نصيحة في شراء كاوتش جديد و مساعدين جداد منين و بكام؟

[egyptiandiver]

السلام عليكم أحبتي في نيل موتورز، اتمنى أن تكون جميعاً بخير. أنا عاوز أغير الكاوتش اليومين دول للانوس بتاعتي هو هانكوك كوري إلي راكب دلوقتي و عامل 58,000 كم و عارف اني متأخر في التغيير ... المهم أنا ساكن في 6 أكتوبر رحت فيت اند فكس عندنا هناك و قلي في بريدجستون b250 ب-530 جنيه و فيرستون tz700 ب-360 جنيه تايلاندي و بيقولي هو نفس مصنع bridgetone أو تحت اشرافه.... السؤال هنا في حد عند ال-b250 بسعر أرخص؟ أو في نوع كاوتش مشهور تاني و بسعر كويس؟ أنا عند واحد صاحبي قال ليه قريب هو وكيل أو مستورد لإطارات هانكوك - الهانكوك بصراحة محترم بس ناشف و مزعج شويتين... و أنا عند شواية مشاكل كدة في ضهري و عاوز طراوة كويسة في الكاوتش و كفاية صداع! تنصحوني بأيه يا قوم؟ و لو ممكن كمان أغير المساعدين سمعت إن منرو محترم أجيبه منين و بكام؟ و لو فيه نوع مريح تاني يا ترى اه هو و أجيبه منين و بكام؟ معلش طولت عليكم لكن ربنا يطرح البركة فيكم - أخوكم أحمد سامي

[egyptiandiver]

أشهد أن لا إله إلى الله و أن محمد رسول الله...

[egyptiandiver]

عفواً إلا

[yasserasha]

متابع

[Land_Cruiser]

هو انا مش عارف مقاس الجنط بتاعك كام بس هو لو من ١٤ ال ١٧ ارشحلك البريجستون turanza GR90 . الفرده كأنها فيها كاتم للصوت و مريحه في المطبات و خاماتها محترمه جدا .

[egyptiandiver]

مقاس الجنط يا فندم هو الاوريجينال بتاع المصنع مقاس 13 - و شكراً لإهتمام حضرتك بالرد يا أستاذ land cruiser.

[YHYAKOTB]

انا شاريهم من شهر كان ب 425 مش عارف غليو اوى كدة لية
مقاس 13/70/175 بريدجستون تايلاندى b250

بس طرى ومريح صراحة

فى كمان تويو يابانى او جوديير او ميشلان

[egyptiandiver]

المقاس 13/70/175 - و عوز أبيع الاستبن الجوديير إلي تقريباً زيرو عشان مينشفش و 3 كاوتش مستعمل و أجيب أنضف وحدة مستعمل و أخليها استبن... و يا ترى سعر الكاوتش بتاعي في الحالة دي يتراوح ما بين كام و كام؟ مع الشكر

[CaptaiN-AhmeD]

متااابع باهتمام

[egyptiandiver]

أيوا يا قوم ايش الكلام؟ أحسن كاوتش جيد إيه و بكام و عند مين؟ و المساعدين نفس الوضع؟

[egyptiandiver]

باركولي يا قوم أنا أخيراً ربنا أكرمني و جبت طقم كاوتش بريدجستون b250 ب-370 جنيه للفردة الواحدة صناعة تايلاندي - إجمالي الحساب 1480 جنيه و أخد القديم قال فيه 2 ميتين و اتنين نص نص و دفعت الصافي 1400 جنيه مكان الشراء للافاده شركة الايمان أولاد بيومي قرب ميدان الدقي تاريخ الانتاج الاسبوع ال-35 أو 39 مش فاكر من سنة 2012 - إدعولي بالبركة و ربنا يستر طريقي و طريقكم, أخوكم أحمد سامي

[egyptiandiver]

آه نسيت... بالنسبة لطاقم المساعدين إيه النوع المحترم و بكام و منين و ربنا ما يحرمنيش من مشاركتكم.

[YHYAKOTB]

الف مبروك كدة السعر معقول اومال اية 530 الى كنت قايلها دى

[egyptiandiver]

الله يبارك في عمرك، لو حضرتك تراجع كتابتي في الاول تلاقي إن السعر دة من عند محل فيت & فكس في 6 أكتوبر و بصراحة إتصدمت من الرقم و مش عارف تفسير فرق السعر ده جي منين بظبط؟

[Moh_Hassanin]

اولا الف مبرووك عالكاوتش
ثانيا بالنسبه للمساعدين ... انا ارشحلك kyb ياباني عن تجربه و كانو عاملين من 7 شهور تقريبا 370 جنيه الامامي
تحياتي