الكاوتشة فيها عالي وواطي .. ايه العمل ؟

[zakiali]

السلام عليكم ..

حسيت برعشة في الدركسيون جيت ارصص العجل بتاع الترصيص مرضيش وقالي الكاوتشة فيها عالي وواطي ولازم تتغير الأتنين القدامانيين ؟؟ عل الكلام ده مطبوط ؟ وهل عادي اني امشي بيها كده وخلاص خصوصا اني لسه مغيرها معملتش 20 الف ونقشتها زي ما هي ومفهمش ولا خرم واحد حتي فمستحرم ادفع 700- 800 جنيه في الأرض وانا لسه مغيرهم .. الكاوتش نوع بيريللي

أفيدوني افادكم الله

[hugan]

لو الكلام ده صح يبقي عندك المساعدين تالفين
لان تلف المساعدين يخلي سطح الكوتش غير مستوي
شوف عفشجي كويس
ومكان تاني للترصيص للتاكد

[zakiali]

انا سألت بتاع كاوتش واتنين بتوع ترصيص قالولي ان الكاوتش السلك اللي جواه ضرب نتيجة مطب جامد ولازم يتغيروا لأن الكاوتش قابب من حته معينه علي الوش اللي فيه النقشة .. المساعدين مغيرهم من قريب مظنش ان فيهم حاجة .. السؤال هل لازم اغير الكاوتش ولا ممكن امشي بيه كده خصوصا انهم سه جداد ومتخرموش ولا خرم واحد

[Youssef.Awad]

اعراض تلف الكاوتش بالشكل ده سببها بيكون تلف المساعدين ..
السبب الثانى ممكن يكون الكاوتش قديم او متخزن غلط .. راجع تاريخ الانتاج والمواصفات
لو حبيت ممكن تشوف كل الرموز اللى على جانب الكاوتش وتبلغنى بيها وانا افيدك بحالته مع نوع العربية وحالتها

[ahmedfathi]

حصل معايا نفس موضوعك بالضبط روحت أرصص فى بريدجستون اللى فى تقاطع عباس العقاد مع مصطفى النحاس قالى مش هينفع لان العجل فيه لوحه والكاوتش عامل 30000 كيلو متر لحد دلوقتى

والعربيه بتاعتى لسه فى الضمان وبعمل الصيانات الدوريه كل 5000 كيلو فلو كان فيه حاجه فى المساعدين أعتقد كان التوكيل هيقولى عشان يغيرهم ولا ايه ؟؟

مش عارف أمشى بيهم وأكمل عادى ولا أعمل ايه ؟؟؟

[blazer]

اعتقد غيرهم فى اقرب وقت لان ممكن وانت ماشى بسرعه العجله تضرب وتنفجر لا قدر الله

[momo44]

لازم تغيرهم
وعلى الاقل حاليا انقلهم ورا