الطريقة الافضل للحفاظ على الكاوتش

[el_nahal2004]

السلام عليكم ورحمة الله وبركاته

من فترة قصيرة كنت غيرت الجنوط والكاوتش بتاع عربيتى

وتقريبا الكاوتش بالجنوط الى كانوا راكبين لسة جداد
ومش بفكر ابيعهم بصراحة

كنت عايز احافظ عليهم لو فكرت انى ابيع العربية ابيعهم مع العربية
وابيع الجنوط الجديدة بالكاوتش لوحدهم

ايه افضل طريقة احافظ بيها عليهم
عشان انا كنت سمعت ان هما بينشفوا ولما تيجى تركبهم هيشققوا وكدة

ارجو من اصحاب الخبرة الافادة فى الموضوع

[BMW5260]

أولاً الكاوتش لو عدى عليه 3 سنين ولم يستخدم يترمي في الزبالة حتى لوكنت محافظ عليه
وثانياً طريقة الحفظ في مكان جاف وبعيداً عن الشمس والرطوبة ويفضل تسيب الكاوتش في الجنط وهو منفوخ ،،،،،،،،،،، وممكن نشوف آراء الأخوة الأعضاء جايز في آراء مختلفة ،،،،،،،،،،،والله أعلم

[el_nahal2004]

ايه يا اعضاء نايل موتورز
مفيش خيرة فى الموضوع ولا ايه
انا محتاج اعرف بجد
ياريت الى يعرف ميبخلش علينا

[atyam]

باشا اللى اعرفه ان الكاوتش فعلا مبيتخزنش فترات طويلة وزى مبتقول ممكن تبيع بيهم العربية يعنى مسالة كاوتش والمهم هو الجنط الاساسى بتاع العربية
فهى هتكون مساله كاوتش فبيعهم ويحلها الف حلال لما تيجى تبيع
وده اقتراح وانت شوف بقى :)

[A.Saad]

بيوضع نايم ورش عليه بودرة تلك

[mailo]

طب وهي إيه المشكلة إنك تبعهم دلوقتي ؟
إنت مش تاجر عشان تخزنه
والفرق فالفلوس بعدين مش هيبقى مستاهل

[roland_yamaha]

بيترش عليه بودرة تلك بس ميعديش عليه 3 سنين

[el_nahal2004]

شكرا على الردود جميعا
بس بصراحة انا ماسك فيهم
لانى لو بعتهم سعهرم هيبقى 500 جنيه بالجنوط
وانا شايف ان هما يستهلوا اكتر من كدة
هما ماشين 20000 ك
وفيهم تلت فرد كل فردة لحام داخلى واحد والرابعة مفهاش ولا لحام
ولو اى حد شافهم هيقولو جداد النقاشات لسة زى ماهية
فبصراحة مستحرهم ابيعهم بالسعر ده قولت لو قريب هغير العربية
ابيعهم بيها والجنوط الجديدة ابيعها لوحدها