تعريض اطارات السيارات

[hmemara]

السلام عليكم
انا دي اول مشاركة ليا في المنتدى
انا عربيتي الانترا 2008
كاوتش العربية اللي جاي معاها r15 185/65 هانكوك
انا عايز اغير الاربع فرد اللي عندي باربعة جداد . قايم العربية مكتوب عليه انى اقدر اعرض r15 195/65
بس فى ناس قالولى أن التعريض للمقاس ده أحسن وناس تانية قالت r15 185/60 يعنى 60 بدل من 65 هية دي مواصفاته
انا مش عارف اتبع اللى مكتوب على العربية وللا اعرض 195 و انزل لـ 60
وباريت لو حد يفيدنى فى نوع الاطارات اللى أقدر اجيبها ويا ريت لو كذا نوع وأفضل أماكن الشراء والتركيب
ارجو الافادة
وشكرا

[eng.m7md.ali]

ال 185\65 زي ال 195\60 .. هيحسن الفرامل ووالعربية تبقى احسن في الثبات .. بلاش ال 195\65 عشان هيعلي العربية

[hmemara]

شكرا على الرد
بس مش لو عليت العربية يبقى أحسن وللا أخليها زى ما هى؟

[eng.m7md.ali]

ماهو لو عليت شوية هتفقد ميزة الثبات اللي هيا اصلا مفتقداها .. لو حضرتك مبتسافرش كتير والطرق كلها مطبات يبقى انصحك بالمقاس التاني

[hsemam]

باشا انا معايا نفس العربيه بس موديل 2010 وركبت كاوتش يوكوهاما 195-60-15 مرضتش اركب 65 عشان لقيت العربيه هتعلي 1 سم فخفت بصراحه لأن انت طبعا عارف الثبات في العربيه دي يعني علي قدها قوي بس بصراحه بعد ماركبت الكاوتش انا حسيت اني جبت عربيه جديده الثبات اختلف خالص و موضوع زحف العربيه ده تقريبا انتهي ده غير ان كاوتش يوكوهاما طري جدا وده خلي الكاوتش ملوش صوت زي الاول انا انصحك بالكوتش ده و المقاس ده و هتدعيلي