جالي حالة احباط

[ahm4ever]

يا جماعة انا عندي هوندا سيتي 2010 مقاس الكوتش 185 55 16

من 4 ايام جيت هنا وسالت عن الفولدا الالماني والناس كلها شكرت فيها فاتوكلت علي الله بعد ما سالت كذا حد عن المقاس المناسب لان المقاس الاصلي بتاع العربية مش موجود خالص غير في التوكيل فمعظم الناس نصحوني اجيب 205 50 16 وقعلا جبت 4 فرد

انا حاسس بالكواتشات و فيه خشونة ودربكة كده .. العربية مش ناعمة زي الاول .. الراجل كان عمل ترصيص مشيت علي 160 انا متحكم وكل حاجة بس الرعشة دي هي مش كبيرة لدرجة انها تاثر علي الكونترول بس مضايقاني جدا خصوصا ان العربية مكنتش كدة . .

انا مش عارف هل بقي لازم الواحد يشتري المقاس الاصلي ولا العيب فين بظبط؟؟ ولو فكرت مثلا ابيع ال 4 فرد هيجيبوا اد ايه ومين بيبعها _( ده لو ملهاش حل)

[ahm4ever]

محدش بيرد عليا ليه ياجماعة

[Land_Cruiser]

طبيعى انه مع تغيير المقاس تحس بفرق فى العربيه و اعتقد فى حاله حضرتك اللى بتقوله ده طبيعى. هو المفروض هتلاقى فى الكتالوج بتاع العربيه بيحددلك المقاسات اللى ينفع تتركب عندك غير المقاس الاصلى و حضرتك كنت المفروض تراجع عليها فى حاله لو ما كنتش هتركب المقاس الاصلى بس حصل خير. هو على حسب المقاس ده ان متخيل ان العربيه وطيت شويه عن الارض و بقت اثبت من الاول بس العفشه بقت انشف. عامه حضرتك اتأكد من ضغط الاطارات انه مضبوط و حط نيتروجين و شوف ايه الاخبار و لو بعد كده ما ارتحتش مع المقاس الجديد بيع الاربع فرد و اشترى واو بدل و هات ٤ فرد زى المقاس الاصلى بس لو نويت تبيع الاول اعرف تمن كل عجله لوحدها علشان بتاع الكاوتش ما يبخس تمنها و ممكن كمان حتى تعمل اعلان فى المنتدى عن بيعهم بس المهم تحاول تقرر بسرعه علشان تبيعهم و هما لسه مش ماشيين كتير فالفرق فى السعر يبقى مش كبير

[sewefy]

لو بتفكر تبيع انا شارى بس جرب بردو تانى ورصص يمكن يكون احساس داخلى عندك مش اكتر