عندي كوتش اقل ف الارتفاع من الباقي

[AhMeD MeTwAlY]

اشتريت عربيه من يومين
النهارده ببص عليها والميكانيكي بيجربها حسيت ان فيها حاجه غلط لقيت في اتنين مساعدين خفاف بس مش يعملو كدا
ببص علي مقاس الكوتش لقيت واحده 175 والباقي 185 والاستبن بردو 175
العربيه بتفحط بنحيه واحده الي هي 185 مش 175
مع ان الكوتش كله جديد
اعمل ايه اغيرها ولي اجيب واحده تانيه 175 واركبها ورا
ولي اولع في العربيه
حسبي الله ونعم الوكيل في الي كان السبب

[SYD]

اولا مبروك العربية

ثانيا مش محتاجة سؤال
هتغير الفردة ال175 وتخليها زي اخواتها 185
بس علي فكرة 175 و 185 دة عرض المداس بتاع الفردة وليس ارتفاعها
الأرتفاع بيبقي اقل من كدة بكتير
يعني هتلاقي الفردة ال175 مكتوب عليها 175/70 او 175/65
والفردة ال185 هتلاقيها 185/60 او 185/65

الي بجد يفرق معاك هو الأرتفاع الي هو الرقم التاني

تحياتي

[AhMeD MeTwAlY]

اولا مبروك العربية

ثانيا مش محتاجة سؤال
هتغير الفردة ال175 وتخليها زي اخواتها 185
بس علي فكرة 175 و 185 دة عرض المداس بتاع الفردة وليس ارتفاعها
الأرتفاع بيبقي اقل من كدة بكتير
يعني هتلاقي الفردة ال175 مكتوب عليها 175/70 او 175/65
والفردة ال185 هتلاقيها 185/60 او 185/65

الي بجد يفرق معاك هو الأرتفاع الي هو الرقم التاني

تحياتي

الله يبارك فيك
ههههههههههههههههه
عارف واللهي ان دا الارتفاع بس انت فاهم بقئ ضغط المذاكره وخصوصا الاحصاء والشغل الافتراضي وانا بذاكر في احصاء قياسي ودماغي ساحت
وشكرا يا باشا علي تاكيد معلومه شراء واحده 185

[AhMeD MeTwAlY]

ههههههههههههههه
بردو كتبتها الارتفاع
دا العرض وربنا العرض العرض العرض العرض العرض العرض العرض العرض وربنا يستر
ادعيلي ربنا يعديني السنادي علي خير

[minicooper20]

هههههههههههههههههههههههههههه
ونبى انتا عسل بس انا عايز اعرف قصه العربيه العايزه الحرق دى

[AhMeD MeTwAlY]

هههههههههههههههههههههههههههه
ونبى انتا عسل بس انا عايز اعرف قصه العربيه العايزه الحرق دى

حبيبي يا كوبر وحشني واللهي
البداية انا بعت عربيتي الفليشيا بعد ما بهدلتها ووصفت الحالة بالتفصيل في الموضوع دا

