الكاوتش عندى مشقق

[eemmoo]

انا مشترى عربيه مستعمله ولا حظت ان الكاوتش فيه تشققات كتير بس النقشه كويسه وضغط الهوا فيه مش بيقل ومفيهوش ولا خرم ولا نتوئات ومش عارف عامل كام كيلو

ياترى الكوتش ده يبقى بايظ ولا سليم خصوصا اننا فى الصيف والواحد ممكن يسافر فى اى وقت
ياريت اى حد عنده معلومه بخصوص التشققات دى يفيدنى

[houras1010]

كوتش مشقق يعنى نشف جامد وكده مش صح

[Land_Cruiser]

الكاوتش المشقق بالطريقه اللى حضرتك بتقول عليها معناه ان المرحله القادمه هتلاقيه ابتدى يتقطع منه اجزاء و انت ماشى من غير حتى ما تقع فى مطبات و لا اى حاجه زى ما بتلاقى احيانا حاصل فى كاوتش العربيات النقل و لذلك فده خطر و المفروض تحاول تغيره فى اسرع وقت و ده فى أحيان كتير بيكون السبب فى الموضوع ده سوء تخزين الكاوتش او ركن العربيه و عدم تحريكها لفترات طويله (زى السفر مثلا و عدم رقع العربيه و تركها واقفه على العجل)فالضغط بيكون مركز على اماكن معينه من الاطار مع التعرض للشمس فده بيخللى الاطار ينشف و يشقق و لذلك حاول تغيير الاطارات دى فى اقرب فرصه و ما تجريش بالعربيه. على سرعات عاليه

[essam_shaaban]

ممكن حضرتك تراجع تاريخ الانتاج علي الكاوتش لو اكتر من 4 سنين فاتوا يبقي خلاص عمره الافتراضي انتهي

[ahmedeihab]

بص يا باشا هو غلط جداااااااااا

بس انا و الله الكاوتش بتاع عربيتى انتاج 2003 و نفس اللى انت بتحكى فيه بلظبط و بلحرف الواحد

و سبحان الله الفرده تيوبلس و فيها بتاع 5 او 6 بدجات لكل الفرد

و بجرى بيهم بسرعات عاليه تتعدى ال 170 بس كل حاجه بأمر الله

نصيحه منى غيرهم فى اسرع وقت و انا بردو هغيرهم كمان شهر

علشان انا كل اللى فات كان فى ايد ربنا و اللى جاى الله اعلم ممكن يحصل ايه

تحياتى

^_^