اجيب كاوتش ايه يا جدعاااااااااااااااااااااا ن

[Mahmoud.Fathy]

سألت على الكاوتش لقيت اسعار كالاتى:

سمير بيومى

كومهو فيتنامى 280
كومهو ياباني 330
بريجيستون تايلاندى 330
تويو ياباني 330

توكيل كومهو فشبرا

كومهو فيتنامى 295
تويو ياباني 340
بريجستون تايلاندى 350
جى تى اندونيسي 300

البطل الرومانى

الياباني 350
اندونيسي 350
ميكسن كوري 315
نوع صيني غريب 280

اجيب ايه يا رجاااااااااله .... مخوفنى من الكومهو الياباني .... ناس مرشحة الجى تى واخرون مرشحين المكسين .... عاوز اخر كلام منكو

[ramadanshehatt]

ياريت يا باشا تقولنا مقاس الكاوتش كام ؟؟؟

[Mahmoud.Fathy]

والله مش عارف بالظبط .. تقريبا كده جنط 13 والكاوتش 75/175 .... انا كنت بسأل على كاوتش لانوس وخلاص :)

[E_medo77]

انا لسه جايب نوع اسمه Avatar تايلاندى والراجل صاحبى وبيشكرلى فيه جدا بيقوللى احسن من البريدجستون واغلى منه ب 10 جنيه كان ب 340 الفرده

[megadeath]

بردجيستون طبعا

[al_qassam2003]

بريدجستون طبعا

[Mahmoud.Fathy]

طب كده الترشيحات للبريدجستون ها مين يزوود حيرتي

[حماده المصري]

بريدجستون او دور على كونتيننتال لسه صاحبي جايبه للانوس كاوتش ناعم ومريح العفشه فعلا

البردجستون كله ممتاز طبعا بس في منه ناشف وفي منه ناعم ولكن في الاتنين فرامل ممتازه وثبات جميل

[hany63]

بريدجستون مركبه للكورولا الاندونيسي تحفه
و مركب للسيفيك بريدجستون تورانزا gr 90 حسيت ان شوارع مصر اتصلحت و ملوش صوت نهائي على الاسفلت العادي انما الاسفلت المحبب اي كاوتش في العلم هتسمع صوته

[mailo]

كنتينينتال
جوديير
بريدجستون

[Mahmoud.Fathy]

أنا لقيت المقاس اللى راكب عندي فالجوليت 185/70/13 ,,,, هل اجيب دا ولا فيه منه ضرر على العربية لاني قريت ان المفروض اجيب 175/70/13 وان المقاس اللى راكب عندي دا غلط ؟؟؟؟ ارجوكو رد لاني هشتري النهاردة

[Mahmoud.Fathy]

التجربة اليوم

رحت عند سمير بيومي فالدقي سألت على المقاس 185/70/13 لقيت نوعين الكومهو الفيتنامى والهانكوك الكوري ... كنت هجيب الكورى من عنده بس لقيته انتاج 11/2011 ... حسيته قديم شوية وكانت الفردة ب 330

رحت رايح على توكيل كومهو وجي تى اللى فشارع شبرا ... لقيت برضه المقاس اللى انا عاوزة كومهو فيتنامى وقالى مبقاش ينزل منه كورى .... وكان فيه نوع جديد لسه نازل قالى دا انتاج مصانع ميكسز ... ولقيت بقي جي تى اندونيسي ....

لقيت الجي تى الاندونيسي انتاج شهر 5 - 2012 .... يعنى بقاله اربع شهور بس وشكل الكاوتش ماشاء الله زي الفل .... استريحتله جدا وجبته خصوصا انه كان نفس النوع اللى راكب عندي

جبت 4 فرد ب 320 الفردة بالترصيص والتركيب والبلف والنيتروجين .... وخدت انظف فردة من القدام عملتها استبن .... واشترى مني التلاتة الباقيين الواحدة على 20 جنيه ....

بس الشهادة لله التعامل بتاعهم ماشاء الله زي الفل والمكان جميل جدا ومريح

وانتهت مشكلة الكاوتش :):):) شكرا للتعاون من الجميع

[Land_Cruiser]

الف مبروك و ربنا يباركلك فيه و يكفيك شر المطبات و الحفر و غطيان البلاعات. امين

[M.Elgergawy]

الف مبروك وياريت تقولنا العنوان بتاع شبرا فين او رقم التليفون