لماذا الجنوط سبور تجعل العفشة ناشفه

[muslim_nsb]

بقالي كده يومين بقرأ مواضيع عن بيع الجنوط سبور والعوده للجنوط الحديد من اصحاب السيارات
واحد يقلك هو مخلى العفشه ناشفه التاني يقلك بيجعلني اشعر بالنقر اللى في الطريق
وثالت يقلك بيعمل بلونه في الكاوتش لو الطريق مش ممهد
برجاء من الاخوه خبراء الكاوتش والجنوط في المنتدى توضيح هذه المعلومات
انه فعلا الجنط سبور بينشف العفشه ويخلى الواحد يشعر بالنقر والحفر على الطريق ولا عادي زيه زي الجنط الحديد ولكم منى كل الشكر

[muslim_nsb]

24 مشاهده ولا رد واحد اعتقد ان الحالة الاقتصاديه بتاعت المنتدى صعبه
ياريت حد يرد علينا بكلام علمى في الموضوع ده للضروره

[Lifz_Good]

عندك حق

مواضيع كتيرة محتاجة مشاركات ومحدش بيرد

بس النت وكابل النت دا مبطأ العملية برضه

[abou-yahia]

اعتقد الجنط الحديد كمعدن ميتأثر اكتر من الجنط الاسبور اللي بيكون معمول في الاصل من سبيكه المونيوم

الجنط الحديد الشفف بتاعته علي طول متنيه في مقابل الجنط الاسبور مكسوره

الفكره ان الحديد اطري

لاكن مميزات الجنوط الاسبور احسن

في تهويه الطنابير ووزن اقل للعفشه وزياده في اداء الفرامل وثبات اعلي في الملفات

[تامر.محمد]

مسألة نشوفية العفشة لها علاقة بنقطتين
وزن الجنط
و ارتفاع بروفايل الكاوتش

كل ما زادوا كل ما نشفت العفشة

ربطت الموضوع ببعضه ؟

[mada3030]

http://www.nilemotors.net/Nile/344251-a.html

دا لينك للموضوع

[eng.m7md.ali]

انا لحد دلوقتي مقتنع ان مفيش فرق في النشوفية بين الجنوط العادي والاسبور لو نفس المقاس

اما لو مقاس اكبر طبعا تفرق

يعني مثلا جنوط 17 بوصة راكب على عربيتي بكاوتش مقاس 205-45 .. ال 205 ده عرض الكاوتش والمداس بتاعه
اما ال 45 ده يعني 45% من عرض الكاوتش اللي هو 205 .. طبعا كل ماتقل النسبة دي هتقل الراحة ويزيد النشوفية
اما الجنوط الاصلي مثلا 15 بوصة بمقاس كاوتش 195-60 .. نفس الكلام على المداس اللي هو 195 مم وال 60% ده اللي هو عرض الكاوتش .. معنى كدة ان النسبة زادت والعربية هتبقى اريح من ال 17

هيا بتتقاس كدة ده اللي انا عرفه لكن بالنسبة لوزن الجنوط مبيفرقش في النشوفية

[swimmer25]

انا لحد دلوقتي مقتنع ان مفيش فرق في النشوفية بين الجنوط العادي والاسبور لو نفس المقاس

اما لو مقاس اكبر طبعا تفرق

يعني مثلا جنوط 17 بوصة راكب على عربيتي بكاوتش مقاس 205-45 .. ال 205 ده عرض الكاوتش والمداس بتاعه
اما ال 45 ده يعني 45% من عرض الكاوتش اللي هو 205 .. طبعا كل ماتقل النسبة دي هتقل الراحة ويزيد النشوفية
اما الجنوط الاصلي مثلا 15 بوصة بمقاس كاوتش 195-60 .. نفس الكلام على المداس اللي هو 195 مم وال 60% ده اللي هو عرض الكاوتش .. معنى كدة ان النسبة زادت والعربية هتبقى اريح من ال 17

هيا بتتقاس كدة ده اللي انا عرفه لكن بالنسبة لوزن الجنوط مبيفرقش في النشوفية

لو نفس المقاس وفيه إختلاف في الوزن هيكون فيه فرق
لو نفس الوزن يبقي مفيش فرق

[MMamdouh]

زى ما قال الزملاء الموضوع ملوش علاقة بنوع الجنط خالص

القصة كلها فى مقاس الكاوتش... كل ما كان البروفايل بتاع الفردة قليل كل ما هتحس بالمطبات و النقر و العكس بالعكس

دة بيحصل لان كمية الكاوتش اللى بين الجنط و الاسفلت بتقل بالتالى عملية امتصاص الصدمات الناتجة عن المطبات بتقل و علية فا احساسك بخشونة الطريق بتزيد

زى كدة لما تكون بتدق بشاكوش فى الحيط و تكون حاطط مخدة بين الشاكوش و الحيط... و بعد كدة تشيل المخدة و تحط فوطة... كل ما الجزء اللى بيمتص الصدمة حجة بيقل كل ما تاثير الصدمة بيزيد

MMamdouh

[nadarottyy]

اضافة على كلام الزملاء موضوع نشفان العفشة دة بيختلف من عربية لعربية يعنى مثلا العربيات الالمانى عفشتها ناشفة عشان الاستابيليتى لو جيت تركب فيها جنوط مقاسات كبيرة كدة هيضر العفشة لكن العربيات الكورى مثلا عفشتها طرية عشان تستحمل الطرق عندنا فالوركبت فيها جنوط مفيش مشكلة والكلام دة عن تجربة شخصية

[muslim_nsb]

طيب انا عندى جنط حديد 15 ومقاس الكاوتش 195/60
بفكر اغير لجنط سبور 16
ايه افضل مقاس كاوتش يركب عليه
وهل مع الحمل الكاوتش هيحك في الرفرف ولا عادي
برجاء الافاده لان في هذه الحالة هاغير جنوط ومعاها كاوتش يعني مبلغ وقدره مش اقل من 5000 جنيه فحرام اغير وفي الاخر اكتشف انه بيحك ولازم ارجع للمقاس الاصلى
وهل في تأثير على العفشه ولا لأ

[تامر.محمد]

هايبقى 16 205 55 , و قطر العجلة هايبقى واحد , بي ركز في سمك الجنط و الاوفست برده عشان موضوع الحك ده

[reda elgohary]

بص يا باشا عن تجربة شخصية الفكرة كلها ف مقاس الكاوتش والجنط ،أنا كنت شاري العربي ة بجنوط سبور وشلتها وركبت جنوط عادية وغيرت طقم اكاوتش والحمد لله كلو تمام واختلاف ملحوظ جدا ،، لازم يكون الكاوتش مظبوط مع العربية .