موضوع للنقاش الجاد

[tarek_2005]

بسم الله الرحمن الرحيم

ايهم اكثر اماناً في حالة لاقدر الله الحوادث وعبور رصيف مثلاً

الجنط الحديد الاصلي بتاع السيارة ام الجنط الاسبور اياً كانت الخامة المصنع منها الجنط.



منتظر الاراء والنقاشات من واقع التجارب الشخصية والمشاهدات للحوادث
ومن لديه خبرة بهذه الامور لا يبخل علينا

[tarek_2005]

ولا رد ينهار ابيض الموضوع مش مهم للدرجة دي
طيب
رائي الشخصي الجنط الحديد ممكن يتعوج لكن الجنط الاسبور بيتقطم والي يتعوج احسن من الي يتقطم مش كده ولا ايه

[ahmed_mido1889]

عن تجربه في عربيه لانسر

الجنط الحديد احسن

لسبب العربيه طلعت فوق الرصيف والجنط اتعوج بس العربيه تحت السيطره

لكن لو جنط اسبور هيتكسر والعربيه هتروح سكه اللي ما يرجعش
ولو سرعه عاليه يبقي هتكمل علي السقف لا قدر الله

[Dr/ P.K.Sh]

ولا رد ينهار ابيض الموضوع مش مهم للدرجة دي
طيب
رائي الشخصي الجنط الحديد ممكن يتعوج لكن الجنط الاسبور بيتقطم والي يتعوج احسن من الي يتقطم مش كده ولا ايه

كلام مظبوط

[BMW5260]

كلام سليم بس أكيد في سبب تاني غير الشكل في موضوع خامات الجنوط السبور لأنهم لو عايزين يعملوا أي شكل حديد مش هايغلبوا

[khaled_2011]

متابع باهتمام

[mailo]

هو أنا معرفش كل الجنوط ال سبور كده ولا لأ
بس اللي أعرفه إن الصيني ولحاجات الرخصية بتتكسر ودي مصيبة

أنا كنت ماشي مرة 120 دائري وفي سن الرصيف خبط العجلة اللي ورا والحمد لله لميت العربية عشان كان الجنط الحديد اتعوج بس

معرفش بقى الجنوط الألومنيوم الاصلية السبيكة بتاعتها بتستحمل اد إيه وبتتني ولا لأ
بس اللي أعرفه إن الكسر فالجنط لوماضيعش , هيبهدل الكاوتش ويفرتكه على الاقل

[tarek_2005]

امبارح شوفت جنط اسبور المونيوم علي عربية جولف متني من عند الشفة ودا كان اول مرة اشوفها تقريباً صاحب السيارة اخذ بالوعة حلوة من الي عندنا في مصر بس غريبة ان الجنط شفته انثنت ولم يقطم

[mailo]

عشان الجنط مش الومنيوم بس دي بتبقى سبيكة فيها أكتر من معدن "مغنسيوم" عشان يبقى قوي وفي نفس الوقت فيه شوية مرونة

وبعدين كده كده لو هختار الجنط مش هختارو عشان هأطلع على الرصيف
فاكتورز كتير بتحديد الاختيار غير كده زي مثلا
الوزن العام / استهلاك البنزين
accelration
deacceleration
نوع الطريق اللي بمشي عليه
الفلوس اللي معايا
واول 3 دول مش بيفرقوا فرق ملحوظ


و على فكرة فيه جنوط سبور حديد هو بس ال alloy هو اللي منتشر وأسهل في التشكيل

[MohammedAladel]

الجنط السبور الأصلى بيتنى وصعب يتكسر التقليد هو اللى بيتكسر

بس فى النهاية الجنط الحديد أكيد هيكون أمتن

أنا عندى الجنط الاسبور الأصلى برضه بسبب حفرة جامدة انحنى من عند الشفة وهعدله قريب إن شاء الله

[salah_86]

السلام عليكم ورحمة الله وبركاته
انا عربيتى لانسر 2009 بومة 1300 سى سى فنازلة بجنوط عادية مقاس 14 طاسات
كنت عاوز اشترى جنوط حديد تكون نفس المقاس بالضبط علشان مغيرش الكاوتش لانى لسة مغير ال 4 فرد قريب وشاريهم بريدجستون وكمان علشان ميأثروش على العفشة
دلونى يا خبراء اللانسر على انواع كويسة متتكسرش لو اخدت مطب او ماشابه
ياريت بجد تدلونى

[MohammedAladel]

قصدك هتغير لجنوط اسبور

حاول تشوف 4 ميتسوبيشى أصلى أستيراد

[Amr Axel]

موضوع جميل للمناقشة يا أ\ طارق

الجنط الحديد الأصلي طبعا بيستحمل اكتر و ممكن يتعوج لكن انه يتكسر ديه صعب بالاضافة ان ده يعتبر هو المناسب للشوارع هنا لكثرة الفتحات و المطبات و نقر

الجنط السبور هنتكلم عن اتنين
السبور الاصلي و ماركات عالمية
و السبور التقليد او كل شئ ان كان للمنظر فقط و رخيص

السبور الأصلي خامته افضل و اقوي و تستحمل لكن لاحظت انها بتفرق في النقشة يعني قلة النقشات و تلاقي 3 اذرع رفيعة لاحظت انها مبتستحملش لو الخبطة جامدة شويتين تتقطم عكس نقشة اعرض بتستحمل و شوفت حوادث للاتنين

اما التقليد او اللي متعرفش اذا كانت متصنعة عند حداد و لا ع الرصيف هههههههه
فديه من اقرب فتحة جامدة شوية و تنزل تلاقيها ع الارض و ليها فكرة بيعملوها عشان تحافظ عليها شوية انك تزود ارتفاع الكاوتش عشان الكاوتش ياخد الصدمة اكتر من الجنط لكن بتضيع ثبات العربية و ممكن تعمل مشاكل في العفشة في حالة الزيادة الغير محسوبة عامة الأفضل نبعد عن الانواع الغير معروفة

و عامة انا أفضل الجنط الحديد لأنه مناسب للشوارع هنا و يترش اسود ميتالك و يتركب عليه طاسات شكلها شكل الجنوط الاسبور و اللي بيبص هيفتكرها جنوط و خاصة لو بليل ههههههههه

[MohammedAladel]

أنا بفضل الجنوط الأسبور الأصلية وبتعيش مية مية و بتستحمل وأداء عالى بالتأكيد

[salah_86]

صليت استخارة وربنا هدانى ورحت اشتريت جنط حديد هو هو اللى معايا ونفس المقاس استيراد بدل اللى اتعوج ب 135 ورحت رصصت العجل كلة تانى وظبطت زوايا بالمرة وربطت العفشه
كان فى واحد صاحبى قالى انه عنده جنوط 14 حديد خاصة بعربية نيسان صنى وكان هيدينى اللى يعجبنى منهم بال من السوق بس لما بصيت على الجنوط لقيت شكلهم والفتحات اللى فوق مختلفة بس كان يركب بس انا فضلت اجيب بتاع البومة زى اللى كان راكب فيها
ورحت لفيت على بتوع الاستيراد اللى فى شبين الكوم لحد ما الحمد لله لقيتة بتاع بومة و14 وسليم ملحوظة خفت اجيب الاندونيسى لانى خفت يتعوج لاقدر الله مش هلاقى شكل الجنط دا تانى انما الحديد الحمد لله اعرف الاقيه واجلت الموضوع لحد ما يبقى معايا فلوس كويسة واجيب الجنوط الاسبور الاصلى الخاصة بال لانسر البومة