غيرت لكونتيننتال؟؟؟؟

[Elsebily]

من كام يوم تخطيت حاجز الخمسين الف كيلو وحسيت اني خلاص جه ميعاد تغيير الكاوتش وكمان لاني فيه كاوتش عندي من الخمسه طرقع وانا ماشي عليه وهو نايم ومكنتش واخد بالي ده غير اني سمعت اني فيه زياده نازله علي اسعار الكاوتش 10% من يوم الاتنين الجاي المهم تشجعت وخدت قرار اني اغير اربع كاوتشات وبصراحه لقيت ناس كتير شكرتلي في كونتيننتال فقررت اني اغير لكونتيننتال فلقيته موجود عند وكيل بيريللي اللي في الخلفاوي وكان ContiEco.......™ 3

195 65 R15 91H وسعر الفرده كان 550 ومن هنا لهنا وصلنا اني اخد الاربعه ب 2150 بالترصيص بس فيه شوية استفسارات عندي:-

1- دلوقتي انا كان الكاوتش اللي عندي 185 وغيرت ل 195 وصاحب المحل قال عادي مفيهاش حاجه واني ده بيدي ثبات اكتر للعربيه فهل ده فيه اي مشاكل؟
2- سعر الكاوتش كده مناسب ولا غالي ؟؟؟
3-رأيكم في كاوتش كونتيننتال وتجاربكم ليه من حيث الصوت والفرامل؟؟
4-دلوقتي انا سبتله الاربع فرد القديمه وكان فيهم واحد بايز ورجعت وواحد صاحبي قالي كنت خدهم منه وبيعهم لاي محل او بيعهملو فانا بصراحه اول مره اغير كاوتش فمش عارف المفروض ايه اللي بيحصل؟؟؟
5-انا قلتله يشوف انضف كاوتش في الاربعه القدام من ناحية الحاله ويخليه استبن مع العلم اني القديم ده عرضه 185 ولا الاستبن كمان لازم اغيره واخليه 195 زيهم ؟؟؟
6- الكاوتش مكتوب عليه Germany وواحد قالي اني كونتيننتال فرنسي فقلتله ازاي ده الكاوتش مكتوب عليه الماني وحسيت اني اتلغبطت؟؟؟
7- تاريخ الكاوتش الاسبوع 44 من 2012 فكده تاريخ انتاجه قديم ولا كويس ؟؟؟

[m.farouk]

الكونتنينتال المانى وبيتصنع فى كذا بلد تانية

[ahmed_su]

المفروض الكاوتش كان يتغير للمقاس 195/60/15

ده المناسب

عموما انت ما زلت فى الرينج الامن

مش لازم تغير الاستبن لنفس المقاس انت مخليه للضرورة

[ahmed_su]

ده تقيم للاطار اللى انت ركبته


Continental Eco ....... 3 | the Continental Eco ....... 3 reviewed and rated | the online tyre guide

[bmya]

المفروض انك تبيعله الكاوتش القديم مش تسيبهولوا كده مجانا :)
وفعلا المقاس المفروض كان ينزل ل 60 افضل طالما عرضت الكاوتش

[A.Adel]

الكاوتش القديم ده بيعمل كام ؟

[Ahmed Amin]

4-دلوقتي انا سبتله الاربع فرد القديمه وكان فيهم واحد بايز ورجعت وواحد صاحبي قالي كنت خدهم منه وبيعهم لاي محل او بيعهملو فانا بصراحه اول مره اغير كاوتش فمش عارف المفروض ايه اللي بيحصل؟؟؟
5-انا قلتله يشوف انضف كاوتش في الاربعه القدام من ناحية الحاله ويخليه استبن مع العلم اني القديم ده عرضه 185 ولا الاستبن كمان لازم اغيره واخليه 195 زيهم ؟؟؟

أولاً مبروك علي تغير الكاوتش,
ثانياً خدها قاعدة ف حياتك في صيانتك لاي جزء ميكانيكي او حتي في اجزاء العربية الخارجية Body work لما تغير حاجة بحاجة جديدة, تاخد القديمة معاك ف الشنطة وانت ماشي.
ممكن لو سيبت جزء ميكانيكي او حتي من ال Body work بيتصلح ويبتاع تاني أستعمال..

الكاوتش بيتباع علي حسب حالة وتاريخة ممكن من 20 جنيه ل 80 علي حد علمي,
هيا القصة مش أسترخاص, بس انا لما بغير حاجة ف التوكيل مثلا ومش بشوف العربية ببقي عايز أتاكد أنا فعلا أتغير لي بوجيهات ولا لأ واتغير لي فلتر الهوا ولا لأ..
لازم أخد القطعة اللي اتغيرت عشان أضمن أنها اتغيرت لي من الاساس وانها مش هتركب لحد تاني ف عربيته علي انها جديدة لو سيبتها وكان المكان فيه ناس معندهاش ضمير.

الكاوتش لو كنت بعتهولو كنت هتوفر 200 جنيه من اجمالي المبلغ اللي انت دفعته,
بس انت متلومش نفسك وقول الحمدلله عال كاوتش ومبروك عال كاوتش جديد تاني..
أعتبرهم أتصرفو في اي حاجة.

وأنا عن نفسي بحب أحتفظ بالكاوتش عشان لو لقدر الله فردة حصلها حاجة من الجديد,
يبقي عندي حاجة أمشي نفسي بيها لحد نا اجيب جديد تاني, لأنك مينفعش تشمي عليه كتير لأنك بتكون غيرته عشان بيبقي نشف او بقي خطر,
بس في اوقات مش بيكون فيها فلوس متاحة وقتي لو حصل حاجة لفردة ومش هينفع تمشي من غير استبن لو ركبته وعندك فردة ضايعة خالص ولازم تمشي نفسك وتتحرك بالعربية.

