بخصوص تنكيل الجنوط

[i_samy]

الحقيقة عربيتى بها جنوط صينى راكبة منذ 6 سنوات (15) ومازالت حالتها ممتازة .... إلا أن الدهان تقريبا مش موجود وهيا كان لونها فضى بيلمع ...... وسمعت إن فيه إمكانيه لإعادة تنكيل الجنط ..... فهل ممكن حد يدلنى على حد أو ورشة فى منطقة الهرم أو إمبابة أو 6 أكتوبر وياريت لوفيه أسعار ولو حتى بالتقريب أكون شاكر جدا

[fineart607]

متابع

[i_samy]

وأنا كمان متابع
يا ترى فيه حل

[makmak_10]

تروح لصنايعي نضيف يرشهملك فضي او اللون اللي انت عايزه..ده اسهل حل و بيعيشو..

[alzelafy]

التنكيل تقريبا صعب لكن ممكن ترشهم و دا حل وسط بيترشو فضى و مش هيكلفوك 100 جنيه بالدوكو و المصنعيه بس دا لو واحد عندو ضمير

[i_samy]

طيب فين ممكن فى منطقة الهرم
ياريت حد يفيدنى .... طيب هل بيتم صنفرة الجنط قبل الرش ولا لأ؟

[i_samy]

طيب فين ممكن فى منطقة الهرم
ياريت حد يفيدنى .... طيب هل بيتم صنفرة الجنط قبل الرش ولا لأ؟

[SASA3]

اقولك على حاجه جربها لو مفادتكش مش هتضرك


هات علبة رش اسبراى فضى red fox و غطى الكاوتش كويس بجرائد او اى حاجه و رش الجنوط من فوق لتحت بالراحة علشان متسيلش و شوف منضرها عامل ازاى علشان الصنايعى الى هتروحله هيعمل كده تقريباا بس طبعا مع بعض الاحترافية

و العلبة دى بـ7 جنيه

[tarekomar66]

والله فكره حلوه بس محتاجه حرص شديد

[makmak_10]

التنكيل تقريبا صعب لكن ممكن ترشهم و دا حل وسط بيترشو فضى و مش هيكلفوك 100 جنيه بالدوكو و المصنعيه بس دا لو واحد عندو ضمير

فين ياباشا ابو 100 جنيه ده؟؟مش اقل من 300 جنيه ياباشا..
هو انت هترشهم علي الرصيف ولا ايه؟؟

[mado83]

جرب بالاسبراى بنفسك فى حته صغيره لو عجبتك كمل لو ماعجبتكش ادينى انا العلبه وانا ارش الجنوط عندى لانى بحب الموضوع ده جدا

[i_samy]

طيب خلونى أحكيلكم عن ما توصلت إليه فى الفترة إللى فاتت
1- يجب غسل الجنط تماما وتنشيفه تماما أيضا
2- يجب تفضية الهواء من الكاوتش علشان يكون وزنه أخف ونقدر نلزق الجرائد على حرف الجنط علشان اللون مايجيش على الكاوتش
3- يجب صنفرة الجنط كويس يورق صنفرة خشن ليتم إزالة الطبقة القديمة من الطلاء لباهت والمجرح
4- إستخدام سائل التنر للتخلص من آثار الصنفرة
5- يتم رش مادة (البريمر) (ماعرفش إسمها إيه بالعربى ولا أجيبها منين وأعتقد إنها الطبقة الأولى قبل الدهان أو الرش لحماية الجنط من الصدأ وعدم تسرب مياه الغسيل ولضمان ثبات الدهان)
6- بعد نصف ساعة يتم رش اللون المرغوب فيه بعدة طبقات (من 3 طبقات فما أكثر لضمان عدم تقشير الدهان فى المستقبل)
7- تترك الجنوط 24 ساعة لضمان جفاف اللون وينصح بعدم التركيب فى السيارة قبل هذه المدة
8- يمكن إستخدام مسدس رش أو من علب الإسبراى نفسها لإن التأثير واحد
-------------------------------------------------------------------------
نيجى بأه للأسئلة
.... البريمر دا إسمه إيه بالعربى وموجود فين وسعره كام
.... إيه أحسن منتجات لدهان جنوط السيارات المشهود لها بالبقاء أطول مدة ممكنة وإيه أسعارها وموجودة فين
.... هل يوجد مسدس رش صغير يعنى يكون للهواة مش لورشة وبرضه السعر ومكان التواجد
.... هل القيام بذلك أكثر تكلفة من ورشة

أتمنى أن أجد تفاعل من كل الأعضاء لإنه أمر يهمنا كلنا

[michohat]

طيب خلونى أحكيلكم عن ما توصلت إليه فى الفترة إللى فاتت
1- يجب غسل الجنط تماما وتنشيفه تماما أيضا
2- يجب تفضية الهواء من الكاوتش علشان يكون وزنه أخف ونقدر نلزق الجرائد على حرف الجنط علشان اللون مايجيش على الكاوتش
3- يجب صنفرة الجنط كويس يورق صنفرة خشن ليتم إزالة الطبقة القديمة من الطلاء لباهت والمجرح
4- إستخدام سائل التنر للتخلص من آثار الصنفرة
5- يتم رش مادة (البريمر) (ماعرفش إسمها إيه بالعربى ولا أجيبها منين وأعتقد إنها الطبقة الأولى قبل الدهان أو الرش لحماية الجنط من الصدأ وعدم تسرب مياه الغسيل ولضمان ثبات الدهان)
6- بعد نصف ساعة يتم رش اللون المرغوب فيه بعدة طبقات (من 3 طبقات فما أكثر لضمان عدم تقشير الدهان فى المستقبل)
7- تترك الجنوط 24 ساعة لضمان جفاف اللون وينصح بعدم التركيب فى السيارة قبل هذه المدة
8- يمكن إستخدام مسدس رش أو من علب الإسبراى نفسها لإن التأثير واحد
-------------------------------------------------------------------------
نيجى بأه للأسئلة
.... البريمر دا إسمه إيه بالعربى وموجود فين وسعره كام
.... إيه أحسن منتجات لدهان جنوط السيارات المشهود لها بالبقاء أطول مدة ممكنة وإيه أسعارها وموجودة فين
.... هل يوجد مسدس رش صغير يعنى يكون للهواة مش لورشة وبرضه السعر ومكان التواجد
.... هل القيام بذلك أكثر تكلفة من ورشة

أتمنى أن أجد تفاعل من كل الأعضاء لإنه أمر يهمنا كلنا

البرايمير اسم معروف في وسط الناس بتوع الدوكو و سمعته منهم اكتر من مره وان وظيفته هي توفي عزل للسطح المراد دهانه

باقي الاسئله مش عندي اجابتها