الكاوتش دوخ الناس كلهافياريت نفيد بعضنا

[HANYCAR]

انا كونت عاوز اسال على الكاوتش gt كان عامل مع المجربه ايه وينصح بيه والا بنوعية تانية يكون جربها وقادر يعمل تقييم للنوعين ويا ريت الكل يشارك بانواع الكاوتش بتاعته وتنصحنى اركب ايه احسن ان دوخت بين انواع الكاوتش الهائلة اللى موجودة وتعبت من ان كل واحد بيحكم على اللى جربه واللى مجربوش ولكن عاوز اسمع عن اللى جربتوه فعلا
انا بالنسبالى مركب كومهو وبيخلينى اعرف الاسفلت تحت العربية ناعم والا خشن لانه بيسمع صوت الاسفلت فى العربية

[HANYCAR]

انا النهاردة نزلت يا جماعة رحت معروف سالت بتوع الكوتش كلهم هناك وسالت واحد بيصلح كاوتش لم اجد الجى تى موجود هناك واللى بيصلح الكاوتش قالى ان الجى تى اصبح عيوبه اكتر من مميزاته فلغيته من دماغى فسالته تنصح بايه قالى هانكوك كورى
دخلت محل بيبيع كاوتش جديد عنده كومهو وهانكوك ويوكاهاما فقالى الهانكوك خاماته ناشفة والكومهو معقول وشكر لى فى اليوكاهاما اليابانى بس حددلى نقشة معينه قالى هى الافضل فى اليوكاهاما
روحت مروح وانا فى السكة عديت على بتاع تصليح كاوتش سالته على حاجة كويسة وطرية شكر لى فى ماركة اسمها لاسا صناعة تركى فاكدت له انى عاوز حاجة كويسة وطرية قالى لو معاك فلوس يبقى ميشلان فرنساوى
كملت مرواحى عديت على واحد معرفة بيبيع بطاريات فسالته قالى برده لاسا التركى والمعلومة الجديدة ان اللاسا بيتصنع فى مصنع بردجستون كملت لبتاع الكاوتش اللى معتاد التعامل معاه فاكد على الاسا التركى وقال انه بيضمنهولى وقابلت صاحب تاكسى ساكن جنبه مركب طقم لاسا وشكرلى فيه جامد وقالى انه ده الطقم اللاسا التانى اللى ركب فى عربيته بعد ما الطقم الاول قعد 50000 كيلو وغيره للاطمئنان وبتاع الكوتش باعه بعد كده مستعمل
فايه رايكم يا جماعة فى اللاسا التركى

[ibrahimpop]

انا النهاردة نزلت يا جماعة رحت معروف سالت بتوع الكوتش كلهم هناك وسالت واحد بيصلح كاوتش لم اجد الجى تى موجود هناك واللى بيصلح الكاوتش قالى ان الجى تى اصبح عيوبه اكتر من مميزاته فلغيته من دماغى فسالته تنصح بايه قالى هانكوك كورى
دخلت محل بيبيع كاوتش جديد عنده كومهو وهانكوك ويوكاهاما فقالى الهانكوك خاماته ناشفة والكومهو معقول وشكر لى فى اليوكاهاما اليابانى بس حددلى نقشة معينه قالى هى الافضل فى اليوكاهاما
روحت مروح وانا فى السكة عديت على بتاع تصليح كاوتش سالته على حاجة كويسة وطرية شكر لى فى ماركة اسمها لاسا صناعة تركى فاكدت له انى عاوز حاجة كويسة وطرية قالى لو معاك فلوس يبقى ميشلان فرنساوى
كملت مرواحى عديت على واحد معرفة بيبيع بطاريات فسالته قالى برده لاسا التركى والمعلومة الجديدة ان اللاسا بيتصنع فى مصنع بردجستون كملت لبتاع الكاوتش اللى معتاد التعامل معاه فاكد على الاسا التركى وقال انه بيضمنهولى وقابلت صاحب تاكسى ساكن جنبه مركب طقم لاسا وشكرلى فيه جامد وقالى انه ده الطقم اللاسا التانى اللى ركب فى عربيته بعد ما الطقم الاول قعد 50000 كيلو وغيره للاطمئنان وبتاع الكوتش باعه بعد كده مستعمل
فايه رايكم يا جماعة فى اللاسا التركى

كوتش ممتاز واحد صاحبي معه تاكسي فيرنا بيغيره كل 80000

[blazer]

مع احترامى
متخدش نصايح من ساقين تاكسى او محلات كاوتش او حتى محلات بيع كاوتش
عاوزين يبعيعوا بضاعتهم وخلاص او البضاعة الى هتكسبهم اكتر
والسائقين بيدور على الحاجة الاقتصادية التى تعمر معاه ومتكلفوش

عاوز كاوتش محترم متخرجش عن -continental-goodyear-dunlop-
bridgestone- Michelin -pirelli

وبعدهم ال kumho - hankook

[ahmedfathi]

منصحكش بالجود يير لانه راكب عندى فى العربيه وباظ اهو بعد 32000 كيلو وبفكر دلوقتى فى البريدجستون اليابانى
او الهنكوك الكورى

حد يعرف بقى فين توكيل هنكوك فى القاهره ؟؟؟

[HANYCAR]

طب ايه رايكم يا جماعة فى اليوكاهاما اليابانى 95% من مشاركات على النت عن الكاوتش بتشكر فيه وبتقول انه كويس وطرى جدا وفرامله كويسة فايه رايكم فيه

[horas3000]

بص يا زعيم
في الكاوتش
البريلي و الكونتيننتال و الميشلان رقم ١ بس يكونوا صناعه اوروبي
بعديهم اليوكوهاما و التويو و البردجستون و دول ياباني
و بعد دول الهانكوك و الكومهو و دول الكوري

الباقي بقي تحتهم و بفرق حلو
و كله علي حسب ميزانيتك

و خد الموقع ده و عيش فيه
Tire Rack - Your performance experts for tires and wheels

[moody_687]

باشا انضف حاجة البردجيستون والميشلان وينصح ف مصر بالذات بالبريدجستون التورنزا جى ار 90 عشان كثبات والمطبات مش تحس بيها لانها فردة طرية ثم الميشلان واردم ع الباقي عشان مش هيعمروا معاك اما بيرللي والكوتنيتال والانواع التانية عايزة طرق مفتوحة مفهاش مطبات لكن لو ف مطبات هيكون عمرها قصير وعن تجربة
ولو عايز الرخيص عندك الكورى بانواعه وانصحك عن تجربة ناس بالكومهو

[ahmedfathi]

طب ايه رايكم يا جماعة فى اليوكاهاما اليابانى 95% من مشاركات على النت عن الكاوتش بتشكر فيه وبتقول انه كويس وطرى جدا وفرامله كويسة فايه رايكم فيه

مديرى فى الشغل لسه جايب طقم يوكوهاما يابانى ده وعربيته اكسنت موديل 2010 تقريبا
وبيشكر فيه أوى كان جايب الطقم ب1900 جنيه