حد يعرف حاجة عن الهانكوك الارورا

[Seifmando]

السلام عليكم

إن شاء الله هجنط الفيرنا واغير الكوتش الــ13 اللاسا التركي اللي فيها بــجنوط 14 واغير العرض من 175 الي 185 عشان ازود الثبات شوية و احسن فرامل كمان
انا لفيت عند كذا واحد ولقيت الاتي:
1- الهانكوك ارورا الفردة هتعمل 370 جنيه بالترصيص والتركيب وكمان الرينجات
2- نكسن نقشة الشجرة الفردة هتعمل 380 حنيه بالترصيص والتركيب وكمان الرينجات بس الراجل (عشان معرفة) قاللى ان النقشة دي عيبها انها بتلم زلط وصوتها عالي على الطريق
3- ميشلان الفردة هتعمل حوالي 450 جنيه (مش متذكر اوي)

الراجل نصحنى بـالهانكوك الارورا لانه افضل حاجة بسعر قليل (مع انى كنت نفسي فى نقشة الشجرة لان شكلها عجبني جداً)

وكمان هاخد من عنده جنوط تايلاندي ب 1500 جنيه

لو حد يعرف اي حاجة عن الهانكوك الارورا دا ممكن يفيدني

جزاكم الله خيراً

[mailo]

مسمعتش عن ارورة ده خالص دورت عليه حتى مالقيتوش

لو قريب من المعادي عدي على وطنية اوتوستراد حلوان عنده goodyear وعامل عليه عروض ب 355 عشان الكمية
وعنده جنوط تحفة

أنا لسة مغير ب goodyear قريب وفردة أنضف من الكومهو والبريللي ولمكسس والكلام ده كله

[Seifmando]

مسمعتش عن ارورة ده خالص دورت عليه حتى مالقيتوش

لو قريب من المعادي عدي على وطنية اوتوستراد حلوان عنده goodyear وعامل عليه عروض ب 355 عشان الكمية
وعنده جنوط تحفة

أنا لسة مغير ب goodyear قريب وفردة أنضف من الكومهو والبريللي ولمكسس والكلام ده كله

ارورا دا نوع من انواع هانكوك وكتير من الناس شكروا فيه
مش عارف فين وطنية اوتوستوراد حلون بالظبط بس ممكن اجيبها من على الخريطة
مش عارف الــGoodyear ظروفه ايه ممكن تقوللي الكوتش دا عامل معاك ايه من حيث الثبات والنعومة والصوت والزلط
وجزاك الله كل خير

[cvt2008]

متابع

[mailo]

ارورا دا نوع من انواع هانكوك وكتير من الناس شكروا فيه
مش عارف فين وطنية اوتوستوراد حلون بالظبط بس ممكن اجيبها من على الخريطة
مش عارف الــGoodyear ظروفه ايه ممكن تقوللي الكوتش دا عامل معاك ايه من حيث الثبات والنعومة والصوت والزلط
وجزاك الله كل خير

أنا أعرف هانكوك optimo بس معرفش التاني ده

بالنسبة lelgoodyear
الكاوتش ملوش صوت خالص بالنسبة للي قبله تقريبا مابسمعوش
فرامل بتاعته حلوة مش زحاف خالص وكويس قوي في المسافة
أنا كنت 70/175 وقلت لما أجيب 60/185 هاسمع أحلى رزع فالعافشة, مفيش الكلام ده مافرقش عن اللي قبله عشان كان ناشف انما goodyear طري شوية تقريبا كده الجديد أحسن
والعرض ده هيظبط الدركسيون في إيدك أكتر من الاول كتير أوي وهايظبط معاك العربية شويتين

المكان
وإنت رايح حلوان من مدينة نصر بعد متعدي صقر قريش قبل نزلت الزهراء فيه بنزينة وطنية فيها الوكيل بتاعه
وفيه كمان 2 واحد ميدان الجزاير وواحد فالعرب فالمعادي عندهم ال goodyear

بص بقى
أنا في تغيرة الكاوتش اللي فاتت اللي أنا مجبتوش فيها كنت ناوي على ميشلان بس رجعت في كلامي فالاخر بس كنت عارف إنها أحسن فردة
وكان هو الوحيد في كل اللي شفتهم لما مسكت الفردة لقيتها طرية شوية
الجود يير برده كان كده وكنت هجيبه ساعتها بس رجعت في كلامي عشان كان ال temp B مش A وساعتها كنت فاهم موضوع ال temp ده غلط وكنت فاكره على حسب حرارة الجو والكاوتش والطريق وكده وخصوصا إني كنت بسافر في الصيف كتير
بس دلوقتي عرفت إني عمري ماهاحتاج temp A خالص بعربيتي عشان كده جبته على طول

