أيهما افضل: مقاس اكبر بوصة + كاوتش طري ولا نفس المقاس + كاوتش رياضي

[تامر.محمد]

سلام عليكم
انا عربيتي كاوتشها كان 15/195/60 , المهم جيت غيرت المقاس ل 16/205/55 , و حطيت كاوتش رياضي ناشف
طبعا الثبات بقى افضل بدرجة محسوسة لكني فقدت كم من راحة العربية
دلوقت عايز اعرف انهي معادلة اوقع بين الثبات و الراحة , ال15 بكاوتش رياضي ولا ال16 بكاوتش عادي اطرى شوية ؟

[AlGazar2]

الكاوتش الرياضى هيديك ثبات احسن من الكاوتش الطرى

الى هيفرق فى المحصلة النهائية عرض مداس الكاوتش نفسه

الكاوتش 15 العرض بتاعه تقريبا اقل حاجة بسيطة فهتلاقيه اريح شوية و لو رياضى هيبقى احتكاكة بالطريق و اتزانة عليه افضل
ال 16 المداس بتاعه كبير هتلاقيه انشف و بيديك تفاصيل الطريق لو كاوتش طرى هيقلل التفاصيل بس على حساب الثبات

[تامر.محمد]

انا عارف كده
لكن عايز اعرف هل فرق الثبات يعادل فرق الراحة ولا انهي فيهم اقل من التاني ؟

[eng.m7md.ali]

متنساش يا استاذ تامل الكاوتش الناشف هيبقى احسن في حاجات كمان زي .. الفرامل .. وقلة الزحف وكمان صوته اعلى غالبا من الطري

شوف حضرتك كل ده هيفرق معاك ولالا

ولو قررت فكر في مقاس 205-60 \ 15

[تامر.محمد]

متنساش يا استاذ تامل الكاوتش الناشف هيبقى احسن في حاجات كمان زي .. الفرامل .. وقلة الزحف وكمان صوته اعلى غالبا من الطري

شوف حضرتك كل ده هيفرق معاك ولالا

ولو قررت فكر في مقاس 205-60 \ 15

انا حاليا مركب ال16 و كاوتش رياضي ناشف , لكن العربية بقت ناشفة نوعا ما

فبافكر , لما اغير كاوتش ان شاء الله , اجيب كاوتش طري على ال16/205 , ولا انزل 15 تاني بكاوتش رياضي ؟
انهي احسن من ناحية الراحة و الثبات مع بعض في وقت وااااااااااااااحد ؟:)

[amz2011]

خاليك زى منتا 16 الثبات اهم فى وقت الخطر

[eng.m7md.ali]

من رأيي استغنى عن الراحة شوية في شوارع مصر

الواحد بيلاقي بلاوي على الطريق السريع بيبقى لازم يتفاداها

وعشان كدة لازم كاوتش نضيفي يسعف الواحد

[Formulator]

أقولك يا تامر بيه..

فرق الثبات مع الـ"16 أعلى بكتير من فرق الراحة مع الـ"15.. عن تجربة

الأفضل من وجهة نظرى
إثبت عـ الجنط الـ"16 زى مانت، ولما تغير الكاوتش هات حاجة intermediate
(لا طرى comfort يضيع ميزة الجنوط الـ16، ولا ناشف Sport ينشف العفشة أكثر)؟!!

يعنى
بلاش بوتنزا وهات تورانزا فـ البريدجستون
أو هات premium كونتاكت بدل الـsport كونتاكت فـ الكونتينينتال... وكده

دايما هتلاقى 3 trims فـ براندات الكاوتش المحترم: واحدة Eco/Comfort وأعلى Sport وبينهم حاجة Grand-Tourer وسط بين الإثنين؟!!!

حاجة كمان
الميجان عربية ثقيلة ولازم جنط 16 عشان ماتفقدش جزء من الهاندلينج والثبات بتاعها؟!!
(طبعا هيبقى أغلى، وأعلى شوية فـ إستهلاك البنزين.. لكن ملفات وفرامل وتماسك؛ يستاهل تضحى بجزء من الراحة وتاخد قصادها أداء).

Rgds،

[تامر.محمد]

تمااااااااااااااااااااام يا مستر مصطفى , اهو دي اجابة السؤال

الأفضل من وجهة نظرى
إثبت عـ الجنط الـ"16 زى مانت، ولما تغير الكاوتش هات حاجة intermediate
(لا طرى comfort يضيع ميزة الجنوط الـ16، ولا ناشف Sport ينشف العفشة أكثر)؟!!

انا حاليا حاطط my-01 و لك أن تتخيل نشوفية العفشة حاليا :)
التورانزا اطرى منه شوية اظن صح ؟