كاوتش جديد

[ابراهيم حامد]

السلام عليكم
انا ابراهيم حامد
انا لسة عضو جديد ودي اول مشاركة ليا في المنتدى
انا عربيتي نيسان صني 2013 سوبر صالون
كاوتش العربية اللي جاي معاها r15 185/65 88h كان صيني لشركة غريبة ma وكان سيء للغاية
انا غيرت الاربع فرد اللي عندي باربعة جداد بريدجستون بس عرضت الكاوتش شوية وفي فرع بريدجستون هوة اللي نصحني بكده علشان اتزان العربية يبقى افضل وده اللي فعلا حسيت بيه العربية بقت ثابتة على الارض اكتر(عكس الاول طبعا بكتير) لكن الباور تقل شوية بس مش مشكلة اوي
المهم الكاوتش الجديد 195/60 r15 88v هية دي مواصفاته
انا بس خايف لحسن تكون المواصفات الجديدة بتاعت الكاوتش مش متناسبة مع عربيتي
وبعدين برده لسة مجربتش العربية وهية فيها تقل وخايف لحسن تحك
ارجو الافادة
وشكرا

[ابراهيم حامد]

ياريت يا جماعة حد يرد عليا من فضلكم وهل مقاس 60 اللي جبته هيفرق عن 65 اللي كان في العربية اصلا

[moumen_hs]

باشا مبروك على العربية وعلى الكاوتش الجديد المقاس الى حضرتك جبتة هو نفس مقاس التعريض الاصلى للعربية والعربية ولا هتحك ولا حاجة كل ماهونالك 1 سم قل طول ليس اكتر وهو المتبع فى النيسان عموما للى عايز يعرض العربية وتحياتى