الفرق بي الكاوتش العادي وكاوتش السرعات

[muslim_nsb]

انا معي النترا 2005 كامله اتوماتك وبفكر اغير الكاوتش لاني جبت نوع اسمه كومهو تايلندي بس مع الاسف طلع زباله صوته فظيع على الارض وبيسحف مع الفرامل .
بفكر اشتري طقم كاوتش جديد
ومن فتره بسمع عن كاوتش السرعات
ايه الفرق بين الكاوتش العادي وكاوتش السرعات وأعرفه أو افرقه عن العادي ازاي
وما هي اسعاره وانواعه
ولكم جزيل الشكر
على فكره مقاس الكاوتش عندى
185/65R15 or 195/60R15

[muslim_nsb]

40 مشاهده ومفيش ولا رد واحد
ايه ياشباب الثوره مستمره ولا نمتوا وتعبتوا وزهقتوا

[eng.m7md.ali]

كاوتش السرعات يتحمل سرعات اكبر بأستمرار بتوصل ل 240 كيلومتر وكمان اعرض من العادي لو نفس المقاس كمان بيبقى انشف من العادي
اما الكاوتش العادي سرعته تقريبا 190 كيلو ومينفعش تمشي فترة كبيرة على سرعة اكبر من كدة

[mohamedibrahem]

الكاوتش السرعات الى بنقول عليه سوفت بيكون رفيع شوية بيقبل الضغط على سرعات عاليه لحد 260 بيكون عريض زى ما حضرتك تحب معاك من 195 لحد 245 فيما اعلى .. مميزاته . ثبات اكتر . شكل رياضى ومميز . خامات اعلى

[blazer]

مع احترامى
اعتقد ان مقيش حاجه اسمها اصلا كاوتش سرعات
دا مصطلح طلع وانتشر فى مصر بس
كل كاوتش بيتكتب عليه rating للسرعه الى يقدر يتحملها بدون مشاكل
الكاوتش اللى بيبقى مصمم للآداء الرياضى زى مثلا kumho ecsta او bridgestone potnza
دول بيبقوا مميزين ان الspeed rating اعلى ,وال traction rating اعلى فالفرامل افضل والتسارع افضل

بس عيبه ان معدل التآكل بتاعه عالى والاداء بتاعه فى الميه او الزيت سىء اكتر