لو كاوتش جديد زيرو بس منتهى الصلاحية ...

[reallistic]

كنت بأدردش مع واحب صاحبي من كام يوم
و جت سيرة كاوتش العربية و قلتلته عاوز أجيب فردتين جديد
و أني عاوز أجيبهم نوع عالي بس هايبقوا غاليين عليا دلوقتي
قاللي أنه بيجيب كاوتش زيرو بس منتهي الصلاحية قريب بنص الثمن و يمكن أقل
بيروح لواحد بتاع كاوتش توكيل كبير و يقوله إيه الكاوتش المنتهي الصلاحية إللي عندك و ينقي منه
قلتله بس ده يبقى خطر و مجازفة كبيرة من ناحية الآمان و خصوصاً أني بأجري على سرعات عالية
رد عليا أنه مجربه أكتر من مرة و مركبه بقاله فترة كبيرة و مافيش أي حاجة و كله تمام

مش عارف هل أنجز و أجيب زيه ولاّ بلاش !
أنتم إيه رأيكوا ؟؟؟

[mohamed_rhem]

يعني انت وحظك

الموضوع امن ليس اكثر

لو الامان مش فارق معاك هاته

[m_adeleid]

اوعي ولو ببلاش
معرض انه يفرقع في اي لحظه
والكاوتش روح العربيه واللي راكبها

[aw2100]

كاوتش منتهى الصلاحية = انتحار يعنى مجتش معاك الا فى الكاوتش اللى هو اخطر حاجة فى العربية اشترى كاوتش مستعمل ارحم ؟؟؟؟؟؟؟؟؟؟؟؟؟؟؟؟؟!!!!!!!!!!!!!!!

[Amr Axel]

معرض للانفجار في اي لحظة لأن صلاحية الكاوتش بدون استخدام 6 سنين من تاريخ الانتاج
هو ربنا سترها معاه لحد دلوقتي و محصلش حاجة لكن مش كل مرة تسلم الجرة
و الموضوع عن تجربة لأني ركبت عربية و معرفش ان كاوتش من الكاوتشات منتهي الصلاحية و النتيجة و انا ماشي و مش هقولك سرعات لأ كنت ماشي ع 80 العجلة اللي ورا انفجرت و لولا ستر ربنا و مسكت العربية كان زماني مقلوب
مش شرط تجيب كاوتش غالي اوي جيب حاجة متوسطة و تاريخ انتاجها جديد
من اهم القطع في العربية اوعي تهملها حتي لو هتصرف كل فلوسك عليها الفرامل و الكاوتش
انصحه يغير فكره مش عشان 100 و لا 200 ج يودي نفسه في داهية او اقل الخسائر العربية
معاك في حدود كام للفردتين و مقاس الكاوتش عندك ممكن اقولك اللي يناسبك و يكون كويس ؟؟

[akmm]

كلام صح الصح ............. ومخيف ايضا .

[blazer]

على فكره الكاتوش مش مكتوب عليه اريخ انتهاء صلاحية
بس الدراسات اثبتت ان بعد 6 ينين الكاوتش معرض للانفجار بمعدل اعلى بكتييييييير
انت ممكن آخرك تشترى الاستبن من الكاوتش دا
وربنا يسترها على صاحبك

[طارق _عبد السلام]

دع ما يريبك الى مالا يريبك
بلاش منه احسن

[dr.hazem]

على فكره الكاتوش مش مكتوب عليه اريخ انتهاء صلاحية
بس الدراسات اثبتت ان بعد 6 ينين الكاوتش معرض للانفجار بمعدل اعلى بكتييييييير
انت ممكن آخرك تشترى الاستبن من الكاوتش دا
وربنا يسترها على صاحبك

مهو مكتوب تاريخ الإنتاج ومعروف انه 5-6 سنين
ههههههههههههههههه
ياباشا كنز البيبسي وحاجات كتير مش بيكتبو انتاج بس بيتكتب إنتاج وتنتهي بعد سنه مثلا....
تحياتي

Sent from my SE Arc S using Forum Runner

[Land_Cruiser]

اكيد ابعد عنه و لو حتى ببلاش مش بنصف التمن. حضرتك كده عامل زى اللى هياخد دواء مستورد منتهى الصلاحيه لمجرد انه رخيص . الموضوع خطر كبير جدا لان الإطار معرض للانفجار و عمل كوارث فى اى لحظه و حضرتك هتبقى متحمل المسؤوليه عن حياتك و حياه اللى راكبين معاك لانك مشتريه و انت عارف انه منتهى الصلاحيه و مفيش حد خدعك و باعهولك على انه جديد. كمان فكر فى نقطه تانيه لما إطار يقعد لما فتره صلاحيته تنتهى و هو عند بتاع الكاوتش مش ده معناه انه اصلا فيه حاجه مش تمام؟ و حتى لو كان السبب انه سعره غالى فالناس لا تقبل عليه طيب ما البائع كان ممكن يعمل عليه تخفيض محترم بدل ما تاريخ صلاحيته ينتهى و ده هيبقى افضل من ان تمنه كله يخسره و ده يدل على ان فى حاجه غلط فى الإطار ده و معروفه للبائع و اللى كان بيروح يشترى. النصيحه : ابعد عن الموضوع ده نهائى و دور على ماركه ممكن تكون اقل لكنها إنتاج حديث

[svneleven]

حتي لو ما انفجرش مش هيعيش معاك أكتر من نص عمر الكاونش العادي و بعد كده تلاقيه اتاكل بسرعة و بيزحلق مع الفرامل و ما فيش ثبات ويصرخ في الملفات.