نوع كاوتش كويس وسعر متوسط وكيف معالجة الخدوش فى الطاسات والجنوط الاسبور ؟

[wael6]

السلام عليكم ورحمة الله
كنت حابب اعرف من خبرات حضراتكم
المفاضله بين انواع الكاوتش المختلفه لمقاس 14/60/185
خصوصا ؟
اسبكترا الاندونيسي
دفلكس اندونيسي
gt الاندونيسي
ماكسيز تايلاندى
برديج ستون اندونيسي وطبعا ده اغلاهم سعرا
ايه افضلهم فى الفرملة والتحمل والعزل مين فيهم نقشته ضيقه عشان ميلمش ظلط كتير ؟
ولو فيه انواع اخرى متوفره فى السوق وسعرها متقارب فانا متابع حضراتكم

وكنت عاوز اعرف الطريقة المثلى لترميم خدوش الطاسات
وايضا خدوش الجنوط الاسبور من فضلكم

وشكرا جزيلا

[mazagngi2010]

اولا انضفهم البريدجستون
وطبعا تكلفته عاليه بس انصحك بعده جى تى اندونيسى ولو حضرتك حبيت تجيبه انا تحت امرك عندى انواع كتيره جى تى 410
كمهو 365 ماكسيس تايلاندى 390 هنكوك 415 لاسا 385 جوديير 380 يوكوهاما 460 كونتنتتال 450 سمبريت المانى 390

عن تجربه جى تى شامبيرو فرده محترمه والكوموهو سولاس احلى فرده تصوت فى الفرمله من غير ماتكلبش على الاسفلت بس الاسعار غليت كده ليه؟؟
وممكن موديل اليوكوهاما والكونتننتال لنفس المقاس بتاع صاحب الموضوع

[wael6]

طب لو قلنا مقاس 14/65/185 يضر فى العفشه او يحك فى الرفرف
ولا التزم بالمواصفات 14/60/185 افضل
ولو ان اعتقد ان مقاس 65 هيعلى الفيرنا شوية ؟


اسبكترا ( 320 ج ) و لا gt 390ج ( الاتنين اندونيسي )
وايه انواع ال gt من فضلكم ؟

وشكرا جزيلا

[A.Saad]

gt champiro
الكونتيننتال ابعد عنه حاليا
الجوديير سعره كويس بس اتاكد من تاريخ الانتاج
ابعد عن اسبكترا الاندونيسي
دفلكس اندونيسي
لانهم مش منتشرين ومش معروفين

[wael6]

gt champiroلو سمحت سعره كام لمقاس 14/60/185
وايه رايكم فى مقاس 14/65/185 للفيرنا ؟

مع العلم ان العربيه تاكسي ؟

وشكرا جزيلا

[mazagngi2010]

gt champiro
الكونتيننتال ابعد عنه حاليا
الجوديير سعره كويس بس اتاكد من تاريخ الانتاج
ابعد عن اسبكترا الاندونيسي
دفلكس اندونيسي
لانهم مش منتشرين ومش معروفين

الكونتننتال انضرب هو كمان ولا ايه ده انا كنت بفكر فيه او التويو

[A.Saad]

الاتنين مش هينفعوا لو تاكسى
لان الكونتى بيعمل بلالين
والتويو طرى جداً وكدة مش هيعيش عمر كويس بسبب الحفر والنقر

[A.Saad]

المرشح ليك
الجووديير
الهانكوك
الكومهو - ايكستا
الميشلان
البيرللى والدانلوب هيكونوا ناشفين شوية

[wael6]

المرشح ليك
الجووديير
الهانكوك
الكومهو - ايكستا
الميشلان
البيرللى والدانلوب هيكونوا ناشفين شوية

ممكن اسعارهم من فضلك
وايه رايكم فى ال gt

وشكرا جزيلا

[wael6]

هل لو جبت جنط رسمته لجوه شوية يعنى مش بارزه
هل بيكون خامته مش محملة زى اللى بارز
ده كان راى محل الجنوط اللى انا مش مقتنع بيه
مع انه نفس المركة اندونيسي lps
وشكرا

[wael6]

في نوع اسمه فنيكس اندونيسي
بتاع الكاوتش بيقولى ده نفس مصنع ال gt ?
ايه رايكم فيه ؟

[fefo0o0oz]

الكونتينتال عندي نفس المقاس ماشي بيه لحد دلوقتي 45 الف و ما شاء الله عليه