تجربتي مع توكيل بريدجستون

[zakiali]

بعد تلف الكاوتش الأمامي اللي كان عندي وكان نوعه بيريللي بعد 30 ألف كيلو متر فقط من الاستخدام جاب سلك قبل ما يتخرم حتي خرم واحد .. نويت اني اغير لنوع نضيف تماما .. قررت أروح توكيل بريدجستون الهرم - محطة توتال

الناس هناك محترمين جدا .. سألت علي مقاس الفيرنا 13-70-175 الفردة عاملة 390 بالتركيب والنيتروجين بس من غير الترصيص والبلوف وضبط الزويا ..

الصناعة : تايلاندي وكان فيه الماليزي الاتنين بنفس السعر تماما بس قررا اجيب التايلاندي لأن التاريخ كان أجدد 1-2013 ..

الترصيص : محترف جدا مش بيشيل العلجة من علي المكنة غير لما تقرا زيرو في الناحيتين !!!

ضبط الزوايا : عندهم جهاز حديث بشاشة lcd والراجل هناك محترف برده مش بيطلع العربية الا لما القرايات كلها تبقي مصفرة !!! انا الصراحة اول مره اشوف حد بيضبط الزوايا كده لدرجة انها تقرا اصفار ! كله بيجيبها علي الأخضر ويطلع يجري خلاص مش مهم الأرقام بيكبروا دماغهم .. وكمان كان عندي الدركسيون فيه عوجة اتزبطت واتسنترت تماما في النص + كمان ربطلي العفشة

التكلفة الكلية : 885 جنيه + ضمان 4 سنوات ضد عيوب الصناعة

العيوب الملاحظة : طول فترة الانتظار نظرا للزحام الشديد ..

اجمالي التجربة : راضي بدرجة كبيرة


يارب اكون افدتكم

[Land_Cruiser]

الف مبروك علي الكاوتش و ربنا يباركلك فيه و يكفيك شر النقر و البلاعات

[egyptiandiver]

1885 ?

[zakiali]

1885 ?

885

[محمد جلال]

الف مبروك الكاوش الجديد ربنا يديك خيره ويكفيك شره وعايزين نعرف انت جبت النقشة الجديدة وايه اخباره مع العفشة والفرامل ومحطة توتال فى اى منطقة ياريت تقولى

[zakiali]

الصراحة حسيت ان العفشة ناعمه جدا والفرامل ادائها اتحسن جدا وبطلت تزحف علي الأرض مع الفرمله الجامدة وكمان الدركسيون نعم جدا ومبقاش فيه هزه ولا تقل .. الصرارحة الكاوتش النضيف بيحيي العربية

[tarekzein]

ليهم رقم تليفون ؟؟

[mado83]

ده البريجستون اللى هو b250
ولا حاجه تانيه

[lido82]

تليفونهم 19187

[ahmedhilmy]

مبروك يا باشا

[S O P H O S]

الف مبروك ..

[zakiali]

مبروك يا باشا

الله يبارك فيك

[zakiali]

مبروك يا باشا

الف مبروك ..

يباركلك .. شكرا لزوقك

[egyptiandiver]

الف مبروك علي الكاوتش

[Ultramisho]

مبروك ياباشا على الكوتش وطبعا الكاوتش الكويس بيحيي العربية

بس ماقلتلناش النقشة اسمها ايه وشوية معلومات فنية عن الكاوتش لو عندك خاصة الحرارة والسرعة والاحتكاك

بس كويس انك اهتميت بتاريخ الانتاج اكتر من 6 شهور مش مطلوب بصراحة

مرة تانية الف مبروك
تحياتي