سوال عن الكاوتش البريدجستون

[mr_hamed_s]

دلوقتى انا رحت اغير الكاوتش وكنت عامل حسابى اجيب كومهو مقاس 14 185/60 وانا بسال الراجل على الانواع قاللى الكومهو عامل 330 والسعر ده لاقيتة اقل سعر كومهو عند كل الناس اللى سالت عندها بس المشكلة لاقيت الفرده solus وده نقشتة معجبتنيش كنت عايز ال escta بصراحة المهم قلت مش مشكله لحد ماكتشفت كمان انها R مش H بصراحة اتقفلت منها قلت لما اشوف نوع تانى بسالة قاللى عندى بريدجستون عاملة 400 قلتلة معقولة خصوصا لما سالت ف fit and fix قالولى المقاس بتاعك يعمل 480 اتدونيسى
قلتلة ماشى يعم وريهولنا جابلى الفرده لاقيتها turanza H وانتاج شهر 5 2012 قلتله تمام ببص على بلد الانتاج لاقيت ايطالى استغربت بصراحة لانى اول مره اسمع ان ايطاليا بتعمل بريدجستون

السوال بقى ايه رايكوا فالكلام ده هل فعلا فيه بريدجستون ايطالى ولا انا اتضحك عليا والنوع turanza ده كويس ولا لا علما بان نقشتة عجبتنى بصراحة

اسف على الاطالة

[m_adeleid]

الموضوع ده غريب شويه
الفرد في بريدجستون يا اما تايلاندي يا اندونيسي يا ياباني
اول مره اسمع عن ايطالي دي
ولما كنت بشتري سألت علي التورنزا والبوتنزا و قالي ان دول في المقاسات الاكبر
استني كده باقي الاعضاء لما يقولولك

[himabmw]

أه فعلا فى أيطالى وكمان فى فرنساوى و ده أفضل لان كل العربيات الاوروبى زى الاوكتافيا والجولف والباسات والاودى وبعض موديلات المرسيدس والبى أم بتنزل بريدجيستون فرنساوى أو أيطالى و يا ريت تقولنا مكان الراجل ده فين عشان أسعاره كويسه أوي

[Kareem.ElAraby]

متابع

[himabmw]

وطبعا افضل نقشه فى التورانزا gr 90 &gr80 دول أفضل نقشتين يليهم er300 و دى تقريبا اللى معاك عشان دي أوروبى و جى أر كله يابانى

[mr_hamed_s]

أه فعلا فى أيطالى وكمان فى فرنساوى و ده أفضل لان كل العربيات الاوروبى زى الاوكتافيا والجولف والباسات والاودى وبعض موديلات المرسيدس والبى أم بتنزل بريدجيستون فرنساوى أو أيطالى و يا ريت تقولنا مكان الراجل ده فين عشان أسعاره كويسه أوي

تمام فعلا الصبح وانا نازل الشغل لاقيت باسات راكنة فيها بريدجستون وبصراحة الفضول قتلىنى اشوف صناعتة ايه طلع ايطالى برده وكانت turanza والحمد لله محدش افتكرنى بسرقها
بص الراجل ده مشهور اسمه اولاد بيومى فشارع التحرير جمب جاد على طول

وطبعا افضل نقشه فى التورانزا gr 90 &gr80 دول أفضل نقشتين يليهم er300 و دى تقريبا اللى معاك عشان دي أوروبى و جى أر كله يابانى

فعلا اللى عندى ER300 شكلها عجبنى جدا بصراحة

[NaderNabil]

ال er300 صناعة فرنساوي

فردة ممتازة و كل الريفيوز على النت تشهدلها...

جايبها لواحد صاحبي في جولف 5 و أداءها زي الفل بصراحة

[nasroo]

اللي في الدقي قدام جامع اسد ابن الفرات

turanza H وانتاج شهر 5 2012 -ER300 ماشاء الله جميلة وسعرها كويس