ممكن تدور على كنتنتينتل ecoc ontact3 كمان حلو قوي وسعره 420 وموجود برده فالمعادي

بس نصيحة مني ابعد عن الحاجات اللي مش معروفة حتى لو مشهورة فالسوق شوية حتى لو صاحب المحل قالك اضمنلك الكاوتش 90000 ولكلام ده
أنا عامل 3 حوادث بسبب إن الكاوتش القديم مش بيقف مع إنه كان مشهور قوي ورامي الفرد شكلها جديد ونقشتها حلوة قوي بس بجد كل مابركب العربية كنت بأقول ربنا يستر

[Seifmando]

أنا أعرف هانكوك optimo بس معرفش التاني ده

بالنسبة lelgoodyear
الكاوتش ملوش صوت خالص بالنسبة للي قبله تقريبا مابسمعوش
فرامل بتاعته حلوة مش زحاف خالص وكويس قوي في المسافة
أنا كنت 70/175 وقلت لما أجيب 60/185 هاسمع أحلى رزع فالعافشة, مفيش الكلام ده مافرقش عن اللي قبله عشان كان ناشف انما goodyear طري شوية تقريبا كده الجديد أحسن
والعرض ده هيظبط الدركسيون في إيدك أكتر من الاول كتير أوي وهايظبط معاك العربية شويتين

المكان
وإنت رايح حلوان من مدينة نصر بعد متعدي صقر قريش قبل نزلت الزهراء فيه بنزينة وطنية فيها الوكيل بتاعه
وفيه كمان 2 واحد ميدان الجزاير وواحد فالعرب فالمعادي عندهم ال goodyear

بص بقى
أنا في تغيرة الكاوتش اللي فاتت اللي أنا مجبتوش فيها كنت ناوي على ميشلان بس رجعت في كلامي فالاخر بس كنت عارف إنها أحسن فردة
وكان هو الوحيد في كل اللي شفتهم لما مسكت الفردة لقيتها طرية شوية
الجود يير برده كان كده وكنت هجيبه ساعتها بس رجعت في كلامي عشان كان ال temp b مش a وساعتها كنت فاهم موضوع ال temp ده غلط وكنت فاكره على حسب حرارة الجو والكاوتش والطريق وكده وخصوصا إني كنت بسافر في الصيف كتير
بس دلوقتي عرفت إني عمري ماهاحتاج temp a خالص بعربيتي عشان كده جبته على طول

ممكن تدور على كنتنتينتل ecoc ontact3 كمان حلو قوي وسعره 420 وموجود برده فالمعادي

بس نصيحة مني ابعد عن الحاجات اللي مش معروفة حتى لو مشهورة فالسوق شوية حتى لو صاحب المحل قالك اضمنلك الكاوتش 90000 ولكلام ده
أنا عامل 3 حوادث بسبب إن الكاوتش القديم مش بيقف مع إنه كان مشهور قوي ورامي الفرد شكلها جديد ونقشتها حلوة قوي بس بجد كل مابركب العربية كنت بأقول ربنا يستر

يا صاحبي مش عارف أقولك إيه اكتر من جزاك الله كل خير
أنا هصرف نظر عن الاروا دا هشوف انواع تانية وربنا يسهل

[blazer]

الارورا دى سىىىىىىء جداااا

[Seifmando]

السلام عليكم

الحمد لله جنطت الفيرنا بجنوط اسبور تايواني بسعر 1500 جنيه وكوتش 14\185\60 نوع نكسن انتاج 2012 بسعر 375 للفردة

بس للأسف ملاقيتش نقشة الشجرة لان الراجل قاللى انها اتلغــت من اول 2012 لانها صوتها عالي على الطريق وكمان بتلم زلط

إن شاء الله هصورهم و أوريكو الشكل بعد التجنيط

بس للاسف ملاقيتش رينجات على أد المقاس لا المونيوم ولا تيفلون وهحاول اروح لخراط واعملهم المونيوم ان شاء الله