أستطلاع في اختيار كاوتش مقاس 14/60/185

[أشرف العدوي]

ان شاء الله هشتري كاوتش جديد خلال ألأسبوع ده
و دي الانواع الي لقيتها على قد الميزانية
كومهو فيتنامي 340
gt مش فاكر صنعته ايه 375
جود يير 320 بولندي

ياريت المساعدة من ناس مجربة

[Ayman-Ahmed]

كنت احترت حيرتك وكان الاستاذ محمد ممدوح من قسم الدايو رشحلى الكومهو.

[أشرف العدوي]

'و هو عامل معاك ايه
اصله راكب عندي بس حصل في شقوق فا مش عايز اجيبه تاني انا كمان الي راكب عندي الكوري
كنت عايز اعرف حد مجرب الجود يير و gt يقولي اخبارهم ايه

[أشرف العدوي]

هو الموضوع ده hidden
محدش بيرد و لا بيشارك في الاستفتاء ليه

[Ayman-Ahmed]

'و هو عامل معاك ايه
اصله راكب عندي بس حصل في شقوق فا مش عايز اجيبه تاني انا كمان الي راكب عندي الكوري
كنت عايز اعرف حد مجرب الجود يير و gt يقولي اخبارهم ايه

اللى كان جاى فى العربية كان كومهو صينى والعربية كورى.هههه ولما المهندس ممدوح شافه برده خد باله انه فيه شقوق وقاللى هو شقق كدة ليه وانا عامل بيه 35000 بس فغيرته وجبت البريدجستون تورانزا.فلو الموضوع عندك مش محتاج تغيير عاجل فاصبر لما تكمل وهات البريدجستون.

[blazer]

kumho Ecsta

[مواطن مصرى]

انا مركب عندى kumho Ecsta (تايلاندى او كورى مش فاكر بالظبط) و ممتاز جدا جدا
ميزته انه وسط مش طرى قوى علشان تعرف تجرى بيه و لما تفرمل ما يزحفش و مش ناشف قوى علشان المطبات ده غير انه كماركه احسن من الجى تى

[أشرف العدوي]

أنا سألت على الكمهو الأيكاستا ده محدش عارفه
كله بيقولي الكمهو واحد فبقوله ده اسم الموديل قالي ما اعرفش
ده كان ملخص الرد عند اتنين
هو الي موجود كمهو فيتنامي
الفرده عند واحد بـ 340 و واحد تاني 365

لو في حد معروف قريب من فيصل او الجيزة او الدقي وسط البلد
ياريت حد يديني تيلفونه او اسم المحل

[مواطن مصرى]

فيه فى الدقى محل اسمه الايمان (اولاد بيومى) جنب جاد اللى فى ش التحرير كويس جدا و ناس كثير جدا فى المنتدى بتشكر فيه اسأل فيه و اكيد هتلاقى لانه كان موزع معتمد

خد بالك طبعا من تاريخ انتاج الكاوتش قبل ما تشترى على الاقل يكون مش متخزن من اول السنه او من السنه اللى فاتت

[blazer]

اللى قالك ان الكمهو كله واحد دا بتاع كشرى مش كاوتش
ياما مش عنده وعاوز يبيع لك وخلاص
روح عند اولاد بيومى فى الدقى وهتلاقى عندهم باذن الله

[أشرف العدوي]

انا روحت عند اولاد بيومي فعلاً بس ما رضتش اسأله على الموديل ( لاني كنت سائل 2 قبله )
و هو ارخص سعر في الكمهو حتى الان
أن شاء الله اروح اجيبه بكره او بعده

هو قالي كمان ان السعر شامل البلوف و الترصيص

سعر الفردة 340

و الـ gt يا اما 365 او 375 مش فاكر بالظبط

[mazagngi2010]

جيبته ايه ياباشا؟
كوموهو سولاس ولا اكستا؟

[SGH]

اعتقد سولاس لان غالبا اقل مقاس فى اكستا 15 مش 14

[mazagngi2010]

اعتقد سولاس لان غالبا اقل مقاس فى اكستا 15 مش 14

ايه النحس ده
السولاس راكب عندى من 13 الف كيلو وقرفان منه بصراحه

[Dr/ P.K.Sh]

انا مركب عندى كومهو فيتنامى مرتين هو طرى جدا بس الفرامل زبالة الاول قعد 40000 كم والتانى لية 23000 كم لغاية دلوقتى بس مش عاجبنى