تظبيط هواء الاطارات ؟!

[artist]

هوا تظبيط هواء الاطارات بالنيتروجين بيبقى من عند اي حد بتاع كاوتش ؟؟
ولا ده عند حد مخصوص. اصل انا معايا النترا 2012 ولاقيت مكتوب هنا ظبط الهواء بتاع الاطارات بنيتروجين. فانا مش عايز اعمل حاجة الا لما اعرف الأول؟!!

[Samir Elshahawy]

بيكون عند ناس معينة مش كل بتوع الكاوتش
ممكن حضرتك تروح بريدجستون عندهم نتروجين و لو معاك أستيكر المنتدي بتأخد خصم و بتعمل فحص و أعادة تزويد للنتروجين كل شهر مجانا

الضغط بيكون علي 32 في الحمولة العادية (2 افراد)
ظبط الكاوتش مكتوب في جدول علي القايم الشمال

[artist]

شكرا على الرد. بس في سؤال ايه ستيكر المنتدى ده ؟ وباخده ازاي ؟
وتظبيط النيتروجين ده بيبقى كل قد ايه ؟

[Samir Elshahawy]

أستيكر المنتدي هو نفس لوجو نايل موتورز اللي موجود تحت اسمك علي اليمين و في حالة حصولك عليه بيتم أضائته باللون الاحمر

حضرتك ممكن تستلمه من أحد موزعي المنتدي حسب محل أقامتك

http://www.nilemotors.net/Nile/110085-a.html

أما مزايا الاستيكر هتلاقيها في الموضوع ده :

http://www.nilemotors.net/Nile/120069-a.html

بالنسبة لضغط النتروجين يجب الكشف عليه و اعادة تزويده أذا لزم الامر مرة كل شهر علي الاقل في أطار الفحص الشهري للأطارات أو قبل القيام برحلة سفر طويلة

[S O P H O S]

أستيكر المنتدي هو نفس لوجو نايل موتورز اللي موجود تحت اسمك علي اليمين و في حالة حصولك عليه بيتم أضائته باللون الاحمر

حضرتك ممكن تستلمه من أحد موزعي المنتدي حسب محل أقامتك

http://www.nilemotors.net/nile/110085-a.html

أما مزايا الاستيكر هتلاقيها في الموضوع ده :

http://www.nilemotors.net/nile/120069-a.html

بالنسبة لضغط النتروجين يجب الكشف عليه و اعادة تزويده أذا لزم الامر مرة كل شهر علي الاقل في أطار الفحص الشهري للأطارات أو قبل القيام برحلة سفر طويلة

+1111111111111

[drmagieed]

طيب أنا عندي كاوتش GT Champriro GTX V والراجل بتاع النيتروجين قالي الفردة دي ناشفة شوية وتظبط علي 28 فهل المقاس ده مضبوط

[artist]

معلش سؤال كمان, هيا العربية بتيجي من التوكيل نيتروجين ولا هوا عادي ولا مش معروف ؟

[Ashraf_Ibrahim]

العربية بتيجي من التوكيل هوا عادي طبعا !

[artist]

يعني لو رحت املى نيتروجين هايفضي الكاوتش خالص من الهوا ويبدأ يملا من جديد ؟

[Ashraf_Ibrahim]

ايوة بيفضي الهوا تماما بيسحبه بكومبريسور ويقوم مالي نيتروجين على نضافة

[artist]

طيب انا لسه ماعملتش 1000 كيلو بالعربية , اعمل حوار النيتروجين ده دلوقتي احسن ولا انفض مش مستاهلة يعني ؟ ولا ايه ؟ ياريت حضرتك تقلي رأيك ؟

[Ashraf_Ibrahim]

النيتروجين كويس جدا
حضرتك بتفضي الاربع عجلات اول مرة بيعملك العجلة ب 5 جنيه يعني الاربعة ب 20 جنيه ولو عملت الاستبن يبقا 25 جنيه
هتظبطه مرة كل اول شهر متتعبش نفسك طول الشهر لأن الضغط هيبقا مظبوط
الظبط بعد كدة ما بين 3 جنيه و 5 جنيه ولو روحت بريدجستون ومعاك الاستيكر هيبقا فري مجانا

[artist]

مشكور على الرد. ياريت بس اخر سؤال معلش. اقرب فرع للمعادي ايه ؟ " بريدجستون "

[artist]

هوا ليه الموضوع بقى مكتوب عليه منقول ؟

[artist]

لو رحت بردجستون اول مره ومعايا الاستيكر هايبقى فري ( مجانا ) برده ولا ده بعد اول مره ؟