http://www.nilemotors.net/Nile/290572-a.html

وبعدين مسكت في جزئ من فلوس العربيه وولدي قالي تعالي اخطبلك قولتله لا قالي طيب هات الفلوس اشلها معايا قولتله مفيش مشاكل
المهم كنت يوميا بنزل اتفرج علي عربيات وفضلت اسبوع ومركز مع السويفت لانها سهل اللعب فيها واتفرجت علي واحده بس وكانت عجباني اوي بس كانت غاليه شوية طالب 28 والعربيه سعر السوق 24 الف
المهم قرور في البيت بعد الحالة الي وصلت ليها الفليشيا يجبولي لادا واول ما سمعت الخبر كاني جالي شلل تام لادا ايه يا حاج دا انا اجيب 128 باب واحد ارحم المهم من هنا لهنا كل شوية يجيبو عربيه اتفرج عليها اطلع فيه القطط الفطسانه
جم في يوم استغلو ان بسهر طول الليل اذاكر واذاكر وانا مش فاهم بذاكر في ايه بس اديني بذاكر وصحيت الساعه 4 العصر واذا بعربيه شاهين اتكتب عقدها وشرط جزائي 5000 جنيه وجيه من الاسماعليه مخصوص للعب لله
يا عم ربنا يهديك اديني رقم الراجل ارجع العربيه قالي لا طيب هات ورق العربيه والمفتاح لا طيب هات المفتاح وانا هتصرف في عنوان الراجل يقولي لا هي دي الي هتركبها واذا بالحلوه اسم النبي حرصها وصاينها شاهين موديل 96 1400 سي سي كامله (4 كوتش فيهم واحده 175 - وصاج كامل -ودركسيون -وطبلوه وشوية حجات كده تانيه بكتشفها اكتشفت منهم كارت ميموري عليه صورة الراجل هعلق في الشارع واكتب عليها مطلوب للاهميه)
المهم تاني يوم طبعا بعد لما بدأ الشرط الجزائ مفعوله ادوني المفتاح
ببص مفيش ريموت قولت مش مشكله بفتح العربيه المسوجر مش عايز يطلع مسك المقبض وبفتح فتحت جربت اقفلها وافتحها وهي مقفوله لقيتها بتفتح قولت دا اوبشن ولي ايه ربنا يستر
رجلي لزقه في الدركسيون ارجع يا عم الكرسي مفيش يا حاج ارجع الله يسترها معاك مفيش قولت سهله
يله يا قطه نعمل جوله سوه
شغلت العربيه وسمعت عزف سنفوني لعم بخه تاتاتاتاتاتاتاتاتاتاتا
ببص ورا مفيش سماعات والكاست شكله اساسا ميت الحاج نزل قالي ها ايه الاخبار قولتله حلوه بس عايزه شغل قالي شغلها كل علي حسابي
قولتله طيب انا مش فاضي للعربيه ولي لحسابك انا عايز اذاكر قالي طيب وانا هبعت بتاع الاباب يخدها يعملها وفعلا الراجل تفضل مشكور عملها بيكلمني وهو جي قولتله عديها علي الميكانيكي فلان وانت جي في الطريق وكمل لحد البيت خد حسابك وفعلا دا الي حصل
الميكانيكي اتصل قالي احمد باشا وحشاني عربياتك ولما بيقول كدا بيكون وراه مصيبه قالي العربيه عايز عمود تكيهات قولتله ابعتها علي البيت ومش اشوف وشك
العربيه جت علي البيت قولتله بص العربيه عايزه عمود تكيهات وفلم هندي تعالي نرجع العربيه وبعدين فيها صدا في كام حته ورشه بره مش عجبني واذا بالوسيط بين ابويا والراجل جه بيقولي ها يا بحميد العربيه ايه اخبرها قولتله هو انت الي جايبها قالي اه قولتله
قالي في ايه بس انت طول عمرك حبيبي قولتله دي عربيه يا السكك
المهم قالي فيها ايه قولتله اطلع هات عمود تيكهات بسرعه قالي لا انا عندي حل بالفعل اخدها وداها لواحد ظبط المسمار الي راسه مكسوره
نزلت اجرب العربيه مفيش سحب مفيش اداء مفيش حاجه خالص وزي ما انت شايف كدا بقئ بشحت عليها في قسم فيات

https://www.nilemotors.net/Nile/292139-a.html

[Sehsss]

اولا مبروك العربية

ثانيا مش محتاجة سؤال
هتغير الفردة ال175 وتخليها زي اخواتها 185
بس علي فكرة 175 و 185 دة عرض المداس بتاع الفردة وليس ارتفاعها
الأرتفاع بيبقي اقل من كدة بكتير
يعني هتلاقي الفردة ال175 مكتوب عليها 175/70 او 175/65
والفردة ال185 هتلاقيها 185/60 او 185/65

الي بجد يفرق معاك هو الأرتفاع الي هو الرقم التاني

تحياتي

+1111111

[مدحت]

السلام عليكم المشكله بتاعت الكاوتش كانت عندى فى 128 مود 99
بتخلى العربيه بتعرج وترج كانه اسفلت معرج تحتيك وانتا ماشى على الهادى وبتروح مع الدوس لغايه ال90 وتبدا
تبان تانى واسف على الازعاج

[AhMeD MeTwAlY]

انا من كتر الي بيحصل وانا ماشي بطلت اركز