محتاج نصيحة .. ايه احسن نوع كاوتش لتويوتا كورولا 2010 خليجي

[zizophone]

ازيكم يا شباب

محتاج ارائكم و خبرتكم انا معايا تويوتا كورولا 2010 خليجي و عايز اشتري اربع فرد كاوتش جداد مقاس 15 عايز اعرف افضل نوع و افضل سعر و مكان للشراء لو امكن

انا محتار بين اربع انواع

1- بريدجستون ( Butenza - Turanza ) أيهم افضل (ثبات - فرامل - راحة) ؟؟
2- دانلوب.
3-ميشلان
4-كومهو - جود يير - هانكوك اوبتيما

انا ميال اكتر للبردجستون Butenza ( الادرانلين R02 ) الجديد ياريت لو في معلومات عنة


شكر مقدما

[moody_687]

التورنزا عن تجربة فردة 16 صوت هادىء وناعمة ع الطريق ومش تحسسك بالمطبات المصرية اما البوتنزا ادريناليين فهى ناشفة واكثر ثباتا من التورنزا عشان هى نقشة رياضية وطيعا هتحسسك بالمطبات بس مش قوي يعني ( التورنزا مجربة والبوتنزا كمان غير كده مش هقدر افيدك ) بس انا ليا صديق عربيته فانتزيا فيها كونتنتال واسمع عن الميشلان حلو برده

[zizophone]

كلام جميل :) شكرا جزيلا

مفيش اخبار عن الاسعر ؟

[zizophone]

مفيش جديد يا شباب ؟؟

[hany63]

التورانزا مقاس 16 55 205 عامله 870 جنيه و الميشلان 720 و ما فيش بوتانزا

[NaderNabil]

أنا أعتقد ان مقاسك 205 60 r15 صح؟

عموماً البوتانزا مابقتش تنزل تاني خلاص

التورانزا Gr90 سوبر سايلنت ياباني فردة ممتازة بس سعرها عالي...890 في التوكيل و 820 في المحلات بره

الدانلوب الألماني Sport SP 01...فردة مزعجة و ناشفة جداً بس معمرة لأقصى درجة...قعدت معايا 85000...بس كل الريفيوز على النت بتقول أنها زي الزفت.. سعرها في حدود 650

بالنسبة للكونتيننتال فردة كويسة بس بتتاكل بسرعة و ضعيفة في مصر... سعرها في حدود 650

الكومهو السولس الفيتنامي فردة سيئة جداً من حيث النشفان و الفرامل و الراحة....سعرها 440 و مافيش كوري Ecsta في المقاس ده

المهم بعد شهر من البحث و اللف و النت...إستقريت على ميشلان Energy Saver...و الحمد لله ما خيبتش ظني ابداً...فردة مريحة و ناعمة و هادية لأقصى درجة...مكنتش أتخيل ان العربية ممكن يبقى صوتها هادي كده أبداً و حسيت بالنقلة النوعية بعد التغيير من الدانلوب...في المطبات و النقر صوتها مكتوم و الإحساس بالطريق قل كتير...و زود على كده إستهلاك البنزين إتحسن بفرق حوالي لتر و نص لكل 100 كيلو...الفردة صناعة إيطالي و سعرها 650 شامل التركيب و النتروجين و الترصيص

خلي بالك لو إستقريت على الميشلان...إتأكد انه Energy Saver مش Energy بس أو Energy XM2...لأن فرق السما من الأرض بين الفرد دي...

