عايز اجيب مقاس كاوتش ايه افضل نوع وبكام ؟؟

[hossam_elwani]

عايز اجيب مقاس كاوتش عشان ابعد عن العك عند بتوع الكاوتش

ايه افضل نوع وبكام ؟؟

[Sehsss]

لعربية إيه ؟؟؟؟

[hossam_elwani]

لعربية إيه ؟؟؟؟

شيفى كروز

[Amr Axel]

عايز مقاس كاوتش ... طب المقاس الاصلي للعربية ايه ؟؟

و لا عايز مقياس ضغط الكاوتش و منفاخ ؟؟

[mero100]

غالي و الطلب رخيص يا باشا :-)

واحد صاحبي كان قاللي من فتره ان فيه مقاسات degital عند ابو الجوخ تقريبا في شارع الجمهوريه .

و انا معاك ان بتوع الكاوتش بيستهبلوا و ده راجع الي ان جميع المقاسات اللي شغالين بيها مخرفه .

و صاحبي ده توصل لحاجه جميله اوي لما اشتري المقاس ده .... بقي بيزود الكاوتش 32 او 34 عند اي بتاع كاوتش و هوه مروح يركن العربيه .... و الصبح قبل ما يتحرك بالعربيه بيظبط الاربع فرد بالمقاس و بكده هوه ضمن ان ضغط الكاوتش سليم 100 % .

[AlGazar2]

لو المقاس ده الى هوه مقياس ضغط الهوا فهات حاجة تكون ديجيتال و نضيفه يفضل ما تكونش صينى و هات منفاخ على كهرباء العربية ممتاز جدا و هينفعك فى الاوقات الصعبة و مفيد و حجمه صغير و و سعره مش عالى

[hossam_elwani]

عايز مقاس كاوتش ... طب المقاس الاصلي للعربية ايه ؟؟

و لا عايز مقياس ضغط الكاوتش و منفاخ ؟؟

فعلا انا محتاج مقاس ضغط الهوا

[Amr Axel]

فعلا انا محتاج مقاس ضغط الهوا

خليك في مقياس الهوا الديجيتال بس خلي بالك عشان فيه مضروب كتيير و فيه نوعيات كويسة في راديو شاك و سعرها 60 ج تقريبا فيه ناس جربتهم من هناك و كان كويس
و ممكن تجيب كمبرسور هوا ع الولاعة مش قادر اقولك من التوفيقية واقفين بيه و رخيص لكن انت و نصيبك و لو فيه حاجة مش هتقدر ترجعه و الأفضل تجيبه من كارفور او سبينس
و فيه منه بستم و 2 بستم البستم في حدود 50-60 ج و الـ2 بستم في حدود 120 ج

[Sehsss]

أنا كنت فاكرك بتسأل على مقاس فردة كاوتش ههههههههه

[hossam_elwani]

أنا كنت فاكرك بتسأل على مقاس فردة كاوتش ههههههههه

آسف ان كان سؤالى غير واضح. انت عارف بقه الواحد بيبقى مفكر الناس كلها عارفه الى فى باله ساعة السؤال

[yassinyouns]

يوجد منفاخ يعمل على الولاعه به عداد قياس وانا شخصيا اشتريته بعدما تعرضت لمشكله كبيره بسبب مقياس العجل الموجود عند بتوع الكاوتش حيث اننى غيرت 5كاوتشات بيرجستون جداد وانا ماشى على سرعه عاليه بدات احس ان العربيه بتتفكك من بعضها ووجودرائحة كاوتش وكانه بيحترق وعندما رجعت من العمل ذهبت الى بتاع الكاوتش واخذت مقياس العجل وقست العجل فوجدته58فقلت له ان العداد مخرف فجاء بواحد جديد من الكرتونه فقرأ58 ايضا فعرفت ان بتاع الكاوتش الذى غير لى الكاوتش المقياس بتاعه مخرف ومن وقتها اشتريت منفاخ يعمل على الولاعه ثمنه150جنيه ممتاز وربنا معاك ولوفيه اى استفسار اتصل بى01015066699

[ابوجنى2112]

خليك في مقياس الهوا الديجيتال بس خلي بالك عشان فيه مضروب كتيير و فيه نوعيات كويسة في راديو شاك و سعرها 60 ج تقريبا فيه ناس جربتهم من هناك و كان كويس
و ممكن تجيب كمبرسور هوا ع الولاعة مش قادر اقولك من التوفيقية واقفين بيه و رخيص لكن انت و نصيبك و لو فيه حاجة مش هتقدر ترجعه و الأفضل تجيبه من كارفور او سبينس
و فيه منه بستم و 2 بستم البستم في حدود 50-60 ج و الـ2 بستم في حدود 120 ج

يا عمرو باشا الدجيتال ب 140 جم فى راديو شاك وكمان مش موجود شفت الهنا اللى احنا فية..
ياريت لو ب 60جم ونوع كويس ..حد يقول جايبة منين..