هركب فرديت ورا مقاس مختلف عن اللى قدام ؟؟ ينفع ؟

[Ahmod]

السلام عليكم ورحمة الله وبركاته

من حوالي سنة ركبت جنوط مقاس 16 مع كاوتش مقاس 195/50

اللى لقيته وقتها في المقاس ده نوع اكسليرا اندونيسي

النقشة كويسة بس المشكلة ان الTraction بتاعه مش ماشي مع اسلوب سواقتي نهائيا

فكنت بفكر اني اجيب حاجة اعلى شوية في ال Traction

بس كنت مستحرم على اساس ان الفرد لسه جديدة ومامشتش 20 الاف كم على بعض

بس لبست حفرة تمام جابت بلونة في الفردة اللى ورا فقلت بالمرة اغير الفردتين اللى ورا بنوع احسن وقدام شوية اغير الاتنين اللى قدام

سالت على المقاس 195/50/16 بس للاسف المقاس ده تقريبا كدة منقرض !!

مش موجود منه اي حاجة نهائيا

اللى موجود كومهو KH17 ودي طبعا ادائها برضوا مش هيمشي معايا

ياما اكسليرا نفس اللى عندي !! وانا عايز حاجة احسن

اللى لقيته عدل للمقاس ده مشلان والفردة ب 900 جنيه !! فطبعا غالية جدا

فانا بفكر اركب ورا فردتين مقاس 205/50

واسيب اللى قدام زي ماهما ويمكن كمان كام شهر كدة ابقى اغيرهم

فياترى هينفع ؟؟ ولا هيحصل مشاكل ؟؟

مع العلم ان الكاوتش الاصلي بتاع العربية كان مقاس 185/60/15

والمقاسين 195/50/16 -- 205/50/16 يمشو بدون مشاكل !!

[أبو يوسف]

أنا عامل كدة فى عربيتى - ماتريكس
مركب قدام 15/185/65
ومركب ورا 15/195/55

[thunder155]

متهيألى لو حضرتك عايز تعمل كده , يبقى ترجع الـ 195 ورا , و تركب الــ 205 قدام

و برضه اسأل كويس جداً قبل ما تعمل اى حاجه

[reallistic]

على حسب معلوماتي ممكن
و الأفضل دايماً الكاوتش العريض يكون ورا و الأرفع يكون قدام
و الكاوتش المرتفع يكون ورا و الأقل ارتفاعاً يكون قدام

[aymn6666]

بس انت كده غيرت مقاس قطر الكوتش وعليت العربيه والمقاس ده حيخلف في السرعه وعداد الكيلو
يعني قراءه العداد بتاع السرعه والكيلو حيبقو غلط
يعني لو عداد السرعه 100 ك انت حتبقي ماشي علي سرعه اعلي