افيدوني في تغيير كاوتش 14

[BoMbO711]

السلام عليكم و رحمة الله و بركاته

أنا نويت اغير 4 فرد كاوتش إن شاء الله آخر الشهر ده....بصيت على أكتر من موضوع هنا على المنتدى آخد فكرة و لكن لقيت إن فيه أنواع كتير و بلاد منشأ أكتر

علشان أكون محدد أكتر:

السيارة: تويوتا كورولا 2002
المقاس: 185/70 r14
الميزانية: 400 جنيه للفردة

اقدر أجيب إيه يحقق الشروط اللي فوق دي؟؟

آسف على الاطالة و شكرا مقدما

[nigm77]

نصيحة زود 100 كمان واشترى بردجستون تورنزا الجديدة انا مركبها بئالى شهرين وبسم الله ما شاء الله تستاهل كل قرش ادفع فيها تانى كاوتش ارشحوا ليك كونتنيتل فى حدود 430 ج وكمان ميشلان رووعة طبعا بس نشفة شوية سعرها 440 ج اى حاجة تانية غير المركات دى انتا وحظك خليك فى المضمون وربنا يستر طريقك

[BoMbO711]

نصيحة زود 100 كمان واشترى بردجستون تورنزا الجديدة انا مركبها بئالى شهرين وبسم الله ما شاء الله تستاهل كل قرش ادفع فيها تانى كاوتش ارشحوا ليك كونتنيتل فى حدود 430 ج وكمان ميشلان رووعة طبعا بس نشفة شوية سعرها 440 ج اى حاجة تانية غير المركات دى انتا وحظك خليك فى المضمون وربنا يستر طريقك

ألف شكر يا باشا على ردك

أنا آخر ما توصلت اليه هو سعر تويو ياباني بـ 450 جنيه و بريدجستون تايلاندي 470 جنيه من شبرا

هل ممكن أعرف الاسعار اللي حضرتك بتقول عليها دي فين؟

[nigm77]

العفو يا باشا على اة بس انزل احمد سعيد فى العباسية فى محل اسمة الفردوس هتلاقى البردجستون اليابانى انا جايب من عاندو من شهرين الفردة ب 520 بس اوعى تجيب غير اليبانى
بالنسبة للكونتيتنل هتلاقة عند علاء موسى تقاطع احمد سعيد امام مستشفى القوات الجوية كان سعرها من شهران430 ج ولو عايز اليمشلان فى محل واخذ توكيل ميشلان هتلاقية امام محل الفردوس اللى عنوانة فوق
ممكن تكون الاسعار غليت شوية بس ربنا يكرمك وتلاقى وخللى بالك من تاريخ الانتاج اوعى تاخد كاوتش مركون اكتر من 8 اشهر بالكتير اووووووى وممبروك مقدما وربنا يستر طريقك

[BoMbO711]

العفو يا باشا على اة بس انزل احمد سعيد فى العباسية فى محل اسمة الفردوس هتلاقى البردجستون اليابانى انا جايب من عاندو من شهرين الفردة ب 520 بس اوعى تجيب غير اليبانى
بالنسبة للكونتيتنل هتلاقة عند علاء موسى تقاطع احمد سعيد امام مستشفى القوات الجوية كان سعرها من شهران430 ج ولو عايز اليمشلان فى محل واخذ توكيل ميشلان هتلاقية امام محل الفردوس اللى عنوانة فوق
ممكن تكون الاسعار غليت شوية بس ربنا يكرمك وتلاقى وخللى بالك من تاريخ الانتاج اوعى تاخد كاوتش مركون اكتر من 8 اشهر بالكتير اووووووى وممبروك مقدما وربنا يستر طريقك

شكرا كمان مرة تعبت حضرتك معايا....أنا على آخر الأسبوع ده إن شاء الله هنزل ابص في أحمد سعيد.

[nigm77]

ان شاء الله وبالتوفيق

[BoMbO711]

أنا سألت كده بالصدفة كنت انهارده في ميدان سفير و لقيت هانكوك كوري ب 380 جنيه و كمان نوع اسمه فولدا Fulda لما سألت الراجل جنسيته إيه ده قال لي اتحاد اوروبي....إيه ظروف الفولدا ده؟؟

أنا للأسف مش هقدر على الياباني فهل الأنواع دي كويسة على ميزانيتي؟؟

شكرا :)

[nigm77]

الهانكوك كويس والنقشة بتعتو كويسة وطرى مش ناشف بس عمرة قصير اسال عن الجود ير سعرة كام واحسن من الهانكوك

[BoMbO711]

أنا لسة بسأل و كده علشان مش هاشتري قبل أول الشهر اللي جاي إن شاء الله و ربنا يسهل

[fefo0o0oz]

انا جبت كونتينتال من شهر ... القديم كان بريدجستون
بمنتهي الصراحه كل اوجه المقارنه للكونتنيتال
كفايه انه انقذني من الموت بفرمله علي طريق عليه رمله مشفتش زيها في حياتي

[BoMbO711]

انا جبت كونتينتال من شهر ... القديم كان بريدجستون
بمنتهي الصراحه كل اوجه المقارنه للكونتنيتال
كفايه انه انقذني من الموت بفرمله علي طريق عليه رمله مشفتش زيها في حياتي

شكرا على المشاركة.....هو صناعته إيه و كان بكام؟؟

[Kareem.ElAraby]

متابع

[BoMbO711]

للرفع و التذكير