بالونة.. أغير ؟

[dede_dodo88]

ببص أمبارح على الكاوتش لاقيت الفردة قدام شمال فيها بالونة صغيرة :(
روحت لبتاع كاوتش في بنزينة و ركبلي في الكاوتش من جوا 3 لزقات لحام تقريباً..
و بدلي مكان العجلة حطهالي مكان العجلة ورا و جاب اللي ورا مكانها قدام..
فإيه الحل ؟هل أسيب العجلة كده هتستحمل ؟ و لا أغيرها أحسن ؟
و لو غيرتها.. لازم أجيب نفس الماركة و نفس النقشة ؟
الكاوتش عندي هانكووك 215/50r17 91v
ده ممكن ألاقي زيه فين ؟

هي العربية عاملة 20 ألف كم و دي أول بالونة تطلع.. و غالباً ده بسبب أني مهمل في موضوع الكاوتش و متكل أني بحط نيتروجين فممكن أسبيه عادي كام شهر مكشفش عليه ولا أظبط الضغط ..

[luckyman]

خلي بالك من المطبات والحفر هدي السرعه وموضوع النيتروجين كدبه كبيره يا باشا فعلا مكن نيتروجين بس شغال هواء عادي كله ضحك علي الذقون

[Land_Cruiser]

طالما بالونه يستحسن تغير الفرده لو فى امكانيه لده لانها مع اللحام ما ينفعش تعتمد عليها. بتاع الكاوتش حطها ورا علشان يقلل الخطر منها إنما حتى و هى ورا فهى مشكله برضه. لو الاستبن بتاعك نفس المقاس ممكن تحطه مكانها (و ان كانت بعض الناس بتحب تسيب استبن الفابريكه زى ما هو ) او تغير الفرده اللى طلع فيها بالونه بواحده تانيه زيها و أمرك الى الله

[AlGazar2]

لو البالونه صغيره و انت لحمتها من جوه هيه هتبقى نقطه ضعيفه فى الكاوتش بس هتستحمل معاك بشرط ان انت متجريش بسرعه زياده عن 120 - و متكبسش فرامل جامد اوى و متاخدش ملفات على سرعه ولا غرز قطم و خصوصا ناحيه الجعله الى فيها بالونه
طبعا العجل الى ورا حمل الفرامل عليه قليل بس عليه حمل الملفات

يستحسن طبعا تغيرها بس فى االحاله دى يبقى تجيب كومهو اكستا stp احسن من الهانكوك

او طبعا بريدج او كونتينتال و ده للميزانيه المفتوحه

[dede_dodo88]

لو البالونه صغيره و انت لحمتها من جوه هيه هتبقى نقطه ضعيفه فى الكاوتش بس هتستحمل معاك بشرط ان انت متجريش بسرعه زياده عن 120 - و متكبسش فرامل جامد اوى و متاخدش ملفات على سرعه ولا غرز قطم و خصوصا ناحيه الجعله الى فيها بالونه
طبعا العجل الى ورا حمل الفرامل عليه قليل بس عليه حمل الملفات

يستحسن طبعا تغيرها بس فى االحاله دى يبقى تجيب كومهو اكستا stp احسن من الهانكوك

او طبعا بريدج او كونتينتال و ده للميزانيه المفتوحه

مزودش عن 120 !!
ده الـminimum بتاعي lol

طب في حالة التغيير.. لو ملاقيتش فرده زي اللي عندي لازم أغير الأربع فرد و لا عادي تمشي أي حاجة ؟
أنا عارف المقاس ده غلس و مش هيقل عن 1500 للفرده..

[AlGazar2]

لو هتغير يبقى تغير الاتنين الى قدام ( نفس النوع و نفس المقاس و نفس النقشه طبعا )

كل فردتين على اكس واحد يبقوا زى بعض

و استحمل 120 فتره كده - انا ماشى باللانسر بعجله فيها قدام خرم قطره 2-3 سم و ملحوم بحاجات غريبه بس بامانه انا الطبيعى بتاعى فى العربيه دى 90 و بيبقى كده حلو اوى عليها

[AlGazar2]

لو الاستبن 17 يبقى تنزل الفرده الاستبن و لو مش عايز تستعمل الجنط غير الكاوتش على الجنط الى موجود بالفعل بس تقريبا الهاتش باك بينزل باستبن التوكتوك الاصفر الى اقصى سرعه بيه 80

[dede_dodo88]

أه فعلاً الأستبن عندي اللي هو صغير..

بس لو غيرت فردتين بس هيبقى الوضع كده عادي مفيهوش مشاكل ؟
أيه أحسن نوع أجيبه في المقاس ده و ميعملش نفس المشكلة دي تاني ؟

[aw2100]

خليك فى البريدجستون اليابانى Turanza GR90 افضل كاوتش فى مصر وده تقييمه !
Bridgestone Turanza GR90 | the Bridgestone Turanza GR90 reviewed and rated | the online tyre guide

[aw2100]

خليك فى البريدجستون اليابانى Turanza GR90 افضل كاوتش فى مصر وده تقييمه وفية كمان البريدجستون بوتنزا بس ده غالى شوية !
Bridgestone Turanza GR90 | the Bridgestone Turanza GR90 reviewed and rated | the online tyre guide

[dede_dodo88]

خليك فى البريدجستون اليابانى Turanza GR90 افضل كاوتش فى مصر وده تقييمه وفية كمان البريدجستون بوتنزا بس ده غالى شوية !
Bridgestone Turanza GR90 | the Bridgestone Turanza GR90 reviewed and rated | the online tyre guide

في دي Bridgestone TURANZA ER30 المقاس بتاعي على موقع fit & fix بـ1689.

هي البردجستون أحسن وللا الكونتيننتال وللا الميشلان ؟
السعر مش هيفرق أوي طالما حاجة تكون كويسة و تريحني..
أنا لو لاقيت هانكوك زي اللي عندي هجيبها بس بفكر برضه في بدايل just in case لو ملاقيتهاش..

[dede_dodo88]

any thoughts ?

[aw2100]

البريدجستون افضل من وجهه نظرى تضمن انه يابانى مش مضروب واظن ان التوكيل بيدى ضمان كمان !!

[dede_dodo88]

أنا كلمت fit & fix و معندهمش للمقاس ده غير بريدجستون تورانزا الفردة بـ1740..

طب ايه أخبار الميشلان, كونتيننتال, جوديير ؟

[aw2100]

انا فرده اتقطعت عندى اليوم بسبب حديدة فى الشارع ونزلت بصيت على الكاوتش فية كاوتش تويو يابانى نقشته تحفة وبصيت على الكونتيننتال المانى نقشته تحفة برضة بس بالنسبة لمقاسك ماعرفش ثمنه كام وإن شاء الله انا ناوى اشترى التويو يابانى لعربيتى مقاس 175/70/13 ب 380 جنية بالتركيب والترصيص والكونتيننتال الالمانى نفس المقاس بنفس السعر !!