جنوط اسبور للأفيو 2005

[mameab]

السلام عليكم ورحمة الله وبركاته

انا يا جماعة لسه جديد لانج في العربيات ومعرفتي بها مثل معرفتي باللغة الصينية

الحمد لله اشتريت سيارة أفيو 2005 مستعملة حالتها كويسة وكنت عايز اغير طقم الكاوتشات بتاعتها واخليهم سبور لأني سمعت انها بتبقي ثابتة أكتر وشكلهم كويس

ايه احسن الانواع - التكلفة كام - مقاس الجنوط كام

دي كل المعلومات اللي عندي لو فيه اضافة يا ريت تقلولي عليها

وشكرًا

[tareket]

باشا

فكرة ان الجنط يدى ثبات اكتر دى غلط

الفكرة ان عرض الكاوتش و ارتفاعه عن الارض هو اللى يزود او يقلل الثبات

بمعنى انك لو عندك الجنط الاصلى بتاع العرابية و واحد سبور على نفس الكاوتش هيديك نفس الثبات.

الجنط السبور اغلب الاوقات بيبقى للشكل فقط

[MMamdouh]

هات جنط 15 مع كاوتش 195/50/15

الجنوط ال15 التايوانى و الاندونيسى فى حدود 1800 الى 2000 جنية

مش عارف الكاوتش وصل كام دلوقتى لانة غلى عن زمان فا اعمل حسابك على 1600 جنية اقل واجب

الكومهو Ecsta SPT من افضل انواع الكاوتش اللى سعرها مش غالى

MMamdouh