حان ميعاد تغيير الكاتوتش*مطلوب المشوره

[CaptaiN-AhmeD]

السلام عليكم ورحمة الله

شباب انا لسه جايب بالنوبيرا ال عندي 40 الف عالكاوتش وماشي تمام وكل حاجه مفيش اي مشكله
بس انا بحب الامان الزياده وربنا هو الستار

الجنط الي عندي 15 عايزكم ترشحولي حاجه تكون ممتازه وسعرها حنين يعني سعر الفرده ميزدش عن 350 ولو مفيش حاجه كويسه ف السعر دا تقولولي عادي

واحد زميلي لسه مركب عاللانوس بتاعته من اربع ايام كاوتش نوع كده اول مره اسمعه الي فاكره اني قالي ياباني اسمه سوميتومو

انتاج 2012

ودي البيانات ال قريتها عليه اعذروني لاني جاهل ف الاطارات

176/70 r13
82h

والراجل ال اشتراها منه بيقول معرفه وهي كانت بحوالي 420 ونزله سعرها لـ350

دي ايه الكلام فيها اجيبها انا كمان ولا تنصحوني بأيه عشان انا بصراحه مش مطمن ليها لأني اول مره اسمع الماركه دي وكمان التاريخ دا اكيد الي عنده زيها كده هل يعتبر قديم ولا شغال ؟

وهل ينفع اركب اي مقاس كبير شويه وف نفس الوقت ميخلش بالثبات لاني متعقد من المطبات اي مطب عندي وفي وزن بسمع اصوات انتو عرفينها بتنرفزززززززززز
الرجاء المشوره السريعه عشان انا ان شاء الله مكلمه وناوي انزل النهرده

[CaptaiN-AhmeD]

افيدونا افادكم الله

[aw2100]

انا ركبت عندى السوميتومو اليابانى hr 200 بصراحة هو كويس فى كل حاجة بس مشكلته انه بيزحف فى الفرامل انا انصحك تركب تويو يابانى بس ده غالى شوية ممكن تركب هانكوك كورى او نانكانج تايوانى وده سعرة وسط المهم تبعد عن:
ال gt ناشف وبيزحف مع الفرامل
ال بيريللى 3000 ناشف وبينفجر بعد 30000 ك
ال nexen ناشف وبيزحلق
ال sonar بيكسر سلك بعد 10000 ك
من الأخر ابعد عن الماركات المجهولة وربنا يستر طريقك اهم حاجة فى العربية الكاوتش !!
ودى نقشة السوميتومو

http://www.sumitomotire.com/images/p...TR_200_3-4.jpg

http://www.sumitomotire.com/images/p..._200_Tread.jpg

[CaptaiN-AhmeD]

انا انصحك تركب تويو يابانى بس ده غالى شوية ممكن تركب هانكوك كورى او نانكانج تايوانى

الف شكر ياباشا كده هو كويس ف كل حاجه بس موضوع الزحفه دي مصيبه مانا اصلا عايز اغير كاوتش عشان الي عندي بدء يزحف وانا مبحبش الحوار دا خالص كفايه الفرامل اصلاً مش abs ولا مساعده معايا
لكن زحفه وفرامل مش قويه للدرجه يبقى عندي مشكله نبعد عنه احسن
شكرا ياغالي واتمنى تقولي ولو بالتقريب تمن الانواع الي قولتلي عليها والصنع بتاعها هيبقى فيه مشكله لو 2012 ؟؟

[mgalil2000]

خليك فى المضمون
بريدجستون

[aw2100]

افضل انواع الكاوتش مقاس 175/70/13
ال toyo 350 يابانى ب 380
بريدجستون p250 اندونيسى ب 400
يوكوهاما يابانى c drive ب 500
كومهو كورى بلاش الفيتنامى ب 350
نانكانج تايوانى ب 350
فولدا تركى 420
دى اسعار من شهرين تقريبا النهاردة ماعرفش وانت عارف عمايل ال $ ومبروك الكاوتش الجديد !!

[CaptaiN-AhmeD]

ياباشا ربنا يستر من الأخضرررررررررررررر الي مبهدلنا معاااه يارب اركب الكومهو بصراحه انا محترمه اوي وراكب عندي دلوقتي ورغم انو لازم يتغير حالياً لكن بصراحه تمام التمام ومعملش معايا اي حركه نقص والزحفه بتاعته عاديه مش جامده
r/ 14 8gh 65/185
رأيكم يعني اجيبه نفس المقاس ال عندي الكوري خلاص ولا اي كلام ازود ف الفلوس وامري لله واجيب بريدج ستون اندونيسي انهو احسن فيهم معلش انا اسف صدعتكم بس انا بجد ف الكاوتشات صفررررررررررررررررر واتمنى تجاوبوني عن موضوع سنة الصنع لو السنه الي فاتت هتفرق ولا ايه

[CaptaiN-AhmeD]

نسيت اشكر حضرتك تاني مره ع جهودك معلش تعتبك معايا وصدعتك تسلم لذوقك والله يبارك فيك
وشكرا للأخ mgalil2000
وممكن اعرف بردو ايه الفرق بين كموهو اندونيسي وكوري؟؟

[aw2100]

بص انا انصحك تركب التويو proxes يابانى كاوتش 10/10 احسن من الكومهو 100 مرة وبيلزق فى الأرض مع الفرامل حتى لو فى المية او التراب والفردة المقاس 185/65/14 تقريبا تعمل 500 جنية وحكاية التصنيع لو اخر 2012 مش مشكلة قوى العمر الافتراضى لتخزين الكاوتش 5 سنوات وممكن تركب 195/60/14 حيثبت العربية معاك اكتر على الأرض !!!

[CaptaiN-AhmeD]

شكرا الف شكر ليك ياباشا انا للاسف بعد لف عند اشرفكو والروماني وبيومي وكذا حد
جبت الكونتينتال الاوروبي والحمد لله

[aw2100]

1000 مبروك وسعرهم كام ولما تمشى 1000 ك قولى تقييمك ليه اية ؟؟

[egyptiandiver]

1000 مبروك

[CaptaiN-AhmeD]

الله يبارك فيكم يا اساتذه ..انا شاكر جداً مساعدتكم
لحد دلوقتي راضي جداً عنه مبيزحفش ولا ملي بس هستنا اما يطرى شويه مع الكيلوهات واقولكم التجربه بالتفصيل ورأيي