عاوز كاوتش للفيرنا ...هل من نصائح ؟؟

[aif]

الفيرنا عندي نازلة بكاوتش جوديير 185/65/14
الكاوتش حالته جيدة عموما ومش ماشي غير 27الف كيلو فقط
لكن الكاوتش من سنة 2007 فاصبح قديم وكل شوية ينام
قررت اغير فردتين بعد العيد مباشرة
السؤال
هل اجيب بريدجستون ولا كوري كومهو او هانكوك
والاسعار ايه بالتقريب لو حد عنده فكرة
هل لسة فيه عروض لنايلموتورز او تخفيض اوماشابه
هل املأ نيتروجين ولا بلاش
انا عموما مش باسوق بسرعة
100 او 120 ده الحد الاقصي
لكن اللي يهمني قلة الاعطال لأن زوجتي كمان بتسوق العربية ومش عاوزها تتعرض لمواقف الكاوتش وحركاته الغير سارة

[Ahmed A Rahman]

الحاج احمد اهلا وسهلا

انا رأيي تغير الاربعة مع بعض احسن ولو حتغير الاثنين يبقى يتحطوا ورا زي شركات الاطارات ما بتقول

النيتروجين حلو طبعا حتى لو فرضنا انه ميخفف المطبات زي ما بيقولوا لكن بيقعد بالشهور عن تجربة

النوع انا شايف الكومهو كويس جدا خصوصا لو حتغير الاربعة

البريدجستون حيكون غالي شوية

[mailo]

-رأيي إن ال بريدجستون غالي قوي على القيمة اللي بيديها
ممكن تلاقي الجودة دي وممكن أحسن في ال كنتينينتال وسعر أقَل

-أنا ركبت الجوديير بعد كومهو وماكسس وباقولك إن ال 2 دول مش كاوتش أصلا بالنسبة ليه

-يستحسن تغير ال 4 مع بعض

-أنا سمعت إشاعة من بتوع النيتروجين ماتملاش الكاوتش بيه فالاول اديله هوا عادي وبعدين شوية وغير عشان العجل ماينشفش أو مش عارف إيه المهم يعني حاجة خزعبلية كده معرفش صح ولا غلط الكلام ده بس أنا مش مقتنع بيه

[corsair]

انا لسه مركب المقاس ده من 6 شهور تقريبا وكان نوعه سيلفر ستون ماليزي والفرده كانت عامله 380 جنيه وانا جيبت النوع ده لانه سرعات وكمان بشفتين ومش بيريح والمسمار لما بيدخل فيه بيكون تأثيرة ضعيف وبحس ان الكاوتش بينطر المسمار تاني بعد فترة قصيرة وبيريح علي فترات بعيده جدا يعني تقريبا كل شهر بزوده حاجه بسيطه

[aif]

لو عاوز اجيب ميشلان فرنساوي اجيب منين واسعاره ايه
هل له توكيل في مديمة نصر او قريب منها ؟؟؟

[aif]

الحمد لله جبت فايرستون من بريدجستون عباس العقاد كنت عاوز بريدجستون my01 لكن مش بينول منها المقاس اللي انا عاوزه
وخصم نايل موتورز 5% لحاملي الاستيكر على السيارة
و 50% على المصنعيات والترصيص لكن كان معنديش مصنعيات لأن السعر شامل الترصيص والبلف والنيتروجين والتركيب
يعني 4 فرد اتعملي خصم حوالي 100 جنيه
شكرا لكريم منير لاهتمامه ومتابعته ... كالعادة خدوم ومتفاني لمصلحة الاعضاء
وشكرا بريدجستون مصر