Tweet
السلام عليكم...
عربيتي مازدا 3 عاملة 20ألف كيلو... المازدا لو حد حيسألك إيه هي أهم ميزة فيها لازم إجابتك تكون "الثبات والهاندلينج"... تقريبا كل اللي ركبوا المازدا 3 متفقين على كدة....
المهم أنا مؤخرا كنت حسيت إن العربية ابتدت تحدف شوية مع الفرملة.. وكمان في الملفات اللي باخدها بسرعة كبيرة مبقتش زي الأول... وبما إن العربية جديدة... فمكنش عندي أي احتمال إن العفشة ممكن يبقى فيها مشكلة.. خاصة إني بحافظ ع العربية... وكان آخري إني أفكر إني جايز أكون محتاج أظبط زوايا (بس برضه مكنتش مقتنع أوي)
لكن اللي حصل بأة امبارح إني كنت بعمل صيانة 20ألف... فعملت Tyre Rotation بناءا على اللي مكتوب في الكتالوج (بيتعمل كل 10 آلاف كيلو)... وكنت عملته قبل كدة في صيانة الـ 10 آلاف... وطبعا عملت تربيط للعفشة... وخرجت من المركز في المعادي وطلعت ع الدائري اتجاه مدينة نصر... اكتشفت إن الحدفة اختفت تمااااااما... العربية رجعت كأني لسة شاريها... الحمد لله.... وكل دة بس من موضوع الـ Tyre Rotation بس... لا ظبط زوايا ولا ترصيص ولا صيانة عفشة (باستثناء التربيط طبعا) ولا أي حاجة تانية... عشان كدة أنا حبيت إني أؤكد لأي حد مش بيعمل موضوع الـ Tyre Rotation إنه فعلا بيخسر كتير على حاجة بسيطة جدا ومتاخدش خمس دقايق عند أي حد بتاع كاوتش... جرب وادعيلي
ملحوظة... الكتالوج عندي الـ Tyre Rotation بيتعمل فيه زي الصورة دي:
المفروض إن كل العربيات الجر الأمامي اللي كاوتشها مالوش اتجاه معين (مش unidirectional) ممكن تتعمل بنفس الأسلوب: العجلتين اللي ورا يطلعوا قدام زي ما همة... والعجلتين اللي قدام يرجعوا ورا بالعكس (cross)
عربيتي مازدا 3 عاملة 20ألف كيلو... المازدا لو حد حيسألك إيه هي أهم ميزة فيها لازم إجابتك تكون "الثبات والهاندلينج"... تقريبا كل اللي ركبوا المازدا 3 متفقين على كدة....
المهم أنا مؤخرا كنت حسيت إن العربية ابتدت تحدف شوية مع الفرملة.. وكمان في الملفات اللي باخدها بسرعة كبيرة مبقتش زي الأول... وبما إن العربية جديدة... فمكنش عندي أي احتمال إن العفشة ممكن يبقى فيها مشكلة.. خاصة إني بحافظ ع العربية... وكان آخري إني أفكر إني جايز أكون محتاج أظبط زوايا (بس برضه مكنتش مقتنع أوي)
لكن اللي حصل بأة امبارح إني كنت بعمل صيانة 20ألف... فعملت Tyre Rotation بناءا على اللي مكتوب في الكتالوج (بيتعمل كل 10 آلاف كيلو)... وكنت عملته قبل كدة في صيانة الـ 10 آلاف... وطبعا عملت تربيط للعفشة... وخرجت من المركز في المعادي وطلعت ع الدائري اتجاه مدينة نصر... اكتشفت إن الحدفة اختفت تمااااااما... العربية رجعت كأني لسة شاريها... الحمد لله.... وكل دة بس من موضوع الـ Tyre Rotation بس... لا ظبط زوايا ولا ترصيص ولا صيانة عفشة (باستثناء التربيط طبعا) ولا أي حاجة تانية... عشان كدة أنا حبيت إني أؤكد لأي حد مش بيعمل موضوع الـ Tyre Rotation إنه فعلا بيخسر كتير على حاجة بسيطة جدا ومتاخدش خمس دقايق عند أي حد بتاع كاوتش... جرب وادعيلي
ملحوظة... الكتالوج عندي الـ Tyre Rotation بيتعمل فيه زي الصورة دي:
المفروض إن كل العربيات الجر الأمامي اللي كاوتشها مالوش اتجاه معين (مش unidirectional) ممكن تتعمل بنفس الأسلوب: العجلتين اللي ورا يطلعوا قدام زي ما همة... والعجلتين اللي قدام يرجعوا ورا بالعكس (cross)
Comment