9 خوابير فى الفرده على الصحرواى علشان بتاع المناديل

[master793]

أكبر إشتغاله على الصحرواى
أول بنزينه أسمها مصر للبترول بعد كارته مصر بكيلو قبل الكوبرى هتلاقى واحد بتاع مناديل ( مظبط مع ورشه الكاوتش ) وانتا على المطب يا أستاذ الفرده نايمه طبعاً إلى هيا يمين قدام
طبعا على طول هتلاقى البنزينه هتخش تزود الكاوتش أول حاجة هيعمليها هيجى يزود الفرد شمال ويمين ورا ويخبط على الكاوتش علشان تحس بالامان ويجى عند الفرده يمين قدام يخبط ( طبعا التخبيط ده بيعمل يجى 3 تخرام بمقبض بسن زى الموس) يا أستاذ لف الفرد كده عليا يعملك كمان 2 بالمبقض يبقى 5 تخرام تقوم نازل يكون هو رفع بالكوريك وزود الكاوتش على 50 بص يا أستاد بص يا أستاد والنصبيه السواد أن الفرد علشان تتفك ابدا كان الراجل صاحبى عملها بالمسدس ودفعت 70 جنيه ثمن الخمس الخوابير زى الباشا والفرده باظت والحمد الله نصيحة محدش يزود الكاوتش أبدا على الصحراوى
وحسبى الله ونعم والوكيل

[moumen_hs]

شكرا للمعلومة وكمان أماكن الركن على الطريق فيها مسامير وزرع كدة زى الشوك بالضبط بيخرم الكاوتش أتلسعت منة قبل كدة

[mohamed_selim]

فى كزا موضوع عن النصابين و البنزينه دى مذكوره كزا مره فيهم

[Habd]

بالزبط فيه واحد زى كده ف الدراسة و انت جاى من عند معسكر الامن يقولك الفردة الشمال مريحة يا باشا عشان تخش ع بنزينه قدام ع الشمال و يعمل معاك السليمة

[hossam_elwani]

نصب على كبير

على فكره الموضوع ده من زمان من التسعينات وهو موجود بنفس الافكار

[Land_Cruiser]

الف شكر علي التحذير يا فندم. لا حول و لا قوه إلا بالله. يعني غير انه هياخد منك فلوس إصلاح علي حاجه هو متعمد يبوظها كمان هيدفعك ثمن فرده كاوتش جديده. نصيحه يا جماعه اشتروا منفاخ العجل اللي بيتركب علي ولاعه العربيه ب ٥٠ جنيه و ارموه في الشنطه لانه بينفع في المواقف اللي زي دي علي الاقل تطمئن من ضغط الهواء في الاطارات بنفسك و لو ناقص تزوده لحد ما توصل لبتاع كاوتش مضمون و عامه البنزينات اللي علي الطرق السريعه مش مضمونه لا في ضغط الهواء و لا في البنزين لان للاسف كتير منهم بيستغل الفرصه ان مش قدامك حل غيره فبيلجأ للغش و ببجاحه و لذلك قبل السفر فوّل العربيه من البنزينه اللي بتتعامل معاها علي طول و راجع علي ضغط الاطارات عند بتاع الكاوتش الأمين اللي بتتعامل معاه و راجع علي مقياس الزيوت و مستوي المياه في الريدياتير و اطمئن ان الاستبن حالته كويسه و منفوخ و يفضل زي ما قلت يبقي معاك منفاخ كاوتش و كشاف صغير

[mxz911]

على فكره انا محصليش كده بس البنزينه دى اقذر بنزينه دخلتها فى حياتى
واسوأ معامله واسوأ خلق ممكن تشوفها هناك
هيه وبنزينه تانيه برضه على الصحرواى قبل Master ب 25 كيلو تقريبا

[المنسي]

نفس اللى بيحصل مع ناس كتير حد يقولك الكاوتش نايم وسيادتك زى الباشا تدخل على بتاع الكاوتش النصاب وقاعد جوة عربيتك ويقولك لف يمين ولف شمال طيب هيبقي فيها ايه لما حضرتك تنزل من عربيتك اول ماتركن عنده لو انت مزنوق اوى ورحت للاشكال دى وتخليه يرفع الفردة وتبقي عينك عليه بلاش كده لو معاك منفاخ للطوارىء او حتى الاستبن .......
ربنا يعوض عليك