق الترابة


يبقا مسمار
حصلت معايا مرة .. والصوت فضل مزاولني لما الفردة نامت ع الارض

ومبروك البونتو..ماعرفش والله إنك غيرتي