عاوز اشتري كاوتش جديد بسعر مناسب ترشحولي ايه

[mostafaelhamzawy]

كاوتش عربيتي عاوز يتغير علشان عملت بيه 60000 كم وبدا ينمل تنميل خفيف عاوز اغيره واشتري كاوتش جديد بسعر مناسب لاني سالت على البريدجستون الياباني لقيته معدي 600 جنيه مع العلم انه مقاس 14 تنصحوني باي نوع واخبار الاسعار الحالية ايه وياريت متبخلوش عليا وتساعدوني في الموضوع ده
جزاكم الله خيراااااااااااااااااااااااااا

[Hossam_Hassan]

انا لسه مركب كومهو اكستا مقاس 14/185/65 فى توكيل كومهو فى شبرا، الفردة ب 390 جنيه.

[ghost1900]

ممكن حضرتك تقولنا الموديل أيه بالضبط، وأنطباعك عنه ايه.

[Hossam_Hassan]

الموديل كومهو اكستا

Kumho Ecsta SPT

http://www.kumhotire.com/tire/tire_detail.jsp?prdt_id=16

Kumho Ecsta SPT (KU31) Tire Reviews (95 Reviews)

كانت اهم مواصفة محتاجها هى الثبات مع الجرى علشان كل مشاويرى سفر و باحب اجرى و بناء على توصية خبيرنا العزيز محمد ممدوح اخترت الاكستا.

مشيت بيه فى القاهرة الاسبوع اللى فات فى المطر و الشوارع المبهدلة فى المقطم و كان كويس على العفشة، مش طرى و مش ناشف و لما رجعت شرم الشيخ كان ممتاز على الطريق من ناحية التماسك لغاية 180 و دى اقصى سرعة مشيت بيها.

[أحمد الجندى]

ممكن حضرتك عنوان توكيل كومهو اللى فى شبرا ؟

[Hossam_Hassan]

ممكن حضرتك عنوان توكيل كومهو اللى فى شبرا ؟

العنوان 200 ش شبرا جنب خير زمان و امام المالكى، انا رحت من الكورنيش و دخلت من عند ابراج اغاخان و دخلت يمين فى ش شبرا مشيت حوالى 500 متر لقيته على يمينى و تليفونهم 22031555

[Hossam_Hassan]

العنوان 200 ش شبرا بجانب سوبر ماركت خير زمان و تلبفونهم 22031555

[mostafaelhamzawy]

شكرا لمروركم واتمنى اشوف اراء بعض الاعضاء الاخرين اللي مروا بنفس التجربة

[مواطن مصرى]

انا مركب عندى نفس النوع كومهو ايكستا بس جبته من شركه فى الدقى جنب جاد اسمها الايمان بس الفرده كانت بـ 330 جنيه تقريبا بالبلوف و الترصيص و كل حاجه من فتره .. واضح ان الكاوتش غلى

ميزه الكومهو انه وسط مش طرى و مش ناشف و فى نفس الوقت خامته معمره جدا

لو الكومهو دلوقتى غالى على ميزانيتك جرب نوع جديد تركى اسمه ستارماكس بيشكروا فيه جدا اليومين دول و سعره اقل

[mostafaelhamzawy]

شكرا جزيلا اخي المواطن المصري

[mostafaelhamzawy]

للرفع

[mostafaelhamzawy]

up up

[mostafaelhamzawy]

up up

[mahmoudelkhatib]

تجربتي مع الكاوتش

أخي الكريم أنا أيضاً كنت محتار جداً في نوع الكاوتش وقمت بالبحث لمدة تزيد عن ثلاثة شهور لشراء أفضل أنواع الكاوتش لأني عملت أيضاً 60000 كم وكنت عايز أشتري Continental لكنه غالي جداً لأني مقاس الكاوتش عندي 15-65-205 وأخيراً وبعد عناء وجهد كبير أبن عمي جزاه الله خيراً (خبرة 30 سنة بالإضافة أنه مستورد مرسيدس و BMW) نصحني بشراء ACHILLES platinum أندونيسي من ممدوح غطاطي تقاطع المريوطية مع فيصل وبالمناسبة ممدوح غطاطي هو الوكيل الوحيد في مصر وكمان المصنع ده كان تحت إشراف Continentalوبنفس الجودة والكاوتش ياجماعة بشفتين شفة داخل الجنط والشفة الثانية بتحمي الجنط ، بصراحة يا جماعة حاجة تفرح. ومش محتاج أقول إن العفشة إتظبطت بعد تركيب الكاوتش . سعر الفردة من المقاس بتاعي كان عامل 545 جنيه بالترصيص وعلى فكرة في ناس كتير سألوني علشان عايزين كاوتش وسألتلهم على المقاس 13-70-175 وكان سعره 300 جنيه للفرده.

[mostafaelhamzawy]

شكرا جزيلا اخي العزيز محمود