استفسار بخصوص رش الجنوط الاصليه

[Mostafa.Ramdan]

السلام عليكم ورحمة الله وبركاته

النهارده جت فى دماغى فكره كده اعملها فى الجنط بتاع العربيه بس الاصلى مش جنط اسبور و الحاجات دى

بس الموضوع ده عشان يتعمل لازم يكون الجنط لونه اسود

هل الرش هيأثر على حاجه فى اداء العربيه ؟؟

وهل عشان ارش الجنط اسود لازم افكه ولا ممكن يترش وهو راكب وهيترش بايه ؟؟

وادى صوره اللى عاوز اعمل الجنط زيها (الجنط مش الكاوتش)



او زى ده



انا عندى نفس الجنط بس لونه فضى


وشكرااااااااااااااا

[Ahmedsanad]

معتقدش انة ممكن ياثر عالاداء اتكل عل الله و متخافش

[akmm]

لايؤثر على الأداء .... ولكن يترش وهو مفكوك من العربيه افضل وعامه كل جنوط السيارات الألمانى جنوط سوداء

[Mostafa.Ramdan]

لايؤثر على الأداء .... ولكن يترش وهو مفكوك من العربيه افضل وعامه كل جنوط السيارات الألمانى جنوط سوداء

عندى فى الشاهين سودا

لكن الالمانى ( سكودا) مش سوداا

[islamghr]

انا راشش الجنط الاصلي وكله تمام بس اتبع الخطوات ديه :

1- فك الجنوط وادهنهم وسيبهم ينشفوا كويس
2- قبل ماتركب رصص ( عشان بعد الدهان الوزن بيختلف بس يكون ترصيص كمبيوتر طبعا)
3- ركب وانطلق :) بس لو فيه اي حاجه حسيتها ارجع للترصيص تاني يتاكد

واي خدمات جاهزين يا كبير