أه يا كاوتشي ياني

[dongol123]

عربيتي كورولا موديل 2009 عاملة دلوقتي 56 الف كيلومتر و انا اشتريتها اخر 2008 و من هذا التاريخ ما غيرتش الكاوتش و الحمد لله ما اتخرمش ولا مرة

انا عايز اعرف لو الكاوتش ماشي كويس و مفيهوش مشاكل يبقي ممكن ما اغيروش ولا لازم عند عدد معين من الكيلو مترات لازم اغيره

[A.Saad]

يفضل بعد عمر معين
واكشف عليه عند شخص امين
ممكن يكون فيه تاكل نقشة او جوانب ومش هيبان ليك

[dr_abooody]

الاحسن يتغير لانة عدى عمرة كيلوهات و كمان عمرة الزمنى بس هات زية بالظبط جديد عشان في كاوتشات بتلم مسامير زي الهانكوك مش حلو معايا في الهيونداي

[dongol123]

شكرا علي الردود
بس هو المفروض يتغير بعد كام كيلومتر

[rompo10]

كاوتش العربيه بتغير علي 50000 بس انا عاوز اعرف يعني ايه بتلم مسامير

[A_H_M_A_D]

الهانكوك بيلم زلط , يعني طول مانت ماشي تسمع صوت الزلط متعلق في الكاوتش و بيتكتك في الارض مع دوران العجله

[eslamsubaru]

الهانكوك بيلم زلط , يعني طول مانت ماشي تسمع صوت الزلط متعلق في الكاوتش و بيتكتك في الارض مع دوران العجله

تمام : و أضيف كمان ال GT Radial بيلم زلط صغير و يقعد يترقع و انت ماشى.
بالنسبة لصاحب الموضوع : الكاوتش الأصلى بتاع العربية عند 50000 او 55000 او 4 الى 5 سنين بالأكثر... حسب النوع طبعا.. يعنى Michillan , Bridgstone , Perille ممكن يجيب معاك 50000 مستريح .. انواع تانية كورى و صينى ممكن ميكملش 30000 بس مفيش عيب اثناء الاستخدام.

[mailo]

هو موضوع بيلم زلط ده عشان النقشه بتاعته واسعة ممكن
وده طبيعي في أي كاوتش واسع
مش عشان نوعه إيه

[ahmed_h_g]

أهم حاجه الكومهو صوته عالى ولا لأ ؟

[A_H_M_A_D]

هو موضوع بيلم زلط ده عشان النقشه بتاعته واسعة ممكن
وده طبيعي في أي كاوتش واسع
مش عشان نوعه إيه

مظبوط النقشة الواسعة هي اللي بتسبب دخول الزلط , أنا لسه شاري هانكوك موديله k715 و نقشته طلعت واسعة , ولقيت الكومهو كمان نقشته واسعة برضه

ياريت اللي بيشتري كاوتش جديد يحاول يجيب نقشة ضيقة على قد ما يقدر عشان يرتاح من موضوع الزلط ده

[devil_storm]

مظبوط النقشة الواسعة هي اللي بتسبب دخول الزلط , أنا لسه شاري هانكوك موديله k715 و نقشته طلعت واسعة , ولقيت الكومهو كمان نقشته واسعة برضه

ياريت اللي بيشتري كاوتش جديد يحاول يجيب نقشة ضيقة على قد ما يقدر عشان يرتاح من موضوع الزلط ده

فعلا عربية واحد صحبى قبل كل مشوار بيعد يلم الظلط من الكاوتش

[Youssef.Awad]

بص يا باشا اى كاوتش فى الدنيا له عمر افتراضى ومنصوص عليه فى كل كتالوجات العربيات وهى 3 سنين من تاريخ الانتاج المحفور على جانب الكاوتش dot 0911 يعنى الاسبوع ال11 من عام 2009 وهكذا وده مهما كان الكاوتش جديد ظاهريا والعربية ما عديتش الحد الاقصى لأى كاوتش وهو 40.000 كم وطبعا على اعتبار انه بيتم تدوير العجلات امامى وخلفى كل 10 الاف كم
ومجازا الكاوتش بيتغير فى مصر على 50 او 60 واعرف ناس ماشية عليه لحد 80 او 100 الف كم !!!!!!
بس استمرار السير عليه بعد هذه المسافة بيؤثر بالسلب على قوة الفرملة وليونة الكاوتشات فى المطبات وفواصل الكبارى وعيون القطط اللى مالية الطرق المصرية وبالتالى التهاون فى موضوع الكاوتش +/- تيل الفرامل = حياة بنى آدمين
فمن رأيى تغيره بحد اقصى 60 الف كم .. اللهم ما قد بلغت اللهم فاشهد

[Car's Sniper]

الكاوتش عندى هيتم عيد ميلاده ال11 ....مصنوع من سنة 2001 بس :)
وقررت الحمد لله اغيره الاسبوع دا...هيوحشنى ..دا عشرة عمر :)

[BMW5260]

الكاوتش عندى هيتم عيد ميلاده ال11 ....مصنوع من سنة 2001 بس :)
وقررت الحمد لله اغيره الاسبوع دا...هيوحشنى ..دا عشرة عمر :)

يا راجل الناس بتقول من 3 : 5 سنين وانت بتقول عشر سنين ده لسة بادري قوي عقبال ما تفكر تغيره ههههههههههههههههههههه ،،،،،،،،،، وبعدين لو هايوحشك خد معاه صورة للذكرى