ما هو الفرق بين البريدجستون اليابانى و التايلاندى

[abo5]

اتصلت اليوم ب fit and fix العبور و سألت على الكاوتش قاللى عندو
185/65/15
يابانى 617 الفردة
تايلاندى 495 الفردة

195/65/15
يابانى 705
تايلاندى 515

ليه فى فرق فى السعر كده بين اليابانى والتايلاندى .. انا سألت الراجل فى التليفون قاللى ده فرق مصنعية عمال بس ... على اساس ان العمالة فى اليابان غالية ..

هل حد عنده اى معلومات ............... شكراُ مقدماُ

[MohammedAladel]

شوف يا باشا مبدئيا بلد التصنيع تفرق فى سعر المنتج والدليل ان معظم الشركات المصنعة اليابانية والأمريكية وغيرهم بيروحوا الصين عشان العمالة الأرخص والمواد الخام لكن بالنسبة للكاوتش تحديدا معرفش اذا كان فيه فرق ولا لا بس طالما بريدجستون توكيل محترم يعنى المفروض المنتج بتاعه هو هو أيا كان بلد الصنع

[M.Elgergawy]

الياباني هيكون تورانزا او بوتنزا وحاجة محترمة جدا جدا
التايلاندي كاوتش سرعات my - 01 ودي فردة ناشفة شوية

[S O P H O S]

الياباني هيكون تورانزا او بوتنزا وحاجة محترمة جدا جدا
التايلاندي كاوتش سرعات my - 01 ودي فردة ناشفة شوية

+11111111111

[Land_Cruiser]

الياباني هيكون تورانزا او بوتنزا وحاجة محترمة جدا جدا
التايلاندي كاوتش سرعات my - 01 ودي فردة ناشفة شوية

وجهه نظرى المتواضعة ان موضوع الكاوتش ده الواحد لازم يجيب انضف حاجه لان دة عامل امان اساسى يا فندم فى العربيه هو و الفرامل و يمكن حتى اهم من الموتور فلو الموتور باظ اخرها مش هتمشى انما الكاوتش لاقدر الله مشاكله ملهاش حل

[MIGOS]

إيه الفرق بين التورانزا والبوتنزا

[Land_Cruiser]

إيه الفرق بين التورانزا والبوتنزا

هما الاتنين عامه ممتازين بس كل واحده فيهم متميزه فى حاجه يعنى مثلا البوتنزا اداءها اعلى يعنى فى الشد و القياده الرياضيه و الحاجات اللى زى كده لانها مصممه ان اغلب نوعيه القياده بتكون كده فال P بتاعه potenza ترمز لل performance بس صوتها عالى شويه فى مقابل ده مع الاحتكاك بالاسفلت
اما ال touranza فال t ترمز لل touring يعنى الاستخدام بتاع اليوم العادى و فى المقابل بيعطى احساس بالراحه اكتر و صوت احتكاك الاطار بالارض أهدى من ال potenza و حسب طبيعه قياده حضرتك تقدر تختار نوع الاطار اللى يناسبك اكتر من الفئتين دول لان المفروض ان المقاسات متوفره للاتنين و الفرق زى ما قلت حسب اغلبيه طريقه سواقه حضرتك و اولوياتك

[MIGOS]

شكرا يا كبييييييييييير

[Land_Cruiser]

شكرا يا كبييييييييييير

العفو يا باشا :)

[MohammedAladel]

يعنى فى النهاية الاختلاف بينهم هيكون فى طريقة الاستخدام وليس جودة التصنيع ؟؟؟؟؟؟؟؟؟؟؟؟؟؟؟

[Land_Cruiser]

يعنى فى النهاية الاختلاف بينهم هيكون فى طريقة الاستخدام وليس جودة التصنيع ؟؟؟؟؟؟؟؟؟؟؟؟؟؟؟

لا يا فندم ما تتلخبطش ال potenza و ال touranza اللى بنتكلم عليهم دول فئتين فى البريدجستون و ده كان سؤال فرعى عن الفرق بين النوعين. لكن اليابانى و التايلاندى ده موضوع تانى و انا ارشح اليابانى اكيد حتى لو اغلى