أخر حاجة بالنسبة للاستبن متقلقش من ناحية المقاسات زي ما الأعضاء قالو لك هوا مجرد أستين حاجة تمشي عليه لحد ما تروح تصلح الفردة الاساسية لما يحصلها حاجة..

[Ahmed Amin]

الكاوتش القديم ده بيعمل كام ؟

من 20 ل 80 تقريباً علي حسب حالة ونوع الكاوتش وتاريخ أنتاجة.

[aw2100]

1000 مبروك على الكاوتش الجديد اختيار جيد

[egyptiandiver]

مبروك علي تغير الكاوتش

[Elsebily]

المفروض انك تبيعله الكاوتش القديم مش تسيبهولوا كده مجانا :)
وفعلا المقاس المفروض كان ينزل ل 60 افضل طالما عرضت الكاوتش

اه منا عرفت بعدها باسبوع وكنت بفكر والله اروح اخدهم منه بس رجعت وقلت انه ممكن ميفتكرنيش اساسا وهما اصلا كانو تلت فرد لاني الرابعه كانت مقطعه خالص لاني مشيت عليها وهي نايمه وانا مش واخد بالي وعامة حصل خير الحمد لله محدش بيتعلم ببلاش

[Elsebily]

أولاً مبروك علي تغير الكاوتش,
ثانياً خدها قاعدة ف حياتك في صيانتك لاي جزء ميكانيكي او حتي في اجزاء العربية الخارجية body work لما تغير حاجة بحاجة جديدة, تاخد القديمة معاك ف الشنطة وانت ماشي.
ممكن لو سيبت جزء ميكانيكي او حتي من ال body work بيتصلح ويبتاع تاني أستعمال..

الكاوتش بيتباع علي حسب حالة وتاريخة ممكن من 20 جنيه ل 80 علي حد علمي,
هيا القصة مش أسترخاص, بس انا لما بغير حاجة ف التوكيل مثلا ومش بشوف العربية ببقي عايز أتاكد أنا فعلا أتغير لي بوجيهات ولا لأ واتغير لي فلتر الهوا ولا لأ..
لازم أخد القطعة اللي اتغيرت عشان أضمن أنها اتغيرت لي من الاساس وانها مش هتركب لحد تاني ف عربيته علي انها جديدة لو سيبتها وكان المكان فيه ناس معندهاش ضمير.

الكاوتش لو كنت بعتهولو كنت هتوفر 200 جنيه من اجمالي المبلغ اللي انت دفعته,
بس انت متلومش نفسك وقول الحمدلله عال كاوتش ومبروك عال كاوتش جديد تاني..
أعتبرهم أتصرفو في اي حاجة.

وأنا عن نفسي بحب أحتفظ بالكاوتش عشان لو لقدر الله فردة حصلها حاجة من الجديد,
يبقي عندي حاجة أمشي نفسي بيها لحد نا اجيب جديد تاني, لأنك مينفعش تشمي عليه كتير لأنك بتكون غيرته عشان بيبقي نشف او بقي خطر,
بس في اوقات مش بيكون فيها فلوس متاحة وقتي لو حصل حاجة لفردة ومش هينفع تمشي من غير استبن لو ركبته وعندك فردة ضايعة خالص ولازم تمشي نفسك وتتحرك بالعربية.

أخر حاجة بالنسبة للاستبن متقلقش من ناحية المقاسات زي ما الأعضاء قالو لك هوا مجرد أستين حاجة تمشي عليه لحد ما تروح تصلح الفردة الاساسية لما يحصلها حاجة..

الله يبارك فيك وشكرا عالنصيحه والحوار مفيهوش استرخاص ولا حاجه كلامك صح ونصيحه اعتز بيها بس الفكره اني افتكرت اني بسيبه وانه بيترمي لاني بشوف كاوتشات كتير عالطرق مرميه ومحدش بيفكر ياخدها ومحلات الكاوتشات عالدائري بتحطها عشان تبين اني هنا في محل كاوتش فافتكرت انها حاجه ملهاش لازمه ومبتتباعش يلا الحمد لله

[Elsebily]

المهم السؤال بقي هل الضغط اللي هظبط عليه الكاوتش بعد كده هيبقي زي ما هو 32 قدام و30 ورا او 29 زي ما كتالوج العربيه بيقول ولا هيتغير ؟؟؟

[Ahmed Amin]

دا سؤال حلو احييك عليه وعلي تركيزك.
وأعتقد ان الصغط هيتغير طالما ابعاد الكاوتش اتغيرت.
بس مش هيفرق معاك كتير لان الفرق ما بين الفردة القديمة والجديدة مش كبير. متهيألي الفرق ممكن يبقي درجتين
كان ممكن يفرق كتير لو ركبت حاجة ٢٠٥ لو كان فيه لمقاس جنطك او تركب عليه.
بس معظم السيدان عمتا من ٣٠ ل ٣٥. انا دايما ماشي بمبدا الوسط أحسن وبحط ٣٢ علي كاوتش ٢٠٥/٥٥ r16
خلينا نسمع رأي خبراء الكاوتش اللي هنا.

[A.Adel]

من 20 ل 80 تقريباً علي حسب حالة ونوع الكاوتش وتاريخ أنتاجة.

حضرتك تقصد الفردة ولا ال 4 ؟

ودة بيبقى غير الفصال ؟