أتمنى اكون أفدتك

[mohamedkandel]

بما انك من منوف يبقي اكيد سألت مرعي عن الاسعار انا سألت الفرع بتاع شبين الكوم وقالي الفرده بريدجستون مقاس 185/65/15 للياريس ب 610ج واليوكوهاما ب 525ج والميشلان ب 540ج بس للاسف معرفتش نوع كل واحده بالضبط ذي ما ذكروا الاخوه الاعضاء هنا كل نوع يتخلله كذا نوع مختلف عن بعضه .... وبالنسبه لرأي لو مش هيفرق معاك فرق الفلوس هات البريدجستون طبعا رقم واحد

[zizophone]

التورانزا مقاس 16 55 205 عامله 870 جنيه و الميشلان 720 و ما فيش بوتانزا

هاني باشا الف شكر يا باشا فعلا نفس الاسعار الي لقتها

أنا أعتقد ان مقاسك 205 60 r15 صح؟

عموماً البوتانزا مابقتش تنزل تاني خلاص

التورانزا gr90 سوبر سايلنت ياباني فردة ممتازة بس سعرها عالي...890 في التوكيل و 820 في المحلات بره

الدانلوب الألماني sport sp 01...فردة مزعجة و ناشفة جداً بس معمرة لأقصى درجة...قعدت معايا 85000...بس كل الريفيوز على النت بتقول أنها زي الزفت.. سعرها في حدود 650

بالنسبة للكونتيننتال فردة كويسة بس بتتاكل بسرعة و ضعيفة في مصر... سعرها في حدود 650

الكومهو السولس الفيتنامي فردة سيئة جداً من حيث النشفان و الفرامل و الراحة....سعرها 440 و مافيش كوري ecsta في المقاس ده

المهم بعد شهر من البحث و اللف و النت...إستقريت على ميشلان energy saver...و الحمد لله ما خيبتش ظني ابداً...فردة مريحة و ناعمة و هادية لأقصى درجة...مكنتش أتخيل ان العربية ممكن يبقى صوتها هادي كده أبداً و حسيت بالنقلة النوعية بعد التغيير من الدانلوب...في المطبات و النقر صوتها مكتوم و الإحساس بالطريق قل كتير...و زود على كده إستهلاك البنزين إتحسن بفرق حوالي لتر و نص لكل 100 كيلو...الفردة صناعة إيطالي و سعرها 650 شامل التركيب و النتروجين و الترصيص

خلي بالك لو إستقريت على الميشلان...إتأكد انه energy saver مش energy بس أو energy xm2...لأن فرق السما من الأرض بين الفرد دي...

أتمنى اكون أفدتك

نادر باشا كتر الف خيرك بجد كلك زوق و اكيد افدتني جدا

بالنسبة للمقاس انا فعلا بفكر ف ن مقاس 195/60/15 اعتقد حبيقي اخف شوية من ال 205 الا لو انت شايف غير كدة وانا كدة حفكر في الميشلان او البريدجستون لان كدة سعر الميشلان حيفرق بتاع 1000 جنية عن البريدجستون والمقابل واحد يهمني جدا بالترتيب ( فرامل - ثبات - صوت )

ياريت حضرتك تقولي المكان الي فية الاسعار الي انت كاتبها لان عندي اغلي من كدة شوية " مقاربة لاسعار الاستاذ هاني "

بما انك من منوف يبقي اكيد سألت مرعي عن الاسعار انا سألت الفرع بتاع شبين الكوم وقالي الفرده بريدجستون مقاس 185/65/15 للياريس ب 610ج واليوكوهاما ب 525ج والميشلان ب 540ج بس للاسف معرفتش نوع كل واحده بالضبط ذي ما ذكروا الاخوه الاعضاء هنا كل نوع يتخلله كذا نوع مختلف عن بعضه .... وبالنسبه لرأي لو مش هيفرق معاك فرق الفلوس هات البريدجستون طبعا رقم واحد

ايوة بقي المنايفة وصلوا ههههههههههههه, انا فعلا سألت على مقاس 195/60/15 لقيت انواع كتيير بس انا ناوي يا على البريدجستون او الميشلان و الاسعار تقريبا نفس الي قالها الاستاذ هاني و ف انتظار رد الاستاذ نادر لمعرفة المكان الي فية الاسعار الاحسن دي.

[zizophone]

Up Up Up