تقييم الكاوتش القديم

[medo_mony]

الموضوع باين من عنوانة بمعنى ان كل واحد جاب كاوتش جديد يقول النوع القديم اللى كان مركبة اسمة اية ونوعة وعاش معاة اد اية سواء كيلو مترات او كام سنة و كفائتة اية مع العفشة و الثبات والفرامل وصوت الكوتش نفسة على السرعات يعنى تقيم كامل عن الكاوتش علشان كلنا نستفاد ونعرف اية الانواع الحلو و الوحشة وضمن الموضوع بردو النوع الجديد اللى انت جبتة نفس النوع القديم اللى كان عندك علشان كان مريحك ولا نوع تانى انتة شايفة احسن او سمعت حد جربة ولا اختيارك كان بناء على اييييييية

وبكدا ان شاء الله نقدر نفيد الناس اللى عايزة تغير الكاوتش وتستفيد من تجارب الناس اللى فاتت علشان محدش يجيب نوع معين ويطلع واحد مجربة وقال علية مثلا زى الزفت وبكدة ادرنا ننقذة من المطب اللى كان هيقع فية بالكاوتش الجديد وعلى رأى المثل اسأل مجرب ومتسألش دكتور

وشكرا ليكم وان شاء الله كلنا نستفيد ونفيد بعض

[mailo]

العربية كانت نازلة ب كومهو موصلش 40 وكان في 2 باظوا

جبت مكسيس فردة زبالة ناشفة جدا وبتعمل فرح على الطريق وكمان مفيهاش فرامل فعلا مابتمسكش في الارض وبتصفر احلي حاجة

جود جودير معايا دلوقتي عكس ال مكسيس تماما

[dr.hazem]

العربية بتنزل ب جوديير هندي
الحقيقه كاوتش ناشف جدا وسئ العبية كانت بتدبدب بيه غم اني بظبطه زي مالكتالوج بيقول لكن للاسف كانت الكاوتشات سيئة جدا
غيرتهم على 33 ألف الاربعه وجبت نوع اندونيسيي اسمه سبيكترا بعا لندرة مقاس الماروتي والحمد لله طلعت كاوتشات ممتازه وهي اللي بينتلي عيوب الجوديير اللي كان راكب