ايه رأيكم فى كاوتش بيرللى

[excel_team2000]

روحت توكيل بيرللى عشان اسأل على كاوتش مقاس 225/45/17 لقيت نوع ايطالى مش تركى الكاوتش اسمه pzero 91y rosso شكلها فرده محترمة سعرها 1060 شامل ترصيص و تربيط عفشة و نيتروجين و ضبط زوايا انا كنت ناوى على بريدجستون يابانى الفردة بـ 1200 ايه رأيكم فى الكلام ده ايطالى ولا يابانى ؟؟

[akmm]

الغالى تمنه فيه ... وممكن نعرف مكان توكيل بيرللى .

[Ahmed_selmy]

والله انا كنت حاطط بريللى فى ال127 بتاعتى وكانت تمام , ما اشتكتش منها خالص ولسه راكبه فيها لحد دلوقتى, وبالنسبه للبريدجستون بردوا كاوتش حلو , راكب فى التيدا بتاعتى ومالوش صوت على الصريق خالص وخصوصا بعد النيتروجين .

[excel_team2000]

على فكرة العربية سيراتو جنوط 17

[medo111]

ماركه محترمه جدا عندي فرده فيها سلك بمشي بيها 180 و140 وعادي بتستحمل اوي البردج ستون مش بتستحمل زيها عن تجربه

[mailo]

البريللي كويسة قوي بره ومن أحسن الماركت عالميا بس في مصر بتنزل موديلات مش جامدة قوي
بس الموديل اللي إنت قلت عليه ده كويس
الفرامل بتاعته كويسة ولهاندلينج برده عالي
بس ال comfort وال noise متوسطين

عموما معظم الكاوتش بيحقق حاجة من ال 2 اللي فوق ويقع في ال 2 التانيين

ممكن تبص على كنتينينتال برده وال ميشلان
ممكن تلاقي موديلات أحسن

وربنا يوفقك ولما تجيب ابقى قول جبت إيه وإيه رأيك فيه عشان كلنا نستفيد